لُوقا 21:7 - الكتاب المقدس بالعربي الدارجي هنا تشاد

⁷ وَ سَأَلَوْه وَ قَالَوْا: «يَا سَيِّدْنَا، دَا يَبْقَى مَتَى؟ وَ شُنُو الْعَلَامَةْ التِّوَصِّفْنَا كَدَرْ دَا قَرِيبْ؟»

لُوقا 21:7 Referenca të Kryqëzuara

مَرْخُوس 13:14

«وَ وَكِتْ تِشِيفُوا الْحَرَامْ الْيِجِيبْ الْخَرَابْ وَاقِفْ فِي الْبَكَانْ الْأَبَداً مَا وَاجِبْ لَيَّهْ (خَلِّي النَّادُمْ الْيَقْرِي الْكَلَامْ دَا يَفْهَمَهْ)، فِي الْوَكِتْ دَاكْ، خَلِّي النَّاسْ الْقَاعِدِينْ فِي دَارْ الْيَهُودِيَّةْ يِعَرُّدُوا فِي الْحُجَارْ.

لُوقا 21:32

وَ نُقُولْ لَيْكُو الْحَقّ، نَاسْ هَنَا الْوَكِتْ دَا مَا يِكَمُّلُوا قُبَّالْ كُلَّ الْكَلَامْ دَا مَا يِتِمّ.

مَتَّى 24:3

وَكِتْ عِيسَى قَاعِدْ فِي جَبَلْ الزَّيْتُونْ، تَلَامِيذَهْ جَوْا لَيَّهْ وِحَيْدهُمْ وَ قَالَوْا: «أَوْرِينَا مَتَى دَا يَبْقَى. وَيْنِي الْعَلَامَةْ التِّوَصِّفْنَا إِنْتَ تِقَبِّلْ قَرِيبْ وَ كُمَالَةْ الدُّنْيَا تِدَوْر تَبْقَى؟»

دَنْيال 12:8

وَ أَنَا سِمِعْت كَلَامَهْ وَ لَاكِنْ مَا فِهِمْت مَعَنَاتَهْ وَ قُلْت: «يَا سَيِّدِي، كِكَّيْف تُكُونْ نِهَايَةْ الْعَجَايِبْ دَوْل؟»

دَنْيال 12:6

وَ وَاحِدْ مِنْهُمْ سَأَلْ الرَّاجِلْ اللَّابِسْ خَلَقْ هَنَا قُمَاشْ سَمَحْ الْقَاعِدْ فَوْق مِنْ أَلْمِي الْبَحَرْ وَ قَالْ: «مَتَى يَجِي أَخِيرْ الْعَجَايِبْ دَوْل؟»

لُوقا 21:6

«كُلَّ الْبُيُوتْ التِّشِيفُوهُمْ دَوْل، يَجِي وَكِتْ وَاحِدْ مَا يِخَلُّوا حَجَرْ يَقْعُدْ فَوْق حَجَرْ. يَرْمُوهُمْ كُلُّهُمْ.»

لُوقا 21:8

وَ قَالْ لَيْهُمْ: «خُطُّوا بَالْكُو وَ مَا تِخَلُّوا نَادُمْ يُغُشُّكُو. أَشَانْ نَاسْ كَتِيرِينْ يَجُوا بِأُسْمِي وَ يِحَجُّوا بِنُفُوسْهُمْ وَ يُقُولُوا: ‹أَنَا بَسْ الْمَسِيحْ!› وَلَّا بُقُولُوا: ‹الْوَكِتْ تَمَّ!› النَّاسْ دَوْل، مَا تِتَابُعُوهُمْ.