لُوقا 7:2 - الكتاب المقدس بالعربي الدارجي هنا تشاد

² وَ فِي نَادُمْ أَجْنَبِي هِنَاكْ وَ هُو كَبِيرْ عَسْكَرْ الرَّوْمَانِيِّينْ وَ هُو عِنْدَهْ عَبِدْ وَاحِدْ مَرْضَانْ قَرِيبْ يُمُوتْ. وَ كَبِيرْ الْعَسْكَرْ يِرِيدَهْ لِعَبْدَهْ بِلْحَيْن.

لُوقا 7:2 Referenca të Kryqëzuara

تكوين 24:27

وَ قَالْ: «بَارَكْ اللّٰهْ رَبّ سِيدِي إِبْرَاهِيمْ، هُو الْوَصَّفْ رَحْمَتَهْ وَ أَمَانَهْ لِسِيدِي. وَ فِي مَخَطَرِي اللّٰهْ قَادَانِي لَحَدِّي جَابَانِي فِي بَيْت أَهَلْ سِيدِي.»

كُلُوسِي 3:22

يَا الْعَبِيدْ، فِي كُلَّ شَيّءْ تَابُعُوا كَلَامْ النَّاسْ الْفِي الدُّنْيَا دِي، هُمَّنْ سِيَادْكُو. تَابُعُوا كَلَامْهُمْ دَايْماً وَ مَا وَكِتْ هُمَّنْ قَاعِدِينْ يِشِيفُوكُو بَسْ وَ لَا وَكِتْ تِدَوْرُوا مِنْهُمْ الشُّكُرْ. لَاكِنْ تَابُعُوا كَلَامْهُمْ بِقَلِبْ مُخْلِصْ أَشَانْ رَبِّنَا هُو سِيدْكُو الْإِنْتُو خَايْفِينْ مِنَّهْ.

لُوقا 23:47

وَ كَبِيرْ الْعَسْكَرْ شَافْ الشَّيّءْ الْبِقِي وَ مَجَّدْ اللّٰهْ وَ قَالْ: «أَكِيدْ، الرَّاجِلْ دَا صَالِحْ!»

لُوقا 8:42

أَشَانْ عِنْدَهْ بِنَيَّةْ وَاحِدَةْ بَسْ وَ عُمُرْهَا مِثِلْ 12 سَنَةْ وَ هِي قَرِيبْ تُمُوتْ. وَ عِيسَى قَمَّ وَ مَشَى مَعَايَهْ. وَ فِي نَاسْ كَتِيرِينْ فِي الدَّرِبْ لَحَدِّي قَاعِدِينْ يَعَصُرُوهْ.

مَتَّى 27:54

وَ الْعَسْكَرْ الْقَاعِدِينْ يَحَرْسُوا عِيسَى مَعَ كَبِيرْهُمْ شَافَوْا الْأَرْض أَنْهَزَّتْ وَ كُلَّ شَيّءْ الْبِقِي وَ خَافَوْا بِلْحَيْن وَ قَالَوْا: «بِالصَّحِيحْ، النَّادُمْ دَا إِبْن اللّٰهْ!»

أمْثال 29:21

مَا تِجَلِّعْ عَبْدَكْ مِنْ هُو صَغَيَّرْ أَشَانْ فِي الأَخِيرْ، هُو يَعَصَاكْ.

أيُّوب 31:5

كَنْ أَنَا مَشَيْت بِكِدِبْ أَوْ جَرَيْت بِسُرْعَةْ لِلْغَشّ،

تكوين 35:8

وَ دَا الْبَكَانْ الْمَاتَتْ فَوْقَهْ دَبُورَةْ الرَّبَّتْهَا لِرِفْقَةْ وَكِتْ هِي صَغَيْرَةْ. وَ دَفَنَوْهَا قَرِيبْ لِبَيْت إِيلْ تِحِتْ شَدَرَةْ الْبَلُّوطْ السَّمَّوْهَا بَلُّوطْ الْبَكِي.

أعمال الرُسُل 27:43

لَاكِنْ مَسْؤُولْ الْعَسْكَرْ دَوَّرْ يِنَجِّي بُولُسْ مِنْهُمْ وَ دَحَرْ الْعَسْكَرْ مَا يَكْتُلُوا نَادُمْ. وَ أَنْطَى إِذِنْ لِأَيِّ نَادُمْ الْيَقْدَرْ يُعُومْ أَشَانْ يُنُطّ فِي الْبَحَرْ وَ يَلْحَقْ خَشُمْ الْبَحَرْ.

أعمال الرُسُل 27:3

وَ أَمْبَاكِرْ، لِحِقْنَا حِلَّةْ صَيْدَا وَ قَعَدْنَا شِيَّةْ. وَ يُولِيُسْ سَوَّى زَيْن لِبُولُسْ وَ أَنْطَاهْ إِذِنْ أَشَانْ يَمْشِي فِي الْحِلَّةْ وَ يِسَلِّمْ رُفْقَانَهْ وَ يَلْقَى مِنْهُمْ الشَّيّءْ الْبِدَوْرَهْ.

أعمال الرُسُل 27:1

فَسْتُسْ قَرَّرْ أَشَانْ نَمْشُوا فِي بَلَدْ إِيطَالِيَا بِالْبَحَرْ. وَ نَادَى مَسْؤُولْ عَسْكَرِي وَاحِدْ أُسْمَهْ يُولِيُسْ مِنْ الْقِسِمْ السُّلْطَانِي وَ أَمَرَهْ أَشَانْ يَحْرِسْ بُولُسْ وَ الْمَسَاجِينْ الْآخَرِينْ فِي السَّفَرْ.

أعمال الرُسُل 23:17

وَ بُولُسْ نَادَى مَسْؤُولْ وَاحِدْ هَنَا الْعَسْكَرْ وَ قَالْ لَيَّهْ: «وَدِّي الصَّبِي دَا لِلْقَايِدْ أَشَانْ عِنْدَهْ كَلَامْ يِدَوْر يِأَوْرِيهْ.»

أعمال الرُسُل 22:26

وَكِتْ الْمَسْؤُولْ سِمِعْ الْكَلَامْ دَا، هُو مَشَى حَجَّى لِلْقَايِدْ وَ قَالْ: «إِنْتَ دَوَّرْت تِسَوِّي شُنُو؟ النَّادُمْ دَا عِنْدَهْ جِنْسِيَّةْ رَوْمَانِيَةْ.»

أعمال الرُسُل 10:7

وَ وَكِتْ الْمَلَكْ الْكَلَّمْ لَيَّهْ فَاتْ، كَرْنِيلِي نَادَى خَدَّامِينْ إِتْنَيْن وَ نَادَى نَادُمْ تَقِي مِنْ الْعَسْكَرْ الْقَاعِدِينْ دَايْماً مَعَايَهْ.

أعمال الرُسُل 10:1

وَ فِي حِلَّةْ قَيْصَرِيَّةْ، فِيَّهْ نَادُمْ وَاحِدْ أُسْمَهْ كَرْنِيلِي. هُو عَسْكَرِي رَوْمَانِي وَ كَبِيرْ فِي 100 عَسْكَرْ مِنْ الْفِرْقَةْ الْإِيطَالِيَّةْ.

لُوقا 7:1

وَ بَعَدْ عِيسَى قَالْ كُلَّ الْكَلَامْ دَا لِلنَّاسْ، هُو مَشَى فِي حِلَّةْ كَفَرْ نَاحُومْ.

لُوقا 7:3

وَ وَكِتْ سِمِعْ خَبَرْ هَنَا عِيسَى، هُو رَسَّلْ لَيَّهْ نَاسْ مِنْ شُيُوخْ الْيَهُودْ أَشَانْ يَطُلْبُوا مِنَّهْ يَجِي يَشْفِي عَبْدَهْ.