لُوقا 2:12 - الكتاب المقدس بالعربي الدارجي هنا تشاد

¹² وَ دِي هِي الْعَلَامَةْ التَّعَرْفُوهْ بَيْهَا. تَلْقَوْا صَغِيرْ مَلْفُوفْ بِقِطْعَةْ وَ رَاقِدْ فِي الشَّايَةْ.»

لُوقا 2:12 Referenca të Kryqëzuara

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

إشَعْيا 7:11

«أَطْلُبْ عَلَامَةْ مِنْ اللّٰهْ إِلٰـهَكْ كَنْ مِنْ تِحِتْ الْأَرْض وَلَّا مِنْ فَوْق فِي السَّمَاءْ.»

زَبُور 22:6

وَ لَاكِنْ أَنَا، النَّاسْ مَا جَعَلَوْنِي نَادُمْ. وَ يِشِيفُونِي نِجِسْ مِثِلْ دُودْ التُّرَابْ وَ عَيَّبَوْنِي وَ أَبَوْنِي.

2 مُلوك 20:8

وَ فِي الْوَكِتْ دَا، حِزْقِيَّا قَالْ لِإِشَعْيَا: «شُنُو الْعَلَامَةْ التِّوَصِّفْ لَيِّ كَدَرْ اللّٰهْ يَنْطِينِي الْعَافَيْ وَ فِي الْيَوْم التَّالِتْ، نَمْشِي بَتَّانْ لِبَيْت اللّٰهْ؟»

2 مُلوك 19:29

«وَ دِي هِي الْعَلَامَةْ، يَا حِزْقِيَّا. فِي السَّنَةْ دِي، تَاكُلُوا مِنْ الْكِشَّيْب وَ فِي السَّنَةْ التَّانِيَةْ، تَاكُلُوا مِنْ الْبَنْدَرْ. وَ لَاكِنْ فِي السَّنَةْ التَّالْتَةْ، تِتَيْرُبُوا وَ تَقْطَعَوْا وَ تِمَقُّنُوا جِنَيْنَاتْكُو هَنَا الْعِنَبْ وَ تَاكُلُوا مِنْ فَوَاكِهُّمْ.

1 صَمُوِيل 2:34

وَ نَنْطِيكْ عَلَامَةْ وَ الْعَلَامَةْ دِي تَبْقَى مَوْت عِيَالَكْ حُفْنِي وَ فِينْحَاسْ فِي يَوْم وَاحِدْ.

خُروج 3:12

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

لُوقا 2:7

وَ وِلْدَتْ وِلَيْدهَا الْبِكِرْ. وَ لَفَّتَهْ بِقِطْعَةْ وَ رَقَّدَتَهْ فِي الشَّايَةْ وَ دَا الْبَكَانْ الْيَاكُلُوا فَوْقَهْ الْبَهَايِمْ أَشَانْ مَا لِقَوْا بَكَانْ فِي بَيْت الضِّيفَانْ.

لُوقا 2:13

وَ طَوَّالِي، بَانَوْا مَعَ الْمَلَكْ دَا مَلَائِكَةْ كَتِيرِينْ بِلْحَيْن مِنْ جُنُودْ اللّٰهْ. وَ هُمَّنْ قَاعِدِينْ يَشْكُرُوا اللّٰهْ وَ يُقُولُوا: