لُوقا 8:3 - الكتاب المقدس بالعربي الدارجي هنا تشاد

³ وَ جَانَا مَرِةْ خُوزَا وَكِيلْ هَنَا هِرُودُسْ الْمُحَافِظْ وَ سُوزَانَةْ وَ عَوِينْ آخَرَاتْ كَتِيرَاتْ. وَ الْعَوِينْ دَيْل قَاعِدَاتْ يِسَاعِدَنْ جَمَاعَةْ عِيسَى بِمَالْهِنْ حَلَالْهِنْ.

لُوقا 8:3 Referenca të Kryqëzuara

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

فِلِبِّي 4:22

كُلَّ الصَّالِحِينْ الْقَاعِدِينْ هِنِي يِسَلُّمُوكُو وَ خَاصَّةً النَّاسْ الْمِنْ بَيْت السُّلْطَانْ.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

مَتَّى 26:11

الْمَسَاكِينْ قَاعِدِينْ مَعَاكُو دَايْماً وَ لَاكِنْ أَنَا كَمَانْ مَا نَقْعُدْ مَعَاكُو دَايْماً.

مَتَّى 25:40

وَ الْمَلِكْ يُقُولْ لَيْهُمْ: ‹نُقُولْ لَيْكُو الْحَقّ، كَنْ سَوَّيْتُوا شَيّءْ مِثِلْ دَا لِوَاحِدْ مِنْ أَخْوَانِي الصُّغَارْ دَوْل، دَا مِثِلْ سَوَّيْتُوهْ لَيِّ أَنَا.›

مَتَّى 2:11

وَ دَخَلَوْا فِي لُبّ الْبَيْت وَ لِقَوْا الصَّغِيرْ مَعَ أَمَّهْ مَرْيَمْ وَ سَجَدَوْا لَيَّهْ. وَ جَابَوْا هَدَايَا غَالِيِّينْ وَ فَكَّوْهُمْ وَ قَدَّمَوْهُمْ لِعِيسَى. أَنْطَوْه دَهَبْ وَ دُخَّانْ وَ لُبَانْ وَ صِبِرْ.

إشَعْيا 23:18

لَاكِنْ رِبَاهَا وَ أُجْرِتْهَا يَبْقَوْا مُخَصَّصِينْ لِلّٰهْ. وَ لَا يُضُمُّوهُمْ وَ لَا يَخْزُنُوهُمْ. أَشَانْ بِرِبَاهَا يِأَكُّلُوا وَ يِشَبُّعُوا وَ يِلَبُّسُوا عَدِيلْ النَّاسْ الْيَسْكُنُوا قِدَّامْ اللّٰهْ.

1 أخبار 29:14

«لَاكِنْ أَنَا كَيْ يَاتُو؟ وَ شَعَبِي يِسَاوِي شُنُو؟ وَ كِكَّيْف لِقِينَا قُدْرَةْ لِنِقَدُّمُوا هَدَايَا مِثِلْ دَوْل؟ أَيِّ شَيّءْ الْعِنْدِنَا جَايِ مِنَّكْ إِنْتَ وَ كُلَّ شَيّءْ الْقَدَّمْنَاهْ لَيْك، إِنْتَ بَسْ أَنْطَيْتنَا.

لُوقا 24:10

وَ الْعَوِينْ دَيْل هِنَّ مَرْيَمْ الْمَقْدَلِيَّةْ وَ جَانَا وَ مَرْيَمْ أَمّ يَعْقُوبْ وَ الْعَوِينْ الْمَعَاهِنْ وَ هِنَّ بَسْ الْأَوْرَنْ الرُّسُلْ بِالْكَلَامْ دَا.

أعمال الرُسُل 13:1

وَ فِي جَمَاعَةْ الْمُؤمِنِينْ الْقَاعِدِينْ فِي حِلَّةْ أَنْطَاكِيَةْ، فِي أَنْبِيَاء وَ مُعَلِّمِينْ. وَ هُمَّنْ بَرْنَابَا وَ سِمْعَانْ الْبِنَادُوهْ أَزْرَقْ وَ لُوكِيُسْ الْمِنْ حِلَّةْ الْقَيْرَوَانْ وَ مَنَايِنْ الرَّبَّوْه مَعَ هِرُودُسْ مُحَافِظْ دَارْ الْجَلِيلْ وَ شَاوُولْ.

مَتَّى 14:1

وَ فِي الْوَكِتْ دَاكْ، هِرُودُسْ مُحَافِظْ دَارْ الْجَلِيلْ سِمِعْ خَبَرْ عِيسَى.

مَتَّى 14:3

وَ قَبُلْ دَا، هِرُودُسْ كَرَبْ يَحْيَى فِي السِّجِنْ وَ رَبَطَهْ بِجَنَازِيرْ فِي شَانْ مَرْتَهْ هِرُودِيَّةْ. وَ أَوَّلْ هِرُودِيَّةْ هِي مَرِةْ فِلِبُّسْ أَخُوهْ لِهِرُودُسْ

مَتَّى 14:6

وَ فِي يَوْم عِيدْ مَوْلِدْ هِرُودُسْ، قَاعِدِينْ يِعَيُّدُوا وَ بِنَيَّةْ هِرُودِيَّةْ لِعِبَتْ قِدَّامْهُمْ وَ هِرُودُسْ فَرْحَانْ بِلْحَيْن مِنْهَا.

مَتَّى 20:8

«وَ وَكِتْ بِقِي مَغْرِبْ سِيدْ الْجِنَيْنَةْ حَجَّى لِوَكِيلَهْ وَ قَالْ: ‹نَادِي الْخَدَّامِينْ وَ أَنْطِيهُمْ قُرُسْهُمْ. أَبْدَا مِنْ النَّاسْ الْجَوْا وَرَاءْ لَحَدِّي تِكَمِّلْ بِالنَّاسْ الْجَوْا أَوَّلْ.›

مَتَّى 27:55

وَ فِيَّهْ عَوِينْ كَتِيرَاتْ قَاعِدَاتْ يِشِيفَنْ مِنْ بَعِيدْ. هِنَّ دَيْل أَوَّلْ تَابَعَنْ عِيسَى مِنْ دَارْ الْجَلِيلْ أَشَانْ يَخْدِمَنْ لَيَّهْ.

يُوحَنَّا 12:6

وَ يَهُوذَا مَا قَالْ الْكَلَامْ دَا أَشَانْ هُو حَنُونْ لِلْمَسَاكِينْ لَاكِنْ أَشَانْ هُو سَرَّاقْ. هُو مَسْؤُولْ فِي صَنْدُوقْ هَنَا قُرُسْهُمْ وَ قَاعِدْ يِشِيلْ مِنْ الْقُرُسْ.