لُوقا 2:16 - الكتاب المقدس بالعربي الدارجي هنا تشاد

¹⁶ وَ طَوَّالِي مَشَوْا وَ لِقَوْا مَرْيَمْ وَ يُوسُفْ وَ الصَّغِيرْ رَاقِدْ فِي الشَّايَةْ.

لُوقا 2:16 Referenca të Kryqëzuara

لُوقا 19:32

وَ التَّلَامِيذ الرَّسَّلَوْهُمْ مَشَوْا لِقَوْا الدَّحَشْ مِثِلْ هُو أَوْرَاهُمْ بَيَّهْ.

لُوقا 2:12

وَ دِي هِي الْعَلَامَةْ التَّعَرْفُوهْ بَيْهَا. تَلْقَوْا صَغِيرْ مَلْفُوفْ بِقِطْعَةْ وَ رَاقِدْ فِي الشَّايَةْ.»

لُوقا 2:7

وَ وِلْدَتْ وِلَيْدهَا الْبِكِرْ. وَ لَفَّتَهْ بِقِطْعَةْ وَ رَقَّدَتَهْ فِي الشَّايَةْ وَ دَا الْبَكَانْ الْيَاكُلُوا فَوْقَهْ الْبَهَايِمْ أَشَانْ مَا لِقَوْا بَكَانْ فِي بَيْت الضِّيفَانْ.

لُوقا 22:13

وَ مَشَوْا وَ لِقَوْا كُلَّ شَيّءْ مِثِلْ هُو قَالَهْ لَيْهُمْ. وَ حَصَّلَوْا عَشَاءْ عِيدْ الْفِصْحَ.

لُوقا 1:39

وَ بَعَدْ دَا، مَرْيَمْ قَمَّتْ وَ مَشَتْ عَجَلَةْ فِي حِلَّةْ وَاحِدَةْ الْقَاعِدَةْ فِي حُجَارْ دَارْ الْيَهُودِيَّةْ

جامِعة 9:10

أَيِّ شَيّءْ التِّسَوِّيهْ، سَوِّيهْ بِكُلَّ قُدُرْتَكْ. أَشَانْ مَا فِي خِبْرَةْ وَ لَا مَعْرَفَةْ وَ لَا حِكْمَةْ فِي الْقَبُرْ، الْبَكَانْ الْإِنْتَ مَاشِي لَيَّهْ.

لُوقا 2:15

وَ وَكِتْ الْمَلَائِكَةْ خَلَّوْا الرُّعْيَانْ وَ قَبَّلَوْا فِي السَّمَاءْ خَلَاصْ، الرُّعْيَانْ حَجَّوْا أَمْبَيْنَاتْهُمْ وَ قَالَوْا: «خَلِّي نَمْشُوا فِي بَيْت لَحَمْ نِشِيفُوا الشَّيّءْ الْبِقِي، الْاللّٰهْ أَوْرَانَا بَيَّهْ.»

لُوقا 2:17

وَ وَكِتْ شَافَوْه، هُمَّنْ قَمَّوْا يِحَجُّوا لِلنَّاسْ بِالْكَلَامْ الْاللّٰهْ قَالَهْ فِي الْوِلَيْد دَا بِخَشُمْ الْمَلَكْ.