لُوقا 21:6 - الكتاب المقدس بالعربي الدارجي هنا تشاد

⁶ «كُلَّ الْبُيُوتْ التِّشِيفُوهُمْ دَوْل، يَجِي وَكِتْ وَاحِدْ مَا يِخَلُّوا حَجَرْ يَقْعُدْ فَوْق حَجَرْ. يَرْمُوهُمْ كُلُّهُمْ.»

لُوقا 21:6 Referenca të Kryqëzuara

مَرْخُوس 13:2

وَ عِيسَى قَالْ: «إِنْتَ شِفْت كُلَّ الْبُيُوتْ الْكُبَارْ دَوْل وَلَّا؟ مَا يِخَلُّوا حَجَرْ يَقْعُدْ فَوْق حَجَرْ. يَرْمُوهُمْ كُلُّهُمْ.»

مَتَّى 24:2

وَ عِيسَى قَالْ لَيْهُمْ: «شِفْتُوا كُلَّ الْبُيُوتْ دَوْل؟ نُقُولْ لَيْكُو الْحَقّ، مَا يِخَلُّوا حَجَرْ يَقْعُدْ فَوْق حَجَرْ. يَرْمُوهُمْ كُلُّهُمْ!»

مَراثِي إرْمِيا 5:18

أَيْوَى، جَبَلْ صَهْيُون خِرِبْ وَ بَعَاشِيمْ سَاكْنِينْ فَوْقَهْ.

زَكَرِيَّا 14:2

أَنَا نِلِمّ كُلَّ الْأُمَمْ فِي مَدِينَةْ الْقُدُسْ لِيِحَارُبُوهَا. وَ يِشِيلُوا الْمَدِينَةْ وَ يَنْهَبَوْا الْبُيُوتْ وَ يَرُقْدُوا مَعَ الْعَوِينْ بِقُوءْ. وَ نُصّ سُكَّانْ الْمَدِينَةْ يِوَدُّوهُمْ فِي الْغُرْبَةْ وَ لَاكِنْ الْفَضَّلَوْا كَمَانْ يِخَلُّوهُمْ فِي الْمَدِينَةْ.

زَكَرِيَّا 11:1

يَا لُبْنَانْ، أَفْتَحَيْ بِيبَانْكِ وَ خَلِّي النَّارْ تَحْرِقْ شَدَرْكِ هَنَا الْأَرْز!

مَراثِي إرْمِيا 4:1

يَا السَّلَامْ! الدَّهَبْ يِوَدِّرْ لَوْنَهْ وَلَّا؟ وَ الدَّهَبْ الصَّافِي يِلْغَيَّرْ وَلَّا؟ وَ الْحُجَارْ الْمُقَدَّسِينْ شَتَّوْا فِي مَشْبَكْ الشَّوَارِعْ.

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

إرْمِيا 26:9

وَ إِنْتَ تِتْنَبَّأْ لَحَدِّي تُقُولْ بَيْت اللّٰهْ يِدَّمَّرْ وَ يَبْقَى مِثِلْ مَسْكَنَهْ الْأَوَّلْ قَاعِدْ فِي شِيلَوْه وَ الْحِلَّةْ دِي تَخْرَبْ وَ تَبْقَى فَاضِيَةْ مِنْ سُكَّانْهَا!» وَ كُلَّ النَّاسْ لَمَّوْا وَ حَوَّقَوْه لِإِرْمِيَا فِي بَيْت اللّٰهْ.

إرْمِيا 26:6

وَ كَنْ مَا تَسْمَعَوْنِي، خَلَاصْ أَنَا نِدَمِّرْ الْبَيْت دَا، مِثِلْ دَمَّرْت مَسْكَنِي الْأَوَّلْ قَاعِدْ فِي شِيلَوْه. وَ نَلْعَنْ مَدِينَةْ الْقُدُسْ وَ هِي تَبْقَى مَثَلْ لِكُلَّ أُمَمْ الْأَرْض.“›»

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

لُوقا 21:7

وَ سَأَلَوْه وَ قَالَوْا: «يَا سَيِّدْنَا، دَا يَبْقَى مَتَى؟ وَ شُنُو الْعَلَامَةْ التِّوَصِّفْنَا كَدَرْ دَا قَرِيبْ؟»