لُوقا 2:4 - الكتاب المقدس بالعربي الدارجي هنا تشاد

⁴ وَ يُوسُفْ ذَاتَهْ قَمَّ مِنْ حِلَّةْ النَّاصِرَةْ الْقَاعِدَةْ فِي دَارْ الْجَلِيلْ وَ مَشَى فِي دَارْ الْيَهُودِيَّةْ فِي حِلَّةْ بَيْت لَحَمْ. وَ دِي مَدِينَةْ دَاوُدْ. وَ يُوسُفْ هُو مِنْ ذُرِّيَّةْ الْمَلِكْ دَاوُدْ وَ مِنْ عَايِلْتَهْ وَ أَشَانْ دَا بَسْ وَاجِبْ يَمْشِي فِي الْحِلَّةْ دِي أَشَانْ يِسَجُّلُوا أُسْمَهْ.

لُوقا 2:4 Referenca të Kryqëzuara

مِيخا 5:2

وَ اللّٰهْ قَالْ: «إِنْتِ، يَا بَيْت لَحَمْ أَفْرَاتَةْ، إِنْتِ صَغَيْرَةْ لِتِنْحَسْبِي أَمْبَيْن عَايِلَاتْ يَهُوذَا. وَ لَاكِنْ نَادُمْ وَاحِدْ يَمْرُقْ مِنْكِ الْيَحْكِمْ بِأُسْمِي فِي بَنِي إِسْرَائِيلْ. وَ قَعَرَهْ جَايِ مِنْ بَعِيدْ مِنْ الزَّمَنْ الْقَدِيمْ.»

يُوحَنَّا 7:42

الْمَسِيحْ يَجِي مِنْ ذُرِّيَّةْ سَيِّدْنَا دَاوُدْ وَ مِنْ بَيْت لَحَمْ، الْحِلَّةْ الرَّبَّوْا فَوْقهَا دَاوُدْ. مَا مَكْتُوبْ فِي الْكِتَابْ وَلَّا؟»

1 صَمُوِيل 16:1

وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

لُوقا 4:16

وَ عِيسَى جَاءْ فِي حِلِّتَهْ النَّاصِرَةْ الرَّبَّوْه فَوْقهَا. وَ مَشَى فِي بَيْت الصَّلَاةْ يَوْم السَّبْت مِثِلْ فِي عَادْتَهْ. وَ قَمَّ فَوْق أَشَانْ يَقْرِي لِلنَّاسْ.

مَتَّى 2:23

وَ وِصِلْ فِي حِلَّةْ وَاحِدَةْ الْأُسُمْهَا النَّاصِرَةْ وَ قَعَدْ هِنَاكْ. وَ مِثِلْ دَا، الْكَلَامْ الْأَنْبِيَاء قَالَوْا تَمَّ. قَالَوْا: <يِنَادُوهْ النَّاصِرِي.>

1 صَمُوِيل 20:6

وَ كَنْ أَبُوكْ فَقَدَانِي، قُولْ لَيَّهْ: ‹دَاوُدْ شَالْ مِنِّي إِذِنْ لِيَمْشِي حِلِّتَهْ بَيْت لَحَمْ أَشَانْ يَحْضَرْ فِي قَدِّمِينْ الضَّحِيَّةْ السَّنَوِيَّةْ مَعَ أَهَلَهْ.›

رَعُوث 4:17

وَ جَارَاتْ نَعِيمَةْ قَالَنْ: «اللّٰهْ رَزَقَاهَا بِوِلَيْد.» وَ سَمَّنَهْ عُبَيْد. وَ هُو بِقِي أَبُو يَسَّى، أَبُو مَلِكْ دَاوُدْ.

رَعُوث 4:11

الشُّيُوخْ وَ كُلَّ الشَّعَبْ الْقَاعِدِينْ فِي خَشُمْ بَابْ الْحِلَّةْ قَالَوْا: «أَنِحْنَ شَاهِدِينْ! اللّٰهْ يِبَارِكْ الْمَرَةْ التَّدْخُلْ فِي بَيْتَكْ وَ يِسَوِّيهَا مِثِلْ رَاحِيلْ وَ لَيْئَةْ، هِنَّ الْإِتْنَيْن أَمَّهَاتْ ذُرِّيَّةْ يَعْقُوبْ جِدِّنَا. وَ إِنْتَ تَبْقَى غَنِيْ فِي خَشُمْ بَيْت أَفْرَاتَةْ وَ مَشْهُورْ زِيَادَةْ فِي بَيْت لَحَمْ.

رَعُوث 2:4

وَ بَعَدْ شِيَّةْ، بُعَازْ كُلَ جَاءْ مِنْ بَيْت لَحَمْ وَ قَالْ لِلَّمَّامِينْ: «اللّٰهْ مَعَاكُو!» وَ هُمَّنْ قَالَوْا لَيَّهْ: «اللّٰهْ يِبَارِكَكْ!»

يُوحَنَّا 1:46

وَ نَتَنَايِلْ رَدَّ لَيَّهْ وَ قَالْ: «هَايْ! مَتَى كَيْ يَوْم وَاحِدْ شَيّءْ عَدِيلْ جَاءْ مِنْ النَّاصِرَةْ؟» وَ فِلِبُّسْ قَالْ لَيَّهْ: «تَعَالْ مَعَايِ وَ شِيفَهْ!»

1 صَمُوِيل 17:58

وَ شَاوُولْ سَأَلَهْ لِدَاوُدْ وَ قَالْ: «إِنْتَ وِلَيْد يَاتُو؟» وَ دَاوُدْ قَالْ: «أَنَا وِلَيْد عَبْدَكْ يَسَّى الْمِنْ حِلَّةْ بَيْت لَحَمْ.»

1 صَمُوِيل 17:12

وَ دَاوُدْ دَا، هُو وِلَيْد رَاجِلْ وَاحِدْ مِنْ خَشُمْ بَيْت أَفْرَاتَةْ الْأُسْمَهْ يَسَّى وَ هُو مِنْ حِلَّةْ بَيْت لَحَمْ فِي تُرَابْ يَهُوذَا. وَ يَسَّى دَا عِنْدَهْ تَمَانَةْ أَوْلَادْ. وَ فِي وَكِتْ حُكُمْ شَاوُولْ، هُو شَيَّبْ وَ بِقِي كَبِيرْ زِيَادَةْ.

1 صَمُوِيل 16:4

وَ صَمُوِيلْ سَوَّى كُلَّ شَيّءْ الْقَالَهْ لَيَّهْ اللّٰهْ. وَ وَكِتْ وَصَّلْ فِي حِلَّةْ بَيْت لَحَمْ، كُلَّ كُبَارَاتْ الْحِلَّةْ بَرْجَلَوْا وَ مَرَقَوْا لِيِقَابُلُوهْ وَ قَالَوْا: «جَيْتَكْ دِي عَافَيْ بَسْ؟»

رَعُوث 1:19

وَ خَلَاصْ، مَشَنْ تِنَيْنِتْهِنْ لَحَدِّي بَيْت لَحَمْ. وَ وَكِتْ وَصَّلَنْ هِنَاكْ، كُلَّ عَوِينْ الْحِلَّةْ عَجَّبَنْ فَوْقهِنْ وَ أَسَّاءَلَنْ أَمْبَيْنَاتْهِنْ وَ قَالَنْ: «دِي نَعِيمَةْ وَلَّا؟»

تكوين 48:7

«وَ وَكِتْ أَنَا مُقَبِّلْ مِنْ فَدَّانْ أَرَامْ، أَمَّكْ رَاحِيلْ مَاتَتْ فِي إِيدَيْنِي فِي دَرِبْ بَلَدْ كَنْعَانْ قَرِيبْ لِحِلَّةْ أَفْرَاتَةْ. وَ فِي الْبَكَانْ دَا، أَنَا دَفَنْتَهَا فِي دَرِبْ حِلَّةْ أَفْرَاتَةْ الْبِنَادُوهَا الْيَوْم بَيْت لَحَمْ.»

تكوين 35:19

وَ رَاحِيلْ مَاتَتْ وَ دَفَنَوْهَا فِي دَرِبْ حِلَّةْ أَفْرَاتَةْ الْمَعْرُوفَةْ الْيَوْم بِبَيْت لَحَمْ.

مَتَّى 1:20

وَ وَكِتْ هُو لِسَّاعْ قَاعِدْ يِفَكِّرْ فِي الْكَلَامْ دَا، وَاحِدْ مِنْ مَلَائِكَةْ اللّٰهْ جَاءْ لَيَّهْ فِي رُؤْيَةْ وَ قَالْ: «يَا يُوسُفْ وِلَيْد دَاوُدْ، مَا تَخَافْ. شِيلْ مَرْيَمْ فِي بَيْتَكْ وَ خَلِّي تَبْقَى مَرْتَكْ أَشَانْ الصَّغِيرْ الْفِي بَطُنْهَا دَا، جَاءْ بِقُدْرَةْ الرُّوحْ الْقُدُّوسْ.

لُوقا 2:3

وَ أَيِّ نَادُمْ مَشَى فِي حِلِّتَهْ أَشَانْ يِسَجُّلُوهْ.

لُوقا 2:5

وَ مَشَى مَعَ مَرْيَمْ الْكَرَبْ رَاسْهَا أَشَانْ يِسَجُّلُوهُمْ سَوَا. وَ هِي غَلْبَانَةْ.