لُوقا 16:1 - الكتاب المقدس بالعربي الدارجي هنا تشاد

¹ وَ عِيسَى حَجَّى لِتَلَامِيذَهْ بَتَّانْ وَ قَالْ: «يَوْم مِنْ الْأَيَّامْ، فِي نَادُمْ سِيدْ الْمَالْ عِنْدَهْ وَكِيلْ. وَ سِمِعْ خَبَرْ فِي وَكِيلَهْ يُقُولُوا هُو يِتَلِّفْ مَالَهْ.

لُوقا 16:1 Referenca të Kryqëzuara

1 بُطْرُس 4:10

اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

يَعْقُوب 4:3

وَ كَنْ تَسْأَلَوْا كُلَ، مَا تَلْقَوْا شَيّءْ أَشَانْ نِيِّتْكُو مَا عَدِيلَةْ وَ إِنْتُو تَسْأَلَوْا لِشَهْوَاتْكُو بَسْ.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

لُوقا 15:30

وَ لَاكِنْ وِلَيْدَكْ دَا تَلَّفْ كُلَّ قُرْسَكْ مَعَ الشَّرَامِيطْ وَ وَكِتْ هُو جَاءْ، إِنْتَ دَبَحْت لَيَّهْ الْعِجِلْ السَّمِينْ!›

لُوقا 15:13

وَ بَعَدْ أَيَّامْ، الْوِلَيْد الصَّغَيَّرْ بَاعْ كُلَّ شَيّءْ الْأَبُو أَنْطَاهْ وَ سَافَرْ بَعِيدْ لِبَلَدْ آخَرَةْ. وَ فِي الْبَلَدْ دِي، بِقِي فَاسِدْ وَ تَلَّفْ كُلَّ قُرْسَهْ.

لُوقا 19:20

«وَ عَبِدْ آخَرْ جَاءْ وَ قَالْ: ‹يَا الْمَلِكْ، دَاهُو جِنَيْه هَنَاكْ. أَنَا حَفَضْتَهْ وَ لَبَّدْتَهْ فِي مِنْدِيلْ.

أمْثال 18:9

الْيَخْدِمْ بِكَسَلْ وَ الْيَخْرِبْ الْعَمَلْ، هُمَّنْ دَوْل أَخْوَانْ.

لُوقا 16:19

وَ بَتَّانْ، عِيسَى قَالْ: «يَوْم مِنْ الْأَيَّامْ، فِي نَادُمْ غَنِيْ مَرَّةْ وَاحِدْ. وَ هُو لَابِسْ خُلْقَانْ غَالِيِّينْ بِلْحَيْن وَ كُلَّ يَوْم هُو يَفْرَحْ وَ يَاكُلْ أَكِلْ حَلُو مَرَّةْ وَاحِدْ.

لُوقا 8:3

وَ جَانَا مَرِةْ خُوزَا وَكِيلْ هَنَا هِرُودُسْ الْمُحَافِظْ وَ سُوزَانَةْ وَ عَوِينْ آخَرَاتْ كَتِيرَاتْ. وَ الْعَوِينْ دَيْل قَاعِدَاتْ يِسَاعِدَنْ جَمَاعَةْ عِيسَى بِمَالْهِنْ حَلَالْهِنْ.

هُوشَع 2:8

«وَ هِي مَا عِرْفَتْ كَدَرْ دَا أَنَا بَسْ الْقَاعِدْ نَنْطِيهَا الْقَمَحْ وَ الْخَمَرْ وَ الدِّهِنْ. أَنَا كَتَّرْت الْفُضَّةْ وَ الدَّهَبْ وَ لَاكِنْ هِي أَسْتَعْمَلَتْهُمْ لِعِبَادَةْ بَعَلْ.

1 أخبار 28:1

وَ دَاوُدْ لَمَّ كُلَّ كُبَارَاتْ بَنِي إِسْرَائِيلْ فِي أُورُشَلِيمْ. وَ دَوْل كُلَّ كُبَارَاتْ الْقَبَايِلْ وَ كُبَارَاتْ الْمَجْمُوعَاتْ الْيَخْدُمُوا لِلْمَلِكْ وَ قُيَّادْ الْآلَافْ وَ قُيَّادْ الْمِيَاتْ وَ الْمَسَائِيلْ فِي كُلَّ الْخُمَامْ وَ الْبَهَايِمْ هَنَا الْمَلِكْ وَ أَوْلَادَهْ. وَ لَمَّ كُلَّ الْخَدَّامِينْ وَ كُلَّ الْفَحَلِينْ وَ الرُّجَالْ الْفُرَّاسْ.

تكوين 43:19

وَ فِي مَدَخَلْ الْبَيْت، قَرَّبَوْا لِلْمَسْؤُولْ هَنَا بَيْت يُوسُفْ وَ قَالَوْا لَيَّهْ:

تكوين 15:2

وَ أَبْرَامْ قَالْ: «يَا اللّٰهْ رَبِّي، تَنْطِينِي شُنُو؟ أَنَا مَا عِنْدِي عِيَالْ وَ النَّادُمْ الْيَوْرِثْنِي هُو أَلِعَازَرْ مِنْ حِلَّةْ دِمَشْق.»

مَتَّى 20:8

«وَ وَكِتْ بِقِي مَغْرِبْ سِيدْ الْجِنَيْنَةْ حَجَّى لِوَكِيلَهْ وَ قَالْ: ‹نَادِي الْخَدَّامِينْ وَ أَنْطِيهُمْ قُرُسْهُمْ. أَبْدَا مِنْ النَّاسْ الْجَوْا وَرَاءْ لَحَدِّي تِكَمِّلْ بِالنَّاسْ الْجَوْا أَوَّلْ.›

لُوقا 16:2

وَ نَادَى الْوَكِيلْ وَ قَالْ: ‹دَا شُنُو السِّمِعْتَهْ فَوْقَكْ؟ قَبِّلْ لَيِّ مَكَاتِيبْ الْحِسَابْ. مَا نِدَوْر إِنْتَ تَبْقَى بَتَّانْ وَكِيلِي.›