لُوقا 4:5 - الكتاب المقدس بالعربي الدارجي هنا تشاد

⁵ وَ إِبْلِيسْ وَدَّاهْ فِي بَكَانْ عَالِي وَ فِي وَكِتْ قِصَيِّرْ بَسْ وَصَّفْ لَيَّهْ كُلَّ مَمَالِكْ الدُّنْيَا.

لُوقا 4:5 Referenca të Kryqëzuara

أفَسُس 6:12

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

1 كُرُنْتُس 15:52

وَ دَا يَبْقَى عَجَلَةْ، مِثِلْ رَمْشَةْ عَيْن. وَ يَبْقَى فِي ضَرِبِينْ الْبُرُنْجِي الْأَخِيرْ. أَشَانْ حِسّ الْبُرُنْجِي يِنْسَمِعْ وَ الْمَيْتِينْ يَبْعَثَوْا بِالْجِسِمْ الْمَا يَتْلَفْ وَ كُلِّنَا كَيْ نِلْغَيَّرَوْا.

مَتَّى 4:8

وَ إِبْلِيسْ وَدَّاهْ بَتَّانْ وَ خَطَّاهْ فِي رَاسْ حَجَرْ طَوِيلْ بِلْحَيْن وَ وَصَّفْ لَيَّهْ كُلَّ الْمَمَالِكْ الْفِي الدُّنْيَا وَ دَرَجَتْهُمْ.

زَبُور 73:19

بِسُرْعَةْ، أَنْبَهَتَوْا وَ بِقَوْا مَا فِيهُمْ، أَنْقَشَّوْا مِنْ الْخَرِيعَةْ.

أيُّوب 20:5

فَرَحْ الْعَاصِي مَا يِطَوِّلْ وَ سُرُورْ الْكَافِرْ كُلَ لِوَكِتْ شِيَّةْ بَسْ.

أفَسُس 2:2

وَ فِي الْوَكِتْ الْفَاتْ دَاكْ، إِنْتُو قَاعِدِينْ تِتَابُعُوا دَرِبْ الدُّنْيَا وَ تِتَابُعُوا كَبِيرْ الْمَمْلَكَةْ الشَّيْطَانِيَّةْ الْقَاعِدَةْ بَيْن السَّمَاءْ وَ الْأَرْض وَ هُو الشَّيْطَانْ الْقَاعِدْ يَخْدِمْ فِي قُلُوبْ النَّاسْ الْيِخَالُفُوا اللّٰهْ.

2 كُرُنْتُس 4:17

وَ التَّعَبْ الْعِنْدِنَا هَسَّعْ دَا، هُو خَفِيفْ وَ مَا يِطَوِّلْ. لَاكِنْ التَّعَبْ دَا يِجَهِّزْنَا لِلْمَجْد الْعَظِيمْ الْأَبَداً مَا يِكَمِّلْ.

1 كُرُنْتُس 7:31

وَ خَلِّي النَّاسْ الْعِنْدُهُمْ مُعَامَلَةْ مَعَ نَاسْ الدُّنْيَا مَا يِشْتَغُلُوا بَيْهَا. أَكِيدْ، نِظَامْ الدُّنْيَا الْحَالِي دَا قَاعِدْ يِكَمِّلْ.

مَتَّى 24:14

وَ يِبَلُّغُوا بِشَارَةْ مَمْلَكَةْ اللّٰهْ فِي كُلَّ الدُّنْيَا وَ يَشْهَدَوْا لَيْهَا لِكُلَّ الْأُمَمْ وَ بَعَدْ دَا بَسْ، كُمَالَةْ الدُّنْيَا.