لُوقا 2:51 - الكتاب المقدس بالعربي الدارجي هنا تشاد

⁵¹ وَ عِيسَى قَبَّلْ مَعَاهُمْ وَ وِصِلْ فِي النَّاصِرَةْ. وَ تَابَعْ كَلَامْهُمْ فِي كُلَّ شَيّءْ. وَ أَمَّهْ كَرَبَتْ كُلَّ الْكَلَامْ دَا فِي قَلِبْهَا.

لُوقا 2:51 Referenca të Kryqëzuara

لُوقا 2:19

وَ لَاكِنْ مَرْيَمْ كَرَبَتْ كُلَّ الْكَلَامْ دَا فِي قَلِبْهَا وَ قَاعِدَةْ تِفَكِّرْ فَوْقَهْ.

دَنْيال 7:28

وَ خَلَاصْ، الرُّؤْيَةْ دِي كَمَّلَتْ. وَ أَنَا دَنْيَالْ أَفْكَارِي خَوَّفَوْنِي مَرَّةْ وَاحِدْ وَ وِجْهِي أَلْغَيَّرْ وَ قَاعِدْ نِفَكِّرْ فِي الرُّؤْيَةْ دِي.

تكوين 37:11

وَ أَخْوَانَهْ أَنْحَسَدَوْا وَ لَاكِنْ أَبُوهُمْ كَمَانْ كَرَبْ الْكَلَامْ دَا فِي قَلْبَهْ.

مَرْخُوس 6:3

دَا مَا النَّجَّارْ وَلَّا؟ هُو مَا وِلَيْد مَرْيَمْ بَسْ وَ أَخُوهُمْ لِيَعْقُوبْ وَ يُوسِي وَ يَهُوذَا وَ سِمْعَانْ؟ وَ أَخْوَاتَهْ كُلَ قَاعِدَاتْ هِنِي مَعَانَا.» وَ خَلَاصْ زِعِلَوْا وَ مَا آمَنَوْا بَيَّهْ.

1 بُطْرُس 2:21

دَا بَسْ الدَّرِبْ وَ اللّٰهْ نَادَاكُو لِتِشِيلُوهْ. أَشَانْ الْمَسِيحْ كُلَ تِعِبْ فِي شَانْكُو وَ بِقِي لَيْكُو مَثَلْ أَشَانْ تِتَابُعُوهْ.

مَتَّى 3:15

وَ عِيسَى قَالْ لَيَّهْ: «مَا تَابَى. خَلِّي يَبْقَى مِثِلْ دَا أَشَانْ نِتِمُّوا كُلَّ شَيّءْ الْاللّٰهْ بِدَوْرَهْ.» وَ خَلَاصْ، يَحْيَى قَصَّدْ وَ غَطَّسَهْ.

أفَسُس 5:21

أَبْقَوْا ضَلُولِينْ أَمْبَيْنَاتْكُو وَ خَلِّي أَيِّ وَاحِدْ يِكَرِّمْ الْآخَرْ فِي شَانْ الْمَسِيحْ.

لُوقا 2:39

وَ وَكِتْ يُوسُفْ وَ مَرْيَمْ سَوَّوْا كُلَّ شَيّءْ الْوَاجِبْ لَيْهُمْ حَسَبْ تَوْرَاةْ اللّٰهْ، هُمَّنْ قَبَّلَوْا فِي دَارْ الْجَلِيلْ وَ مَشَوْا حِلِّتْهُمْ النَّاصِرَةْ.

زَبُور 119:11

فِي قَلْبِي حَفَضْت وَعَدَكْ أَشَانْ مَا نِسَوِّي ذَنِبْ ضِدَّكْ.

مَتَّى 12:46

وَ عِيسَى قَاعِدْ يِحَجِّي لِنَاسْ كَتِيرِينْ وَ أَمَّهْ وَ أَخْوَانَهْ جَوْا وَ وَقَفَوْا بَرَّا. وَ دَوَّرَوْا يِحَجُّوا مَعَايَهْ.

مَرْخُوس 1:9

وَ فِي الْوَكِتْ دَا، عِيسَى قَمَّ مِنْ حِلَّةْ النَّاصِرَةْ الْفِي دَارْ الْجَلِيلْ وَ مَشَى لِيَحْيَى. وَ يَحْيَى غَطَّسَهْ فِي بَحَرْ الْأُرْدُنْ.

لُوقا 4:16

وَ عِيسَى جَاءْ فِي حِلِّتَهْ النَّاصِرَةْ الرَّبَّوْه فَوْقهَا. وَ مَشَى فِي بَيْت الصَّلَاةْ يَوْم السَّبْت مِثِلْ فِي عَادْتَهْ. وَ قَمَّ فَوْق أَشَانْ يَقْرِي لِلنَّاسْ.

لُوقا 4:23

وَ بَتَّانْ حَجَّى لَيْهُمْ وَ قَالْ: «أَكِيدْ تُقُولُوا لَيِّ الْمَثَلْ الْمَعْرُوفْ الْبُقُولْ: ‹يَا دَكْتَوْر، دَاوِي نَفْسَكْ.› سِمِعْنَا بِكُلَّ الْخِدْمَةْ السَّوَّيْتهَا فِي حِلَّةْ كَفَرْ نَاحُومْ. سَوِّي نَفْس الشَّيّءْ هِنِي فِي حِلِّتَكْ!»

لُوقا 18:37

وَ قَالَوْا لَيَّهْ: «عِيسَى الْمِنْ النَّاصِرَةْ مَاشِي فِي الدَّرِبْ دَا.»