لُوقا 5:2 - الكتاب المقدس بالعربي الدارجي هنا تشاد

² وَ شَافْ مَرَاكِبْ إِتْنَيْن قَاعِدِينْ فِي خَشُمْ الْبَحَرْ. الْحَوَّاتِينْ نَزَلَوْا مِنْهُمْ لِيِغَسُّلُوا شُرُكَّاهُمْ.

لُوقا 5:2 Referenca të Kryqëzuara

مَرْخُوس 1:19

وَ عِيسَى مَشَى قِدَّامْ شِيَّةْ وَ شَافْ يَعْقُوبْ مَعَ أَخُوهْ يُوحَنَّا أَوْلَادْ زَبَدِي. وَ هُمَّنْ قَاعِدِينْ يِعَدُّلُوا شَرَكْهُمْ فِي مَرْكَبَتْهُمْ.

مَتَّى 4:21

وَ عِيسَى مَشَى قِدَّامْ شِيَّةْ وَ شَافْ أَخْوَانْ إِتْنَيْن آخَرِينْ وَ هُمَّنْ يَعْقُوبْ وَ يُوحَنَّا أَوْلَادْ زَبَدِي. هُمَّنْ قَاعِدِينْ فِي الْمَرْكَبَةْ مَعَ أَبُوهُمْ وَ قَاعِدِينْ يِعَدُّلُوا شَرَكْهُمْ. وَ عِيسَى نَادَاهُمْ أَشَانْ يِتَابُعُوهْ.

مَتَّى 4:18

وَ وَكِتْ عِيسَى رَايِغْ فِي خَشُمْ بَحَرْ الْجَلِيلْ، هُو شَافْ أَخْوَانْ إِتْنَيْن وَ هُمَّنْ سِمْعَانْ الْبِنَادُوهْ بُطْرُسْ وَ أَخُوهْ أَنْدَرَيَّسْ. وَ هُمَّنْ حَوَّاتِينْ وَ قَاعِدِينْ يَزْقُلُوا شَرَكْهُمْ فِي الْبَحَرْ أَشَانْ يَكُرْبُوا حُوتْ.

مَرْخُوس 1:16

وَ وَكِتْ عِيسَى رَايِغْ فِي خَشُمْ بَحَرْ الْجَلِيلْ، هُو شَافْ نَادُمْ أُسْمَهْ سِمْعَانْ مَعَ أَخُوهْ أُسْمَهْ أَنْدَرَيَّسْ. وَ هُمَّنْ حَوَّاتِينْ وَ قَاعِدِينْ يَزْقُلُوا شَرَكْهُمْ فِي الْبَحَرْ أَشَانْ يَكُرْبُوا حُوتْ.

لُوقا 5:1

وَ يَوْم وَاحِدْ، عِيسَى قَاعِدْ جَنْب بَحَرْ الْجَلِيلْ. وَ النَّاسْ الْيِدَوْرُوا يَسْمَعَوْا كَلَامْ اللّٰهْ بِقَوْا كَتِيرِينْ مَرَّةْ وَاحِدْ لَحَدِّي قَاعِدِينْ يَعَصُرُوهْ.

لُوقا 5:3

وَ عِيسَى رِكِبْ فِي مَرْكَبَةْ وَاحِدَةْ وَ هِي هَنَا سِمْعَانْ. وَ طَلَبْ مِنْ سِمْعَانْ يِلِزَّهَا شِيَّةْ مِنْ خَشُمْ الْبَحَرْ. وَ قَعَدْ تِحِتْ فِي الْمَرْكَبَةْ وَ بَدَا يِعَلِّمْ النَّاسْ الْقَاعِدِينْ فِي خَشُمْ الْبَحَرْ.

يُوحَنَّا 1:40

وَ نَادُمْ وَاحِدْ مِنْ النَّاسَيْن السِّمْعَوْا كَلَامْ يَحْيَى وَ قَمَّوْا تَابَعَوْا عِيسَى، أُسْمَهْ أَنْدَرَيَّسْ وَ هُو أَخُو سِمْعَانْ بُطْرُسْ.