لُوقا 16:2 - الكتاب المقدس بالعربي الدارجي هنا تشاد

² وَ نَادَى الْوَكِيلْ وَ قَالْ: ‹دَا شُنُو السِّمِعْتَهْ فَوْقَكْ؟ قَبِّلْ لَيِّ مَكَاتِيبْ الْحِسَابْ. مَا نِدَوْر إِنْتَ تَبْقَى بَتَّانْ وَكِيلِي.›

لُوقا 16:2 Referenca të Kryqëzuara

رُؤية 20:12

وَ شِفْت كُلَّ الْمَيْتِينْ كُبَارْ وَ صُغَارْ وَاقْفِينْ قِدَّامْ الْعَرْش. وَ الْكُتُبْ فَتَحَوْهُمْ. وَ بَتَّانْ كِتَابْ آخَرْ فَتَحَوْه وَ هُو كِتَابْ الْحَيَاةْ. وَ كُلَّ خِدْمَةْ الْمَيْتِينْ الْأَوَّلْ سَوَّوْهَا مَكْتُوبَةْ فِي الْكُتُبْ. وَ هُمَّنْ يِحَاسُبُوهُمْ حَسَبْ الشَّيّءْ الْمَكْتُوبْ فِي الْكُتُبْ.

1 بُطْرُس 4:10

اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.

1 بُطْرُس 4:5

لَاكِنْ فِي الأَخِيرْ رَبِّنَا يِحَاسِبْهُمْ فِي فِعِلْهُمْ. هُو جَاهِزْ أَشَانْ يِحَاسِبْ الْحَيِّينْ وَ الْمَيْتِينْ.

1 تِمُوتَاوُس 5:24

نَاسْ وَاحِدِينْ ذُنُوبْهُمْ وَاضْحِينْ لِكُلَّ النَّاسْ قُبَّالْ مَا يِحَاسُبُوهُمْ. وَ نَاسْ آخَرِينْ ذُنُوبْهُمْ مَا يِنْعَرْفُوا إِلَّا بَعَدَيْن.

جامِعة 12:14

أَشَانْ الرَّبّ يِحَاسِبْ كُلَّ عَمَلْ الْإِنْسَانْ حَتَّى كَانْ مُلَبَّدْ كُلَ، كَنْ زَيْن وَلَّا فَسِلْ.

1 تِمُوتَاوُس 4:14

خُطّ بَالَكْ فِي الْبَرَكَةْ الْاللّٰهْ أَنْطَاهَا لَيْك بِالْكَلَامْ الْأَتْنَبَّأَوْا بَيَّهْ جَمَاعَةْ الشُّيُوخْ وَكِتْ خَطَّوْا إِيدَيْهُمْ فَوْقَكْ.

2 كُرُنْتُس 5:10

أَشَانْ لَابُدَّ أَيِّ وَاحِدْ مِنِّنَا يَقِيفْ قِدَّامْ كُرْسِي مَحْكَمَةْ الْمَسِيحْ. وَ فِي الْبَكَانْ دَا، أَيِّ نَادُمْ يَلْقَى الشَّيّءْ الْوَاجِبْ لَيَّهْ حَسَبْ الْعَمَلْ السَّوَّاهْ وَكِتْ هُو عَايِشْ بِجِسْمَهْ الْأَرْضِي، كَنْ عَمَلَهْ هَنَا خَيْر أَوْ هَنَا شَرّ.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

1 كُرُنْتُس 4:2

وَ الشَّيّءْ الْوَاجِبْ لِأَيِّ نَادُمْ الْمَسْؤُولْ، هُو الصِّدِقْ.

1 كُرُنْتُس 1:11

يَا أَخْوَانِي، أَنَا قُلْت الْكَلَامْ دَا أَشَانْ نَاسْ وَاحِدِينْ مِنْ بَيْت أَخُتْكُو خُلُوَةْ أَوْرَوْنِي كَدَرْ إِنْتُو قَاعِدِينْ تِلْغَالَطَوْا أَمْبَيْنَاتْكُو.

رَوْمَا 14:12

وَ بِمِثِلْ دَا فِي يَوْم الْحِسَابْ، أَيِّ وَاحِدْ مِنِّنَا مَسْؤُولْ قِدَّامْ اللّٰهْ فِي الشَّيّءْ الْهُو سَوَّاهْ.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

لُوقا 12:20

وَ لَاكِنْ اللّٰهْ نَادَاهْ وَ قَالْ: ‹يَا الْجَاهِلْ! فِي اللَّيْلَةْ دِي بَسْ، نِشِيلْ رُوحَكْ. وَ الْخُمَامْ الْجَهَّزْتَهْ لِنَفْسَكْ دَا، يَبْقَى هَنَا يَاتُو؟›»

مَتَّى 12:36

وَ خَلَاصْ نُقُولْ لَيْكُو، فِي يَوْم الْحِسَابْ، اللّٰهْ يِحَاسِبْ كُلَّ الْكَلَامْ الْمَا عِنْدَهْ فَايْدَةْ الْقَالَوْه النَّاسْ.

مَتَّى 20:8

«وَ وَكِتْ بِقِي مَغْرِبْ سِيدْ الْجِنَيْنَةْ حَجَّى لِوَكِيلَهْ وَ قَالْ: ‹نَادِي الْخَدَّامِينْ وَ أَنْطِيهُمْ قُرُسْهُمْ. أَبْدَا مِنْ النَّاسْ الْجَوْا وَرَاءْ لَحَدِّي تِكَمِّلْ بِالنَّاسْ الْجَوْا أَوَّلْ.›

لُوقا 16:1

وَ عِيسَى حَجَّى لِتَلَامِيذَهْ بَتَّانْ وَ قَالْ: «يَوْم مِنْ الْأَيَّامْ، فِي نَادُمْ سِيدْ الْمَالْ عِنْدَهْ وَكِيلْ. وَ سِمِعْ خَبَرْ فِي وَكِيلَهْ يُقُولُوا هُو يِتَلِّفْ مَالَهْ.

لُوقا 16:3

«وَ الْوَكِيلْ حَجَّى لِنَفْسَهْ وَ قَالْ: ‹نِسَوِّي شُنُو وَكِتْ سَيِّدِي يِشِيلْ مِنِّي الْوَكَالَةْ؟ مَا نَقْدَرْ نَحْرِتْ أَشَانْ مَا عِنْدِي قُدْرَةْ. وَ مَا نِدَوْر نَشْحَدْ النَّاسْ أَشَانْ الْعَيْب.