لُوقا 8:8 - الكتاب المقدس بالعربي الدارجي هنا تشاد

⁸ وَ تَيْرَابْ آخَرْ وَقَعْ فِي تُرَابْ عَدِيلْ وَ الْبِذْرَةْ قَمَّتْ وَ وِلْدَتْ عِيَالْ كَتِيرْ. وَ كُلِّ قَنْدُولْ عِنْدَهْ 100 حَبَّةْ.» وَ وَكِتْ قَالْ الْكَلَامْ دَا خَلَاصْ، هُو نَادَى الْجَمَاعَةْ وَ قَالْ: «أَيِّ نَادُمْ الْعِنْدَهْ أَدَانْ لِلسَّمَعْ، خَلِّي يَسْمَعْ!»

لُوقا 8:8 Referenca të Kryqëzuara

مَتَّى 11:15

أَيِّ نَادُمْ الْعِنْدَهْ أَدَانْ خَلِّي يَسْمَعْ!

رُؤية 2:11

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، مَا يَخَافْ مِنْ الْمَوْت التَّانِي.

رُؤية 2:7

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَاكُلْ مِنْ شَدَرَةْ الْحَيَاةْ الْقَاعِدَةْ فِي جَنَّةْ اللّٰهْ.

مَرْخُوس 4:20

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّاسْ الْيَسْمَعَوْا كَلَامْ اللّٰهْ وَ يَكُرْبُوهْ عَدِيلْ. وَ هُمَّنْ يِجِيبُوا إِنْتَاجْ سَمَحْ، وَاحِدِينْ مِنْهُمْ 30 أَوْ 60 أَوْ 100 حَبَّةْ.»

مَرْخُوس 4:8

وَ تَيْرَابْ آخَرْ وَقَعْ فِي تُرَابْ عَدِيلْ وَ الْبِذْرَةْ قَمَّتْ وَ وِلْدَتْ وَ أَنْتَجَتْ وَ كُلِّ قَنْدُولْ عِنْدَهْ 30 أَوْ 60 أَوْ 100 حَبَّةْ».

مَتَّى 13:23

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّادُمْ الْيَسْمَعْ كَلَامْ اللّٰهْ وَ يَفْهَمَهْ. وَ هُو يِجِيبْ إِنْتَاجْ سَمَحْ مِثِلْ قَنْدُولْ الْعِنْدَهْ 100 أَوْ 60 أَوْ 30 حَبَّةْ.»

أمْثال 20:12

الْأَدَانْ التَّسْمَعْ وَ الْعَيْن التِّشِيفْ، هُمَّنْ الْإِتْنَيْن اللّٰهْ بَسْ خَلَقَاهُمْ.

لُوقا 8:15

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّاسْ الْيَسْمَعَوْا كَلَامْ اللّٰهْ وَ يَكُرْبُوهْ بِحَقّ وَ قَلِبْ عَدِيلْ. وَ يَصْبُرُوا وَ يِجِيبُوا نَتِيجَةْ عَدِيلَةْ.

إرْمِيا 13:15

وَ إِرْمِيَا قَالْ: «يَا بَنِي إِسْرَائِيلْ، خُطُّوا أَدَانْكُو وَ أَسْمَعَوْا! مَا تِسْتَكْبَرَوْا أَشَانْ دَا كَلَامْ اللّٰهْ الْهُو قَالَهْ.

أمْثال 8:1

أَسْمَعَوْا، الْحِكْمَةْ تِنَادِي وَ الْفِهِمْ يَرْفَعْ حِسَّهْ.

تكوين 26:12

وَ إِسْحَاقْ حَرَتْ فِي الْبَلَدْ دِي وَ فِي السَّنَةْ دِي، لِقِي مِيَةْ مَرَّةْ زِيَادَةْ أَشَانْ اللّٰهْ بَارَكَهْ.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

إرْمِيا 25:4

وَ دَايْماً اللّٰهْ رَسَّلْ لَيْكُو كُلَّ عَبِيدَهْ الْأَنْبِيَاء وَ إِنْتُو أَبَيْتُوا مَا خَطَّيْتُوا أَدَانْكُو لِتَسْمَعَوْهُمْ.

مَرْخُوس 4:23

أَيِّ نَادُمْ الْعِنْدَهْ أَدَانْ لِلسَّمَعْ، خَلِّي يَسْمَعْ!»

مَرْخُوس 7:16

أَيِّ نَادُمْ الْعِنْدَهْ أَدَانْ خَلِّي يَسْمَعْ.»

لُوقا 8:7

وَ تَيْرَابْ آخَرْ وَقَعْ فِي أُسْط الشَّوْك وَ الْبِذْرَةْ قَمَّتْ سَوَا مَعَ الشَّوْك وَ الشَّوْك خَنَقَاهَا.

لُوقا 14:35

الْمِلِحْ الْمِثِلْ دَا مَا عِنْدَهْ فَايْدَةْ وَ لَا لِلتُّرَابْ وَ لَا لِلْبَعَرْ. وَ خَلَاصْ، النَّاسْ يِدَفُّقُوهْ بَرَّا. أَيِّ نَادُمْ الْعِنْدَهْ أَدَانْ لِلسَّمَعْ، خَلِّي يَسْمَعْ!»

رُؤية 3:6

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.

رُؤية 3:13

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.

رُؤية 13:9

أَيِّ نَادُمْ الْعِنْدَهْ أَدَانْ، خَلِّي يَسْمَعْ.