لُوقا 2:9 - الكتاب المقدس بالعربي الدارجي هنا تشاد

⁹ وَ وَاحِدْ مِنْ مَلَائِكَةْ اللّٰهْ بَانْ لَيْهُمْ وَ نُورْ مَجْد اللّٰهْ ضَوَّى فَوْقهُمْ وَ خَوْف شَدِيدْ كَرَبْهُمْ.

لُوقا 2:9 Referenca të Kryqëzuara

إشَعْيا 60:1

يَا مَدِينَةْ الْقُدُسْ، قُمِّي فَوْق وَ نَوِّرِي! أَشَانْ نُورْكِ جَاءْ أَيْوَى، مَجْد اللّٰهْ بَانْ فَوْقكِ.

2 كُرُنْتُس 3:18

وَ أَنِحْنَ مَا عِنْدِنَا مِنْدِيلْ الْيِغَطِّي وُجُوهْنَا. وَ كُلِّنَا قَاعِدِينْ نِشِيفُوا نُورْ اللّٰهْ الْمَجِيدْ. وَ النُّورْ دَا يِبِينْ فَوْقنَا وَاضِحْ. وَ النُّورْ الْمَجِيدْ دَا يَجِي مِنْ رُوحْ اللّٰهْ الْقَاعِدْ يِغَيِّرْنَا زِيَادَةْ لَحَدِّي صُورِتْنَا تَبْقَى مِثِلْ صُورَةْ اللّٰهْ الْمَجِيدَةْ.

رُؤية 18:1

وَ بَعَدْ دَا، أَنَا شِفْت مَلَكْ آخَرْ نَازِلْ مِنْ السَّمَاءْ وَ عِنْدَهْ قُدْرَةْ شَدِيدَةْ. وَ هُو يِرَارِي وَ عِنْدَهْ نُورْ مَجِيدْ لَحَدِّي ضَوَّى كُلَّ الْأَرْض.

أعمال الرُسُل 27:23

فِي لَيْلَةْ دِي، اللّٰهْ الْأَنَا نَعَبُدَهْ وَ أَنَا هَنَايَهْ هُو بَسْ، هُو رَسَّلْ لَيِّ وَاحِدْ مِنْ مَلَائِكَتَهْ. وَ الْمَلَكْ جَاءْ وَقَفْ فِي جَنْبِي

1 مُلوك 8:11

وَ رُجَالْ الدِّينْ مَا قِدْرَوْا يِسَوُّوا خِدْمِتْهُمْ بِسَبَبْ السَّحَابَايْ دِي أَشَانْ مَجْد اللّٰهْ مَلَا بَيْت اللّٰهْ.

أعمال الرُسُل 5:19

وَ لَاكِنْ فِي أُسْط اللَّيْل، وَاحِدْ مِنْ مَلَائِكَةْ اللّٰهْ جَاءْ فَكَّ بِيبَانْ السِّجِنْ وَ مَرَقَاهُمْ مِنَّهْ. وَ قَالْ لَيْهُمْ:

يُوحَنَّا 12:41

وَ إِشَعْيَا قَالْ الْكَلَامْ دَا أَشَانْ هُو شَافْ مَجْد الْمَسِيحْ وَ حَجَّى بَيَّهْ.

لُوقا 24:4

وَ هِنَّ بَرْجَلَنْ بِلْحَيْن. وَ عَجَلَةْ كَيْ رُجَالْ إِتْنَيْن بَانَوْا جَنْبِهِنْ وَ خُلْقَانْهُمْ يِضَوُّوا ضَيّ شَدِيدْ.

خُروج 16:7

وَ أَمْبَاكِرْ فَجُرْ، تِشِيفُوا مَجْد اللّٰهْ يِبِينْ لَيْكُو أَشَانْ هُو سِمِعْ لُوَامِتْكُو. كَنْ لَيْنَا أَنِحْنَ، أَنِحْنَ كَيْ شُنُو الْإِنْتُو تُلُومُونَا؟»

رُؤية 20:11

وَ أَنَا شِفْت عَرْش عَظِيمْ أَبْيَضْ وَ الْقَاعِدْ فَوْقَهْ. وَ السَّمَاوَاتْ وَ الْأَرْض عَرَّدَوْا مِنْ قِدَّامَهْ وَ بِقَوْا مَا فِيهُمْ.

عِبْرَانِيِّين 12:21

أَيْوَى، الشَّيّءْ الشَّافَوْه خَوَّفَاهُمْ مَرَّةْ وَاحِدْ لَحَدِّي مُوسَى كُلَ قَالْ: «أَنَا قَاعِدْ نَرْجِفْ مِنْ الْخَوْف.»

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

أعمال الرُسُل 12:7

وَ فَجْأَةً، وَاحِدْ مِنْ مَلَائِكَةْ اللّٰهْ بَانْ وَ نُورْ شَدِيدْ سَدَّ السُّلُولُو الْبُطْرُسْ قَاعِدْ فَوْقَهْ. وَ الْمَلَكْ ضَرَبَهْ لِبُطْرُسْ فِي نَايْطَهْ وَ قَوَّمَهْ مِنْ النَّوْم وَ قَالْ: «يَلَّا، قُمّ عَجَلَةْ!» وَ الْجَنَازِيرْ وَقَعَوْا مِنْ إِيدَيْنَهْ.

لُوقا 1:28

وَ الْمَلَكْ جِبْرِيلْ مَشَى لَيْهَا وَ قَالْ: «السَّلَامْ عَلَيْكِ، إِنْتِ الْبَرَكَةْ اللّٰهْ نَزَلَتْ فَوْقكِ! الرَّبّ قَاعِدْ مَعَاكِ.»

مَتَّى 1:20

وَ وَكِتْ هُو لِسَّاعْ قَاعِدْ يِفَكِّرْ فِي الْكَلَامْ دَا، وَاحِدْ مِنْ مَلَائِكَةْ اللّٰهْ جَاءْ لَيَّهْ فِي رُؤْيَةْ وَ قَالْ: «يَا يُوسُفْ وِلَيْد دَاوُدْ، مَا تَخَافْ. شِيلْ مَرْيَمْ فِي بَيْتَكْ وَ خَلِّي تَبْقَى مَرْتَكْ أَشَانْ الصَّغِيرْ الْفِي بَطُنْهَا دَا، جَاءْ بِقُدْرَةْ الرُّوحْ الْقُدُّوسْ.

حِزْقِيال 3:23

وَ أَنَا قَمَّيْت وَ مَشَيْت الْوَادِي وَ دَاهُو أَنَا شِفْت مَجْد اللّٰهْ وَاقِفْ مِثِلْ الْمَجْد الْأَنَا شِفْتَهْ فِي خَشُمْ بَحَرْ خَابُورْ. وَ خَلَاصْ، أَنَا وَقَعْت بِوِجْهِي فِي الْأَرْض.

إشَعْيا 40:5

خَلَاصْ، مَجْد اللّٰهْ يِبِينْ وَ كُلَّ النَّاسْ يِشِيفُوهْ سَوَا!» وَ دَا كَلَامْ اللّٰهْ الْقَالَهْ.

إشَعْيا 35:2

خَلِّي تِنْمَلِي بِنُوَّارْ الْكَدَادَةْ وَ تِنَطِّطْ وَ تَلْعَبْ وَ تِزَغْرِطْ مِنْ الْفَرَحْ. اللّٰهْ يَنْطِي الْبَلَدْ دِي غَابَةْ جَمِيلَةْ مِثِلْ غَابَةْ لُبْنَانْ وَ أَرْض الْعِنْدَهَا إِنْتَاجْ كَتِيرْ مِثِلْ جَبَلْ الْكَرْمَلْ وَ سَهَلَةْ شَارُونْ. وَ يِشِيفُوا مَجْد اللّٰهْ وَ عَظَمَةْ إِلٰـهْنَا.

خُروج 16:10

وَ وَكِتْ هَارُونْ بَدَا يِكَلِّمْ لَيْهُمْ بِالْكَلَامْ دَا، هُمَّنْ كُلُّهُمْ أَنْلَفَتَوْا عَلَيْ الصَّحَرَاء وَ شَافَوْا مَجْد اللّٰهْ بَانْ لَيْهُمْ فِي السَّحَابْ.

لُوقا 2:8

وَ فِي كَدَادَةْ الْحِلَّةْ دِي، فِي رُعْيَانْ. هُمَّنْ قَاعِدِينْ يَحْفَضَوْا غَنَمْهُمْ بِاللَّيْل.