لُوقا 8:10 - الكتاب المقدس بالعربي الدارجي هنا تشاد

¹⁰ وَ عِيسَى قَالْ: «اللّٰهْ أَنْطَاكُو مَعْرَفَةْ سِرّ مَمْلَكَةْ اللّٰهْ لَاكِنْ نِحَجِّي لِلنَّاسْ الْآخَرِينْ بِأَمْثَالْ. وَ بِمِثِلْ دَا، عِنْدُهُمْ عُيُونْ وَ لَاكِنْ مَا يِشِيفُوا وَ يَسْمَعَوْا الْكَلَامْ وَ لَاكِنْ مَا يَفْهَمَوْه.

لُوقا 8:10 Referenca të Kryqëzuara

إشَعْيا 6:9

وَ هُو قَالْ: «أَمْشِي وَ قُولْ لِلشَّعَبْ دَوْل: ‹تَسْمَعَوْا وَ لَاكِنْ مَا تَفْهَمَوْا وَ تِشِيفُوا وَ لَاكِنْ مَا تَعَرْفُوا.›

مَرْخُوس 4:11

وَ عِيسَى قَالْ: «لَيْكُو إِنْتُو أَنْطَوْكُو سِرّ مَمْلَكَةْ اللّٰهْ لَاكِنْ لِلنَّاسْ الْآخَرِينْ نِحَجِّي لَيْهُمْ دَايْماً بِأَمْثَالْ.

مَتَّى 11:25

وَ فِي الْوَكِتْ دَا، عِيسَى حَجَّى وَ قَالْ: «شُكْراً، يَا أَبُويِ رَبّ السَّمَاوَاتْ وَ الْأَرْض أَشَانْ إِنْتَ لَبَّدْت كَلَامَكْ دَا مِنْ الْحَكِيمِينْ وَ مِنْ الْعُلَمَاءْ. وَ وَصَّفْتَهْ لِلنَّاسْ الْجُهَّالْ.

إرْمِيا 5:21

‹أَسْمَعَوْا يَا شَعَبْ، الْفِكِرْكُو مَحْدُودْ وَ مَا عِنْدُكُو رَاسْ. إِنْتُو عِنْدُكُو عُيُونْ الْمَا يِشِيفُوا وَ عِنْدُكُو أُدْنَيْ الْمَا يَسْمَعَوْا.

إشَعْيا 44:18

وَ النَّاسْ دَوْل وَ لَا يَعَرْفُوا وَ لَا يَفْهَمَوْا. أَشَانْ عُيُونْهُمْ مِسْدُودِينْ، مَا يِشِيفُوا وَ هُمَّنْ مُقَفَّلِينْ، مَا يَفْهَمَوْا.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

مَتَّى 16:17

وَ عِيسَى قَالْ لَيَّهْ: «مَبْرُوكْ لَيْك سِمْعَانْ وِلَيْد يُوحَنَّا! الْفِكِرْ دَا مَا جَايْ مِنْ إِنْسَانْ! لَاكِنْ أَبُويِ اللّٰهْ بَسْ أَنْطَاكْ.

زَبُور 25:14

اللّٰهْ يَنْطِي سِرَّهْ لِلْيَخَافَوْا مِنَّهْ لِيِعَرِّفْهُمْ مُعَاهَدَتَهْ.

تَثْنِية 29:4

وَ لَاكِنْ لَحَدِّي الْيَوْم، اللّٰهْ مَا أَنْطَاكُو قُلُوبْ لِتَفْهَمَوْا وَ لَا عُيُونْ لِتِشِيفُوا وَ لَا أُدْنَيْ لِتَسْمَعَوْا.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

1 كُرُنْتُس 12:11

وَ نَفْس الرُّوحْ الْقُدُّوسْ الْوَاحِدْ، هُو بَسْ الْيِجِيبْ كُلَّ الْعَطَايَا دَوْل وَ يِقَسِّمْهُمْ لِأَيِّ نَادُمْ مِثِلْ هُو يِدَوْرَهْ.

يُوحَنَّا 12:40

<اللّٰهْ عَمَى عُيُونْهُمْ وَ قَوَّى قُلُوبْهُمْ أَشَانْ مَا يِشِيفُوا بِعُيُونْهُمْ وَ مَا يَفْهَمَوْا بِقُلُوبْهُمْ. وَ بَيْدَا، مَا يُتُوبُوا أَشَانْ نَشْفِيهُمْ.>

إشَعْيا 29:14

وَ فِي شَانْ دَا، أَنَا نِوَصِّفْ لَيْهُمْ عَجَبْ بَعَدْ عَجَبْ وَ حِكْمَةْ الْحُكُمَاءْ تِوَدِّرْ وَ فِهِمْ الْفَاهِمِينْ يَبْقَى مَا فِيهْ.»

حِزْقِيال 12:2

«يَا إِبْن آدَمْ، إِنْتَ قَاعِدْ فِي أُسُطْ شَعَبْ عَاصِيِينْ! هُمَّنْ عِنْدُهُمْ عُيُونْ لِلشَّوْف وَ لَاكِنْ مَا يِشِيفُوا وَ عِنْدُهُمْ أُدْنَيْ لِلسَّمَعْ وَ لَاكِنْ مَا يَسْمَعَوْا أَشَانْ هُمَّنْ شَعَبْ عَاصِيِينْ.

مَرْخُوس 4:12

وَ بِمِثِلْ دَا، <أَكِيدْ عِنْدُهُمْ عُيُونْ وَ لَاكِنْ مَا يِشِيفُوا. وَ أَكِيدْ يَسْمَعَوْا الْكَلَامْ لَاكِنْ مَا يَفْهَمَوْه. وَ كَنْ مَا مِثِلْ دَا، هُمَّنْ يُتُوبُوا مِنْ ذُنُوبْهُمْ وَ اللّٰهْ يَغْفِرْ لَيْهُمْ.>»