لُوقا 16:3 - الكتاب المقدس بالعربي الدارجي هنا تشاد

³ «وَ الْوَكِيلْ حَجَّى لِنَفْسَهْ وَ قَالْ: ‹نِسَوِّي شُنُو وَكِتْ سَيِّدِي يِشِيلْ مِنِّي الْوَكَالَةْ؟ مَا نَقْدَرْ نَحْرِتْ أَشَانْ مَا عِنْدِي قُدْرَةْ. وَ مَا نِدَوْر نَشْحَدْ النَّاسْ أَشَانْ الْعَيْب.

لُوقا 16:3 Referenca të Kryqëzuara

2 تَسَلونِيكِي 3:11

وَ سِمِعْنَا خَبَرْ بُقُولْ وَاحِدِينْ مِنْكُو أَبَوْا الْخِدْمَةْ وَ قَاعِدِينْ يِنْدَسَّوْا فِي شُؤُونْ النَّاسْ.

أعمال الرُسُل 3:2

وَ نَادُمْ وَاحِدْ قَاعِدْ جَنْب بَابْ هَنَا بَيْت اللّٰهْ الْأُسْمَهْ الْبَابْ الْجَمِيلْ. وَ مِنْ وِلْدَوْه، هُو مَعْضُورْ. وَ كُلَّ يَوْم أَخْوَانَهْ يِوَدُّوهْ وَ يُخُطُّوهْ هِنَاكْ أَشَانْ يِهَجِّرْ وَ يَلْقَى صَدَقَةْ مِنْ النَّاسْ الْيِنْدَسَّوْا فِي بَيْت اللّٰهْ.

يُوحَنَّا 9:8

وَ جِيرَانَهْ وَ النَّاسْ الشَّافَوْه وَكِتْ هُو لِسَّاعْ قَاعِدْ يَسْأَلْ صَدَقَةْ، أَسَّاءَلَوْا أَمْبَيْنَاتْهُمْ وَ قَالَوْا: «دَا مَا النَّادُمْ الْأَوَّلْ قَاعِدْ فِي الشَّارِعْ يَسْأَلْ صَدَقَةْ وَلَّا؟»

لُوقا 18:4

وَ أَوَّلْ هُو أَبَى مَا سَوَّى لَيْهَا شَيّءْ لَاكِنْ فِي الأَخِيرْ هُو قَالْ فِي نَفْسَهْ: ‹صَحِيحْ، أَنَا مَا خَايِفْ مِنْ اللّٰهْ وَ مَا لَمَّانِي بِرِضَى النَّاسْ.

لُوقا 16:22

«وَ الْمِسْكِينْ دَا مَاتْ وَ الْمَلَائِكَةْ شَالَوْه وَ قَعَّدَوْه جَنْب النَّبِي إِبْرَاهِيمْ. وَ الْغَنِيْ كُلَ مَاتْ وَ دَفَنَوْه.

لُوقا 16:20

وَ نَاسْ خَطَّوْا نَادُمْ مِسْكِينْ أُسْمَهْ لَعَازَرْ فِي خَشُمْ بَيْتَهْ وَ جِلْدَهْ كُلَ عَوَاوِيرْ.

لُوقا 12:17

وَ سَأَلْ نَفْسَهْ وَ قَالْ: ‹هَا. نِسَوِّي شُنُو؟ مَا فَضَّلْ لَيِّ بَكَانْ نَخْزِنْ فَوْقَهْ غَلِّتِي.›

مَرْخُوس 10:46

وَ عِيسَى وَ تَلَامِيذَهْ وِصْلَوْا فِي حِلَّةْ أَرِيحَا. وَكِتْ عِيسَى وَ تَلَامِيذَهْ مَارْقِينْ مِنْ أَرِيحَا، نَاسْ كَتِيرِينْ مَرَّةْ وَاحِدْ جَايِينْ وَرَايَهْ. وَ عَمْيَانْ وَاحِدْ قَاعِدْ تِحِتْ جَنْب الشَّارِعْ أَشَانْ يَسْأَلْ صَدَقَةْ مِنْ النَّاسْ. وَ أُسْمَهْ بَارْتِمَاوِي وِلَيْد تِمَاوِي.

هُوشَع 9:5

وَ يِسَوُّوا شُنُو فِي الْيَوْم الْمُحَدَّدْ، فِي يَوْم عِيدْ اللّٰهْ؟

إرْمِيا 5:31

الْأَنْبِيَاء يِتْنَبَّأَوْا بِكِدِبْ وَ رُجَالْ الدِّينْ يِفَتُّشُوا مَصَالِحْهُمْ. وَ إِنْتُو شَعَبِي رَضْيَانِينْ بِالْحَرَامْ دَا وَ لَاكِنْ فِي الأَخِيرْ، تِسَوُّوا شُنُو؟›»

إشَعْيا 10:3

إِنْتُو تِسَوُّوا شُنُو فِي يَوْم الْعِقَابْ، وَكِتْ الْهَلَاكْ يَجِي لَيْكُو مِنْ بَعِيدْ؟ لِيَاتُو تَجْرُوا وَ مِنْ يَاتُو تَلْقَوْا الْفَزَعْ؟ وَ وَيْن تُضُمُّوا غُنَاكُو؟

أمْثال 29:21

مَا تِجَلِّعْ عَبْدَكْ مِنْ هُو صَغَيَّرْ أَشَانْ فِي الأَخِيرْ، هُو يَعَصَاكْ.

أمْثال 20:4

فِي وَكْت الْخَرِيفْ، الْكَسْلَانْ مَا يَحْرِتْ وَ فِي الدَّرَتْ، يِفَتِّشْ نَتِيجَةْ وَ مَا يَلْقَاهَا.

أمْثال 19:15

الْكَسَلْ يِلِزّ فِي النَّوْم الشَّدِيدْ وَ الْيِطَبِّقْ إِيدَيْنَهْ يُمُوتْ مِنْ الْجُوعْ.

أمْثال 18:9

الْيَخْدِمْ بِكَسَلْ وَ الْيَخْرِبْ الْعَمَلْ، هُمَّنْ دَوْل أَخْوَانْ.

أمْثال 15:19

دَرِبْ الْكَسْلَانْ مُحَوَّقْ بِشَوْك وَ لَاكِنْ طَرِيقْ الْعَدِيلِينْ دَايْماً مَفْتُوحْ.

أمْثال 13:4

الْكَسْلَانْ يِتْمَنَّى وَ مَا يَلْقَى وَ لَاكِنْ النَّشِيطْ يَنْجَحْ وَ يَشْبَعْ.

أسْتِير 6:6

وَ هَمَانْ دَخَلْ وَ الْمَلِكْ قَالْ لَيَّهْ: «يِسَوُّوا شُنُو لِلنَّادُمْ الْمَلِكْ يِدَوْر يِشَرِّفَهْ؟» وَ هَمَانْ قَالْ فِي نَفْسَهْ: «لِيَاتُو بَتَّانْ الْمَلِكْ يِدَوْر يَنْطِيهْ شَرَفْ زِيَادَةْ مِنِّي أَنَا؟»

أعمال الرُسُل 9:6

قُمّ وَ أَدْخُلْ فِي دِمَشْق وَ نَادُمْ وَاحِدْ يِأَوْرِيكْ بِالشَّيّءْ الْوَاجِبْ تِسَوِّيهْ.»

مَتَّى 20:8

«وَ وَكِتْ بِقِي مَغْرِبْ سِيدْ الْجِنَيْنَةْ حَجَّى لِوَكِيلَهْ وَ قَالْ: ‹نَادِي الْخَدَّامِينْ وَ أَنْطِيهُمْ قُرُسْهُمْ. أَبْدَا مِنْ النَّاسْ الْجَوْا وَرَاءْ لَحَدِّي تِكَمِّلْ بِالنَّاسْ الْجَوْا أَوَّلْ.›

لُوقا 16:2

وَ نَادَى الْوَكِيلْ وَ قَالْ: ‹دَا شُنُو السِّمِعْتَهْ فَوْقَكْ؟ قَبِّلْ لَيِّ مَكَاتِيبْ الْحِسَابْ. مَا نِدَوْر إِنْتَ تَبْقَى بَتَّانْ وَكِيلِي.›

لُوقا 16:4

خَلَاصْ نَعَرِفْ الشَّيّءْ النِّسَوِّيهْ الْبِسَبَبَهْ النَّاسْ يَقْبَلَوْنِي فِي بُيُوتْهُمْ وَكِتْ يَمْرُقْنِي مِنْ الْوَكَالَةْ.›