لُوقا 8:1 - الكتاب المقدس بالعربي الدارجي هنا تشاد

¹ وَ بَعَدْ دَا، عِيسَى قَمَّ يُرُوغْ فِي الْمُدُنْ وَ الْحِلَّالْ. وَ قَاعِدْ يِبَلِّغْ لِلنَّاسْ بِبِشَارَةْ مَمْلَكَةْ اللّٰهْ. وَ الرُّسُلْ الْأَتْنَا عَشَرْ مَاشِينْ مَعَايَهْ.

لُوقا 8:1 Referenca të Kryqëzuara

مَتَّى 4:23

وَ عِيسَى قَمَّ رَاغْ فِي كُلَّ بَكَانْ هَنَا دَارْ الْجَلِيلْ وَ قَاعِدْ يِعَلِّمْ النَّاسْ فِي بُيُوتْ الصَّلَاةْ وَ يِبَشِّرْ لَيْهُمْ بِشَارَةْ مَمْلَكَةْ اللّٰهْ. وَ قَاعِدْ يَشْفِيهُمْ مِنْ أَيِّ وَجَعْ وَ أَيِّ مَرَضْ الْفِي لُبّ الشَّعَبْ.

رَوْمَا 10:15

وَ كِكَّيْف يِبَلُّغُوا لَيْهُمْ الْبِشَارَةْ، كَنْ مَا رَسَّلَوْهُمْ؟ أَشَانْ دَا، الْكِتَابْ بُقُولْ: <مَرْحَباً بِجَيَّةْ الْمُرْسَالْ الْيِبَلِّغْ الْبِشَارَةْ.>

أعمال الرُسُل 13:32

«وَ هَسَّعْ أَنِحْنَ نِبَلُّغُوا لَيْكُو الْبِشَارَةْ. الشَّيّءْ الْاللّٰهْ وَاعَدْ بَيَّهْ جُدُودْنَا،

أعمال الرُسُل 10:38

وَ تَعَرْفُوا كَدَرْ اللّٰهْ نَزَّلْ الرُّوحْ الْقُدُّوسْ فِي عِيسَى الْمِنْ النَّاصِرَةْ وَ دَرَّجَهْ مَسِيحْ وَ أَنْطَاهْ قُدْرَةْ. وَ عِيسَى سَوَّى الْخَيْر فِي أَيِّ بَكَانْ وَ شَفَى كُلَّ النَّاسْ الْإِبْلِيسْ عَذَّبَاهُمْ أَشَانْ اللّٰهْ كَانْ مَعَايَهْ.

لُوقا 4:18

<رُوحْ اللّٰهْ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي أَشَانْ نَعْلِنْ بِالْحُرِّيَّةْ لِلْمَسَاجِينْ وَ نِفَتِّحْ عُيُونْ الْعَمْيَانِينْ وَ نِحَرِّرْ الْمَظْلُومِينْ

مَرْخُوس 1:39

وَ قَمَّ رَاغْ فِي كُلَّ دَارْ الْجَلِيلْ وَ قَاعِدْ يِبَشِّرْ النَّاسْ فِي بُيُوتْ الصَّلَاةْ وَ يَطْرُدْ الشَّوَاطِينْ.

مَتَّى 13:19

أَيِّ نَادُمْ الْيَسْمَعْ بِشَارَةْ الْمَمْلَكَةْ وَ مَا يَفْهَمْهَا، إِبْلِيسْ الشَّرِيرْ يَجِي وَ يِشِيلْ الْكَلَامْ مِنْ قَلْبَهْ. وَ دَا مِثِلْ التَّيْرَابْ الْوَقَعْ فَوْق الدَّرِبْ.

مَتَّى 11:1

وَ بَعَدْ عِيسَى قَالْ كُلَّ الْكَلَامْ دَا لِتَلَامِيذَهْ الْأَتْنَا عَشَرْ، هُو قَمَّ مِنْ هِنَاكْ وَ مَشَى يِعَلِّمْ النَّاسْ وَ يِبَلِّغْ الْبِشَارَةْ فِي حِلَّالْهُمْ.

مَتَّى 9:35

عِيسَى قَاعِدْ يُرُوغْ فِي كُلَّ الْمُدُنْ وَ فِي كُلَّ الْحِلَّالْ وَ يِعَلِّمْ النَّاسْ فِي بُيُوتْ الصَّلَاةْ وَ يِبَشِّرْهُمْ بِبِشَارَةْ مَمْلَكَةْ اللّٰهْ. وَ يَشْفِيهُمْ مِنْ أَيِّ وَجَعْ وَ أَيِّ مَرَضْ.

لُوقا 1:80

وَ الْوِلَيْد كِبِرْ وَ بِقِي قَوِّي بِالرُّوحْ. وَ قَاعِدْ يِعِيشْ فِي الْكَدَادَةْ لَحَدِّي يَوْم بَانْ لِبَنِي إِسْرَائِيلْ.

لُوقا 9:6

وَ خَلَاصْ، هُمَّنْ قَمَّوْا يُرُوغُوا فِي كُلَّ الْحِلَّالْ وَ يِبَلُّغُوا الْبِشَارَةْ فِي أَيِّ بَكَانْ وَ يَشْفُوا الْمَرْضَانِينْ.

لُوقا 20:1

وَ يَوْم وَاحِدْ، عِيسَى قَاعِدْ يِعَلِّمْ النَّاسْ فِي فَضَايَةْ بَيْت اللّٰهْ وَ يِبَلِّغْ لَيْهُمْ الْبِشَارَةْ. وَ فِي الْبَكَانْ دَا، كُبَارَاتْ رُجَالْ الدِّينْ وَ الْعُلَمَاءْ وَ الشُّيُوخْ جَوْا لَيَّهْ.