لُوقا 21:12 - الكتاب المقدس بالعربي الدارجي هنا تشاد

¹² «وَ لَاكِنْ قُبَّالْ الْأَشْيَاءْ دَوْل مَا يَبْقَوْا، إِنْتُو يَكُرْبُوكُو وَ يِعَذُّبُوكُو. وَ يِسَلُّمُوكُو لِمَسَائِيلْ بُيُوتْ الصَّلَاةْ وَ يَزْقُلُوكُو فِي السِّجِنْ. يِوَدُّوكُو بَكَانْ الْمُلُوكْ وَ الْحُكَّامْ فِي شَانْ إِنْتُو نَاسِي.

لُوقا 21:12 Referenca të Kryqëzuara

1 بُطْرُس 2:13

فِي شَانْ رَبِّنَا، تَابُعُوا كَلَامْ هَنَا أَيِّ نَادُمْ الْعِنْدَهْ سُلْطَةْ. تَابُعُوا كَلَامْ الْمَلِكْ، كَبِيرْ الْبَلَدْ،

أعمال الرُسُل 22:30

وَ أَمْبَاكِرْ، الْقَايِدْ دَوَّرْ يِأَكِّدْ مِنْ الشَّيّءْ الْيَهُودْ تَهَمَوْا بَيَّهْ بُولُسْ. وَ حَلَّهْ مِنْ الْجَنَازِيرْ وَ نَادَى كُبَارَاتْ رُجَالْ الدِّينْ وَ كُلَّ نَاسْ هَنَا مَجْلَسْ الْيَهُودْ أَشَانْ يِلِمُّوا. وَ وَدَّى لَيْهُمْ بُولُسْ وَ وَقَّفَهْ قِدَّامْهُمْ.

أعمال الرُسُل 9:4

وَ شَاوُولْ وَقَعْ فِي التُّرَابْ وَ سِمِعْ حِسّ نَادُمْ قَاعِدْ يِكَلِّمْ لَيَّهْ وَ يُقُولْ: «يَا شَاوُولْ، يَا شَاوُولْ! مَالَكْ تِتَعِّبْنِي؟»

أعمال الرُسُل 8:3

وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

أعمال الرُسُل 5:40

وَ نَادَوْا الرُّسُلْ دَاخَلْ وَ فَرَشَوْهُمْ. وَ مَنَعَوْهُمْ مَا يِعَلُّمُوا النَّاسْ بِأُسُمْ عِيسَى بَتَّانْ وَ خَلَاصْ طَلَقَوْهُمْ.

يُوحَنَّا 15:20

فَكُّرُوا فِي الْكَلَامْ الْأَنَا قُلْتَهْ لَيْكُو. أَنَا قُلْت الْعَبِدْ مَا أَكْبَرْ مِنْ سِيدَهْ. وَ كَنْ تَعَّبَوْنِي أَنَا، يِتَعُّبُوكُو إِنْتُو كُلَ. وَ كَنْ قِبْلَوْا كَلَامِي، يَقْبَلَوْا كَلَامْكُو إِنْتُو كُلَ.

مَتَّى 22:6

وَ الْآخَرِينْ كَرَبَوْا عَبِيدْ الْمَلِكْ وَ عَيَّرَوْهُمْ وَ كَتَلَوْهُمْ.

رُؤية 2:10

مَا تَخَافْ مِنْ الضِّيقَةْ الْقَرِيبْ تَجِيكْ. خُطُّوا بَالْكُو! إِبْلِيسْ يَكْرُبْ وَاحِدِينْ مِنْكُو فِي السِّجِنْ وَ إِيمَانْكُو يِجَرُّبُوهْ. وَ فِي مُدَّةْ عَشَرَةْ يَوْم، تِضَيُّقُوا ضِيقَةْ شَدِيدَةْ. أَقْعُدُوا ثَابْتِينْ فِي إِيمَانْكُو لَحَدِّي الْمَوْت وَ خَلَاصْ نَنْطِيكُو تَاجْ هَنَا الْحَيَاةْ الْأَبَدِيَّةْ.

مَتَّى 24:8

وَ لَاكِنْ التَّعَبْ دَا مِثِلْ بِدَايَةْ وَجَعْ الطَّلَقَةْ.

لُوقا 21:11

وَ فِي دِيَارْ كَتِيرِينْ يُكُونْ زِلْزَالْ وَ فِي آخَرِينْ جُوعْ شَدِيدْ وَ وَبَاءْ. وَ عَلَامَاتْ كُبَارْ يِنْشَافَوْا فِي السَّمَاءْ الْيِخَوُّفُوا النَّاسْ مَرَّةْ وَاحِدْ.

يُوحَنَّا 15:21

يِتَعُّبُوكُو إِنْتُو بِسَبَبْ أُسْمِي أَشَانْ مَا عِرْفَوْا اللّٰهْ الرَّسَّلَانِي.