لُوقا 19:3 - الكتاب المقدس بالعربي الدارجي هنا تشاد

³ وَ هُو دَوَّرْ يِشِيفْ عِيسَى لَاكِنْ مَا قِدِرْ أَشَانْ عِيسَى قَاعِدْ فِي أُسُطْ نَاسْ كَتِيرِينْ وَ زَكَّا نَادُمْ قِصَيِّرْ.

لُوقا 19:3 Referenca të Kryqëzuara

لُوقا 23:8

وَ وَكِتْ هِرُودُسْ شَافْ عِيسَى، هُو فِرِحْ بِلْحَيْن أَشَانْ مِنْ وَكِتْ طَوِيلْ هُو سِمِعْ خَبَرَهْ وَ يِدَوْر يِشِيفْ عِيسَى يِسَوِّي لَيَّهْ عَجَبْ.

يُوحَنَّا 12:21

وَ الْيُونَانِيِّينْ جَوْا لِفِلِبُّسْ التِّلْمِيذْ الْمِنْ حِلَّةْ بَيْت صَيْدَا فِي دَارْ الْجَلِيلْ وَ قَدَّمَوْا لَيَّهْ طَلَبْ. وَ قَالَوْا: «يَا السَّيِّدْ، نِدَوْرُوا نِشِيفُوا عِيسَى.»

لُوقا 12:25

«وَ كَنْ نَادُمْ مِنْكُو يِهِمّ كَتِيرْ، الْهَمّ دَا مَا يَقْدَرْ يِزِيدْ عُمْرَهْ بِسَاعَةْ وَاحِدَةْ كُلَ.

مَرْخُوس 15:40

وَ فِيَّهْ عَوِينْ قَاعِدَاتْ يِشِيفَنْ مِنْ بَعِيدْ. وَ هِنَّ مَرْيَمْ الْمَقْدَلِيَّةْ وَ مَرْيَمْ أَمّ يَعْقُوبْ الصَّغَيَّرْ وَ يُوسِي، هِي كُلَ قَاعِدَةْ مَعَاهِنْ. وَ بَتَّانْ سَلُومَةْ كُلَ مَعَاهِنْ.

لُوقا 19:2

وَ فِي نَادُمْ وَاحِدْ أُسْمَهْ زَكَّا. وَ هُو كَبِيرْ هَنَا نَاسْ الْجَمَارِكْ وَ هُو غَنِيْ بِلْحَيْن.

لُوقا 19:4

وَ أَشَانْ دَا، هُو جَرَى قِدَّامْ فِي الدَّرِبْ الْعِيسَى مَاشِي فَوْقَهْ وَ رِكِبْ فَوْق فِي جِمَّيْزَايْ أَشَانْ يِشِيفْ عِيسَى وَكِتْ هُو يَلْحَقْ الْبَكَانْ دَا.