لُوقا 7:12 - الكتاب المقدس بالعربي الدارجي هنا تشاد

¹² وَ وَكِتْ قَرَّبْ لِبَابْ الْحِلَّةْ، هُو شَافْ نَادُمْ مَيِّتْ وَ النَّاسْ مَاشِينْ يَدْفُنُوهْ. وَ الْمَيِّتْ هُو وِلَيْد وَاحِدْ فِي أَمَّهْ وَ هِي مَرَةْ أَرْمَلَةْ. وَ نَاسْ كَتِيرِينْ مِنْ الْحِلَّةْ مَاشِينْ مَعَاهَا.

لُوقا 7:12 Referenca të Kryqëzuara

لُوقا 8:42

أَشَانْ عِنْدَهْ بِنَيَّةْ وَاحِدَةْ بَسْ وَ عُمُرْهَا مِثِلْ 12 سَنَةْ وَ هِي قَرِيبْ تُمُوتْ. وَ عِيسَى قَمَّ وَ مَشَى مَعَايَهْ. وَ فِي نَاسْ كَتِيرِينْ فِي الدَّرِبْ لَحَدِّي قَاعِدِينْ يَعَصُرُوهْ.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

أعمال الرُسُل 9:41

وَ بُطْرُسْ كَرَبْهَا مِنْ إِيدَيْنهَا وَ عَاوَنَاهَا وَ هِي قَمَّتْ فَوْق. وَ نَادَى كُلَّ الصَّالِحِينْ وَ الْعَجَايِزْ وَ خَلَاصْ قَدَّمَاهَا لَيْهُمْ حَيَّةْ.

أعمال الرُسُل 9:39

وَ بُطْرُسْ قَمَّ مَشَى مَعَاهُمْ. وَ وَكِتْ جَاءْ فِي الْبَيْت، وَدَّوْه فَوْق فِي الْبَكَانْ الْهِي رَاقْدَةْ فَوْقَهْ. وَ كُلَّ الْعَجَايِزْ الْمِسْكِينَاتْ قَاعِدَاتْ يَبْكَنْ وَ مَشَنْ لِبُطْرُسْ أَشَانْ يِوَصِّفَنْ لَيَّهْ اللُّبَاسْ وَ الْخُلْقَانْ الدُّورْكَاسْ خَيَّطَتْهُمْ وَكِتْ هِي حَيَّةْ.

يُوحَنَّا 11:19

وَ يَهُودْ كَتِيرِينْ جَوْا مِنْ الْمَدِينَةْ لِيِكَلْوُدُوا لِمَرْثَةْ وَ مَرْيَمْ فِي أَخُوهِنْ.

لُوقا 8:52

وَ فِي الْبَيْت، كُلَّ النَّاسْ قَاعِدِينْ يَبْكُوا حَزْنَانِينْ لَيْهَا. وَ عِيسَى قَالْ لَيْهُمْ: «مَا تَبْكُوا! هِي مَا مَاتَتْ. هِي نَايْمَةْ بَسْ.»

زَكَرِيَّا 12:10

وَ نِنَزِّلْ فِي ذُرِّيَّةْ دَاوُدْ وَ فِي سُكَّانْ مَدِينَةْ الْقُدُسْ رُوحْ هَنَا رَحْمَةْ وَ دُعَا. وَ يِشِيفُوا عَلَيِّ أَنَا الْهُمَّنْ طَعَنَوْنِي بِعَمَلْهُمْ الشَّيْن الْمِثِلْ حَرْبَةْ. هُمَّنْ يَحْزَنَوْا لَيَّهْ مِثِلْ حِزِنْ الْوِلَيْد الْوَحِيدْ وَ يَبْكُوا لَيَّهْ مِثِلْ بَكِي لِلْوِلَيْد الْبِكِرْ.

أيُّوب 29:13

وَ بَرَكَةْ الْقَرِيبْ لِلْمَوْت تَنْزِلْ فَوْقِي وَ نَمْلَا قَلِبْ الْأَرْمَلَةْ بِالْفَرَحْ.

2 مُلوك 4:20

وَ الْخَدَّامْ شَالَهْ وَ وَدَّاهْ لِأَمَّهْ. وَ الْوِلَيْد رَقَدْ فِي رِجِلَيْن أَمَّهْ لَحَدِّي الْقَايْلَةْ وَ بَعَدْ دَا، مَاتْ.

2 مُلوك 4:16

وَ أَلْيَسَعْ قَالْ لَيْهَا: «فِي نَفْس الْوَكِتْ فِي السَّنَةْ الْجَايَةْ، تَكُرْبِي وِلَيْد فِي حُضُنْكِ.» وَ لَاكِنْ الْمَرَةْ قَالَتْ: «لَا! يَا سِيدِي نَبِي اللّٰهْ، مَا تَكْدِبْ لِخَادْمَكْ.»

1 مُلوك 17:23

وَ إِلِيَاسْ شَالْ الْوِلَيْد وَ دَلَّى بَيَّهْ مِنْ الْقَصِرْ وَ أَنْطَاهْ لِأَمَّهْ وَ قَالْ: «شِيفِي! دَاهُو وِلَيْدكِ حِيِي.»

1 مُلوك 17:18

وَ هِي قَالَتْ لِإِلِيَاسْ: «شُنُو الْبَيْنِي وَ بَيْنَكْ، يَا نَبِي اللّٰهْ؟ إِنْتَ جِيتْ أَشَانْ تِذَكِّرْنِي بِخَطَايِ وَ تَكْتُلْ وِلَيْدِي وَلَّا؟»

1 مُلوك 17:12

وَ هِي رَدَّتْ لَيَّهْ: «نَحْلِفْ بِاللّٰهْ الْحَيّ إِلٰـهَكْ، أَنَا مَا عِنْدِي شَيّءْ جَاهِزْ. مَا فَضَّلْ لَيِّ إِلَّا دَقِيقْ فِي عُمْرَةْ يِسَاوِي مَلْيَةْ إِيدْ وَ دِهِنْ شِيَّةْ فِي كَرْيَوْ. وَ هَسَّعْ جِيتْ نِلَقِّطْ حَطَبْ أَشَانْ نِسَوِّي أَكِلْ لَيِّ أَنَا وَ لِوِلَيْدِي نَاكُلُوا. وَ بَعَدْ دَا، نُمُوتُوا.»

1 مُلوك 17:9

«قُمّ أَمْشِي حِلَّةْ صَرَفَةْ الْقَاعِدَةْ فِي تُرَابْ صَيْدَا وَ أَسْكُنْ هِنَاكْ. أَشَانْ أَنَا أَمَرْت لِمَرَةْ وَاحِدَةْ أَرْمَلَةْ تَنْطِيكْ أَكِلْ.»

2 صَمُوِيل 14:7

وَ هَسَّعْ دَاهُو كُلَّ نَاسْ قَبِيلْتِي قَمَّوْا ضِدِّي وَ قَالَوْا لَيِّ خَلِّي نِسَلِّمْ لَيْهُمْ وِلَيْدِي الْكَتَلْ أَخُوهْ وَ هُمَّنْ يَكْتُلُوهْ فِي قَدَّهْ، هُو الْبَعَدَيْن يَبْقَى وَرِيثْ. وَ بِمِثِلْ دَا، هُمَّنْ يِدَوْرُوا يِوَدُّرُوا الْعَشَمْ الْوَاحِدْ الْعِنْدِي وَ مَا يِخَلُّوا لِرَاجْلِي وَ لَا وَرِيثْ وَ لَا أُسُمْ فِي الْأَرْض.»

تكوين 22:12

وَ الْمَلَكْ قَالْ لَيَّهْ: «مَا تُخُطّ إِيدَكْ فَوْق الْوِلَيْد! وَ مَا تِسَوِّي لَيَّهْ شَيّءْ! أَشَانْ هَسَّعْ دَا أَنَا نَعَرِفْ كَدَرْ إِنْتَ خَايِفْ مِنِّي أَنَا الرَّبّ. وَ مَا أَبَيْت لَيِّ وِلَيْدَكْ الْوَحِيدْ.»

تكوين 22:2

وَ الرَّبّ قَالْ لَيَّهْ: «قُمّ، شِيلْ وِلَيْدَكْ إِسْحَاقْ الْوَحِيدْ التِّرِيدَهْ بِلْحَيْن. وَدِّيهْ فِي بَلَدْ مُرِيَّا فِي رَاسْ الْحَجَرْ النِّوَصِّفَهْ لَيْك. وَ قَدِّمَهْ لَيِّ ضَحِيَّةْ مُحَرَّقَةْ.»

لُوقا 7:11

وَ بَعَدَيْن عِيسَى مَشَى لِحِلَّةْ وَاحِدَةْ أُسُمْهَا نَايِنْ. وَ تَلَامِيذَهْ مَعَايَهْ وَ نَاسْ كَتِيرِينْ مَاشِينْ وَرَايَهْ.

لُوقا 7:13

وَ وَكِتْ الرَّبّ عِيسَى شَافَاهَا، قَلْبَهْ حَنَّ لَيْهَا وَ قَالْ: «مَا تَبْكِي.»