لُوقا 3:11 - الكتاب المقدس بالعربي الدارجي هنا تشاد

¹¹ وَ رَدَّ لَيْهُمْ وَ قَالْ: «النَّادُمْ الْعِنْدَهْ خُلْقَانْ إِتْنَيْن، خَلِّي يَنْطِي وَاحِدْ لِلْمَا عِنْدَهْ. وَ النَّادُمْ الْعِنْدَهْ أَكِلْ، خَلِّي يِسَوِّي نَفْس الشَّيّءْ.»

لُوقا 3:11 Referenca të Kryqëzuara

1 يُوحَنَّا 3:17

كَنْ نَادُمْ عِنْدَهْ مَالْ الدُّنْيَا وَ يِشِيفْ أَخُوهْ تَعْبَانْ وَ يِسِدّ عَيْنَهْ وَ مَا يِسَاعِدَهْ، كِكَّيْف نُقُولُوا مَحَبَّةْ اللّٰهْ قَاعِدَةْ فَوْقَهْ؟

1 تِمُوتَاوُس 6:18

خَلِّي يِسَوُّوا الْخَيْر وَ يَبْقَوْا سِيَادْ الْحَسَنَاتْ بِالْكَرَمْ وَ الْجُودْ.

لُوقا 18:22

وَ وَكِتْ عِيسَى سِمِعْ كَلَامَهْ دَا، هُو قَالْ: «شُغُلْ وَاحِدْ لِسَّاعْ قَصَّرْ لَيْك. بِيعْ كُلَّ شَيّءْ الْعِنْدَكْ وَ أَنْطِي تَمَنَهْ لِلْمَسَاكِينْ وَ مِثِلْ دَا، تَلْقَاهْ قِدَّامَكْ. وَ تَعَالْ تَابِعْنِي.»

1 يُوحَنَّا 4:20

أَيِّ نَادُمْ الْيُقُولْ: «أَنَا نِحِبّ اللّٰهْ» وَ لَاكِنْ يَكْرَهْ أَخُوهْ، هُو دَا كَدَّابْ أَشَانْ كَنْ مَا يِحِبّ أَخُوهْ الْقَاعِدْ يِشِيفَهْ، مَا مُمْكِنْ يِحِبّ اللّٰهْ الْمَا شَافَهْ.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

لُوقا 11:41

أَنْطُوا الْخُمَامْ الْقَاعِدْ دَاخَلْ فِي صُفْرِتْكُو وَ خَلِّي يَبْقَى صَدَقَةْ لِلْمَسَاكِينْ وَ كُلَّ شَيّءْ يَبْقَى لَيْكُو طَاهِرْ.

مَتَّى 25:40

وَ الْمَلِكْ يُقُولْ لَيْهُمْ: ‹نُقُولْ لَيْكُو الْحَقّ، كَنْ سَوَّيْتُوا شَيّءْ مِثِلْ دَا لِوَاحِدْ مِنْ أَخْوَانِي الصُّغَارْ دَوْل، دَا مِثِلْ سَوَّيْتُوهْ لَيِّ أَنَا.›

دَنْيال 4:27

«فِي شَانْ دَا، يَا الْمَلِكْ، مِنْ فَضْلَكْ كَنْ قَاسِي لَيْك كُلَ، أَسْمَعْ كَلَامِي. خَلِّي مِنَّكْ الذَّنِبْ وَ سَوِّي الْعَدَالَةْ وَ خَلِّي الْخَطَايَا وَ أَرْحَمْ الْمَسَاكِينْ. وَ بَيْدَا، نَفْسَكْ تُكُونْ مُرْتَاحَةْ دَايْماً.»

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

أعمال الرُسُل 10:31

وَ قَالْ لَيِّ: ‹يَا كَرْنِيلِي، اللّٰهْ سِمِعْ صَلَاوَاتَكْ وَ فَكَّرْ فِي الصَّدَقَةْ الْإِنْتَ أَنْطَيْتهَا.

أعمال الرُسُل 10:4

وَ وَكِتْ شَافْ الْمَلَكْ، هُو خَافْ بِلْحَيْن وَ سَأَلَهْ وَ قَالْ: «شُنُو، يَا سَيِّدْنَا؟» وَ الْمَلَكْ رَدَّ لَيَّهْ وَ قَالْ: «اللّٰهْ قِبِلْ صَلَاوَاتَكْ وَ الصَّدَقَةْ الْأَنْطَيْتهَا. وَ هُو جَاهِزْ لِيُرُدّ لَيْك.

أعمال الرُسُل 10:2

هُو نَادُمْ تَقِي وَ هُو وَ كُلَّ نَاسْ بَيْتَهْ خَايْفِينْ مِنْ اللّٰهْ. هُو يَنْطِي صَدَقَةْ كَتِيرْ لِلْمَسَاكِينْ وَ دَايْماً قَاعِدْ يَسْأَلْ اللّٰهْ.

يُوحَنَّا 13:29

يَهُوذَا هُو مَسْؤُولْ هَنَا صَنْدُوقْ الْقُرُسْ وَ فِي فِكِرْ وَاحِدِينْ، عِيسَى قَالْ لَيَّهْ خَلِّي يَمْشِي يَشْرِي الْخُمَامْ الْوَاجِبْ لِلْعِيدْ. وَ فِي فِكِرْ وَاحِدِينْ، عِيسَى قَالْ لَيَّهْ خَلِّي يَمْشِي يَنْطِي صَدَقَةْ لِلْمَسَاكِينْ.

لُوقا 19:8

وَ زَكَّا قَمَّ فَوْق وَ قَالْ لِلرَّبّ عِيسَى: «يَا سَيِّدْنَا، نَنْطِي نُصّ مَالِي لِلْمَسَاكِينْ. وَ كَنْ شِلْت شَيّءْ مِنْ أَيِّ نَادُمْ بِظُلُمْ، نِقَبِّلَهْ لَيَّهْ أَرْبَعَةْ مَرَّاتْ.»

حِزْقِيال 18:7

وَ مَا يِضَايِقْ نَادُمْ وَ لَاكِنْ يِقَبِّلْ الضَّمَانَةْ الْكَرَبْهَا فِي دَيْن لِسِيدْهَا وَ مَا يَسْرِقْ. وَ يِقَسِّمْ أَكْلَهْ مَعَ الْجِيعَانْ وَ يَنْطِي خَلَقْ لِلْعَرْيَانْ.

أفَسُس 4:28

كَنْ نَادُمْ أَوَّلْ سَرَّاقْ، خَلِّي مَا يَسْرِقْ بَتَّانْ. فِي بَدَلْ السِّرْقَةْ، خَلِّي يَخْدِمْ بِوَغَرَهْ وَ دُرَاعَهْ. وَ مِثِلْ دَا، مِنْ أُجُرْتَهْ يَقْدَرْ يَكْرُبْ نَفْسَهْ وَ يِسَاعِدْ النَّاسْ الْمُحْتَاجِينْ.

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

يَعْقُوب 2:14

يَا أَخْوَانِي، وَيْن الْفَايْدَةْ كَنْ نَادُمْ بُقُولْ هُو مُؤمِنْ لَاكِنْ مَا يِوَصِّفْ إِيمَانَهْ بِعَمَلَهْ؟ إِيمَانْ نَفَرْ دَا يَقْدَرْ يِنَجِّيهْ وَلَّا؟