لُوقا 23:2 - الكتاب المقدس بالعربي الدارجي هنا تشاد

² وَ قَمَّوْا يُخُطُّوا فَوْقَهْ تُهْمَةْ. وَ قَالَوْا: «كَرَبْنَا النَّادُمْ دَا أَشَانْ هُو قَاعِدْ يِتَلِّفْ شَعَبْنَا وَ يَدْحَرْهُمْ مَا يِكَفُّوا الْمِيرِي لِسُلْطَانْ الرَّوْمَانِيِّينْ. وَ هُو سَوَّى نَفْسَهْ الْمَسِيحْ، الْمَلِكْ.»

لُوقا 23:2 Referenca të Kryqëzuara

يُوحَنَّا 19:12

وَ وَكِتْ بِلَاطُسْ سِمِعْ الْكَلَامْ دَا، هُو دَوَّرْ يَطْلِقْ عِيسَى لَاكِنْ الْيَهُودْ رَدَّوْا لَيَّهْ بِحِسّ عَالِي وَ قَالَوْا: «كَنْ تَطْلِقْ النَّادُمْ دَا، إِنْتَ مَا تِرِيدْ سُلْطَانْ الرَّوْمَانِيِّينْ! كَنْ نَادُمْ يِسَوِّي نَفْسَهْ مَلِكْ، هُو يِسَوِّي نَفْسَهْ عَدُو لِسُلْطَانْ الرَّوْمَانِيِّينْ.»

لُوقا 23:14

وَ قَالْ لَيْهُمْ: «إِنْتُو جِبْتُوا لَيِّ النَّادُمْ دَا وَ قُلْتُوا هُو قَاعِدْ يِتَلِّفْ الشَّعَبْ. وَ أَنَا سَأَلْتَهْ عَدِيلْ قِدَّامْكُو وَ مَا لِقِيتْ فَوْقَهْ أَيِّ جَرِيمَةْ.

أعمال الرُسُل 24:5

«نَعَرْفُوا الرَّاجِلْ دَا، هُو فَسِلْ مَرَّةْ وَاحِدْ. وَ هُو قَاعِدْ يِسَوِّي فِتْنَةْ فِي أُسْط الْيَهُودْ فِي كُلَّ بُلْدَانْ الدُّنْيَا. وَ هُو مِنْ كُبَارَاتْ مَجْمُوعَةْ النَّصَارَى.

يُوحَنَّا 18:30

وَ رَدَّوْا لَيَّهْ وَ قَالَوْا: «النَّادُمْ دَا كَنْ مَا مُجْرِمْ، مَا نِسَلُّمُوهْ لَيْك.»

مَرْخُوس 12:17

وَ عِيسَى قَالْ لَيْهُمْ: «خَلَاصْ. هَنَا السُّلْطَانْ، أَنْطُوهْ لِلسُّلْطَانْ وَ هَنَا اللّٰهْ، أَنْطُوهْ لِلّٰهْ!» وَ أَلْعَجَّبَوْا مِنَّهْ مَرَّةْ وَاحِدْ.

مَتَّى 22:21

وَ رَدَّوْا لَيَّهْ وَ قَالَوْا: «هَنَا سُلْطَانْ الرَّوْمَانِيِّينْ.» وَ قَالْ لَيْهُمْ: «خَلَاصْ. هَنَا السُّلْطَانْ، أَنْطُوهْ لِلسُّلْطَانْ وَ هَنَا اللّٰهْ، أَنْطُوهْ لِلّٰهْ.»

زَكَرِيَّا 11:8

وَ فِي شَهَرْ وَاحِدْ، أَنَا طَرَدْت رُعْيَانْهُمْ التَّلَاتَةْ. وَ فِي الأَخِيرْ، مَا قِدِرْت نَحْمَلْ تُجَّارْ الْغَنَمْ. وَ كَنْ لَيْهُمْ هُمَّنْ كُلَ، بَغَضَوْنِي.

إرْمِيا 38:4

وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.»

إرْمِيا 20:10

أَنَا سِمِعْت مُعْيَارْ مِنْ نَاسْ كَتِيرِينْ الْيِنَادُونِي بِأُسُمْ الْمُخِيفْ فِي كُلَّ بَكَانْ. وَ بُقُولُوا: «بَيُّنُوهْ! أَيْوَى، بَيُّنُوهْ!» وَ كُلَّ رُفْقَانِي قَاعِدِينْ يَرْجَوْا وَقَعَانِي. وَ بُقُولُوا: «مُمْكِنْ بَلَا رَايْه، أَنِحْنَ نَغَلْبُوهْ وَ نِشِيلُوا فَوْقَهْ التَّارْ.»

زَبُور 62:4

أَيْوَى، هُمَّنْ أَشَّاوَرَوْا لِيَرْمُونِي مِنْ بَكَانِي الْعَالِي. هُمَّنْ يَفْرَحَوْا بِالْكِدِبْ وَ بِخُشُومْهُمْ، يِبَارُكُوا. وَ لَاكِنْ فِي دَاخَلْ قُلُوبْهُمْ، يَلْعَنَوْا. وَقْفَةْ.

أعمال الرُسُل 24:13

وَ هُمَّنْ مَا يَقْدَرَوْا يِثَبُّتُوا الْكَلَامْ التَّهَمَوْنِي بَيَّهْ.

لُوقا 23:5

وَ لَاكِنْ هُمَّنْ قَمَّوْا يِحَجُّوا بِشِدَّةْ وَ قَالَوْا: «هُو يِحَرِّشْ النَّاسْ بِتَعْلِيمَهْ فِي دَارْ الْيَهُودِيَّةْ كُلَّهَا. هُو بَدَا فِي دَارْ الْجَلِيلْ وَ هَسَّعْ جَاءْ هِنِي فِي مَدِينَةْ الْقُدُسْ كُلَ.»

مَتَّى 17:27

وَ لَاكِنْ مَا نِدَوْرُوا نِبَشْتُنُوا النَّاسْ السَّأَلَوْك الْمِيرِي دَوْل. وَ أَشَانْ دَا، أَمْشِي فِي خَشُمْ الْبَحَرْ وَ أَزْقُلْ جَنْبَاتَكْ فِي الْأَلْمِي. وَ الْحُوتَايْ الْأَوَّلْ تَكْرُبْهَا، فُكّ خَشُمْهَا وَ تَلْقَى دَاخَلْ رِيَالْ وَاحِدْ قِيمْتَهْ تِكَفِّي مِيرِي هَنَا نَاسَيْن. وَ شِيلَهْ وَ كَفِّي بَيَّهْ الْمِيرِي هَنَايِ وَ هَنَاكْ.»

عَمُوس 7:10

وَ فِيَّهْ رَاجِلْ دِينْ وَاحِدْ مِنْ حِلَّةْ بَيْت إِيلْ أُسْمَهْ أَمَصْيَا. وَ الرَّاجِلْ دَا رَسَّلْ لِيَرُبَعَامْ مَلِكْ مَمْلَكَةْ إِسْرَائِيلْ وَ قَالْ لَيَّهْ: «عَمُوسْ قَاعِدْ يِحَرِّشْ الشَّعَبْ أَشَانْ مَا يِتَابُعُوكْ. وَ بَنِي إِسْرَائِيلْ مَا يَقْدَرَوْا يَحْمَلَوْا كُلَّ الْكَلَامْ الْهُو قَاعِدْ يُقُولَهْ.

زَبُور 35:11

شُهُودْ الزُّورْ قَمَّوْا يَتْهَمَوْنِي بِشَيّءْ الْأَنَا مَا نَعَرْفَهْ.

1 مُلوك 18:17

وَ وَكِتْ أَخَابْ شَافَهْ لِإِلِيَاسْ، قَالْ لَيَّهْ: «دَا بَسْ إِنْتَ، إِنْتَ الْجِبْت الْبَرْجَالْ لِبَنِي إِسْرَائِيلْ وَلَّا؟»

مَتَّى 27:11

وَ عِيسَى وَقَفْ قِدَّامْ الْوَالِي بِلَاطُسْ وَ الْوَالِي سَأَلَهْ وَ قَالْ: «إِنْتَ مَلِكْ الْيَهُودْ وَلَّا؟» وَ عِيسَى رَدَّ لَيَّهْ وَ قَالْ: «مِثِلْ إِنْتَ قُلْتَهْ.»

مَرْخُوس 15:2

وَ بِلَاطُسْ سَأَلَهْ وَ قَالْ: «إِنْتَ مَلِكْ الْيَهُودْ وَلَّا؟» وَ عِيسَى رَدَّ لَيَّهْ وَ قَالْ: «مِثِلْ إِنْتَ قُلْتَهْ.»

يُوحَنَّا 18:29

وَ أَشَانْ دَا، بِلَاطُسْ الْوَالِي مَرَقْ لَيْهُمْ وَ قَالْ: «شُنُو التُّهْمَةْ الْخَطَّيْتُوهَا فِي النَّادُمْ دَا؟»

رَوْمَا 13:7

أَنْطُوا أَيِّ نَادُمْ الشَّيّءْ الْوَاجِبْ لَيَّهْ. وَ النَّادُمْ الْوَاجِبْ لَيَّهْ تِكَفُّوا الْمِيرِي، كَفُّوهْ لَيَّهْ. وَ النَّادُمْ الْوَاجِبْ لَيَّهْ تِكَفُّوا جَمَارِكْ، كَفُّوهْ لَيَّهْ. وَ النَّادُمْ الْوَاجِبْ لَيَّهْ إِحْتِرَامْ، أَحْتَرُمُوهْ. وَ النَّادُمْ الْوَاجِبْ لَيَّهْ الْإِكْرَامْ، كَرُّمُوهْ.