لُوقا 21:10 - الكتاب المقدس بالعربي الدارجي هنا تشاد

¹⁰ وَ قَالْ لَيْهُمْ: «نَاسْ هَنَا بَلَدْ وَاحِدَةْ يَهْجُمُوا نَاسْ هَنَا بَلَدْ آخَرَةْ وَ مَمْلَكَةْ تَهْجِمْ مَمْلَكَةْ آخَرَةْ.

لُوقا 21:10 Referenca të Kryqëzuara

مَرْخُوس 13:8

نَاسْ هَنَا بَلَدْ وَاحِدَةْ يَهْجُمُوا نَاسْ هَنَا بَلَدْ آخَرَةْ وَ مَمْلَكَةْ تَهْجِمْ مَمْلَكَةْ. وَ فِي دِيَارْ كَتِيرِينْ يُكُونْ زِلْزَالْ. جُوعْ كَتِيرْ يَنْزِلْ فِي الْأَرْض. وَ لَاكِنْ التَّعَبْ دَا، دِي الْبِدَايَةْ بَسْ. هُو مِثِلْ الطَّلَقَةْ الْأَوَّلَانِيَّةْ هَنَا الْمَرَةْ التِّدَوْر تَلْدَ.

عِبْرَانِيِّين 12:27

وَ الْكَلَامْ «مَرَّةْ وَاحِدَةْ بَتَّانْ» يِوَصِّفْ بِكَلَامْ وَاضِحْ الْخَلِيقَةْ تَرْجِفْ وَ تَبْقَى مَا فِيهَا. وَ بَيْدَا، الْمَا يَرْجِفْ بَسْ يِفَضِّلْ.

زَكَرِيَّا 14:13

وَ فِي الْيَوْم دَا، اللّٰهْ يِبَرْجِلْ الشُّعُوبْ دَوْل مَرَّةْ وَاحِدْ. أَيِّ وَاحِدْ يَكْرُبْ أَخُوهْ وَ يِدَّاوَسَوْا أَمْبَيْنَاتْهُمْ.

إشَعْيا 19:2

أَنَا نِحَرِّشْ الْمَصْرِيِّينْ يِلْحَارَبَوْا، وَاحِدِينْ يُقُمُّوا ضِدّ الْآخَرِينْ. أَيِّ وَاحِدْ يُقُمّ ضِدّ أَخُوهْ وَ أَيِّ وَاحِدْ يُقُمّ ضِدّ جَارَهْ، مَدِينَةْ ضِدّ مَدِينَةْ وَ مَمْلَكَةْ ضِدّ مَمْلَكَةْ.

أعمال الرُسُل 11:28

وَ وَاحِدْ مِنْهُمْ أُسْمَهْ أَغَابُوسْ قَمَّ كَلَّمَاهُمْ بِكَلَامْ جَايِ مِنْ الرُّوحْ الْقُدُّوسْ وَ قَالْ جُوعْ شَدِيدْ يَنْزِلْ فِي كُلَّ الْبُلْدَانْ. وَ صَحِيحْ، الْجُوعْ دَا بِقِي وَكِتْ كُلُودِي سُلْطَانْ الرَّوْمَانِيِّينْ.

لُوقا 21:9

وَ وَكِتْ تَسْمَعَوْا خَبَرْ هَنَا حُرُوبْ وَ تَمَرُّدْ، مَا تَخَافَوْا أَشَانْ دَا وَاجِبْ يُكُونْ قُبَّالْ. لَاكِنْ الْكُمَالَةْ مَا تَجِي عَجَلَةْ.»

لُوقا 21:11

وَ فِي دِيَارْ كَتِيرِينْ يُكُونْ زِلْزَالْ وَ فِي آخَرِينْ جُوعْ شَدِيدْ وَ وَبَاءْ. وَ عَلَامَاتْ كُبَارْ يِنْشَافَوْا فِي السَّمَاءْ الْيِخَوُّفُوا النَّاسْ مَرَّةْ وَاحِدْ.