لُوقا 13:7 - الكتاب المقدس بالعربي الدارجي هنا تشاد

⁷ وَ حَجَّى لِلْخَدَّامْ الْمَسْؤُولْ فِي الْجِنَيْنَةْ وَ قَالْ: ‹شِيفْ! مِنْ تَلَاتَةْ سَنَةْ أَنَا قَاعِدْ نَجِي نِفَتِّشْ عِيَالْ مِنْ الشَّدَرَةْ دِي وَ مَا لِقِيتْ فَوْقهَا شَيّءْ. مَالَا نِخَلِّيهَا تَفْسِدْ التُّرَابْ؟ أَقْطَعْهَا!›

لُوقا 13:7 Referenca të Kryqëzuara

مَتَّى 7:19

أَيِّ شَدَرَةْ الْمَا تَلْدَ عِيَالْ عَدِيلِينْ، يَقْطَعَوْهَا وَ يَزْقُلُوهَا فِي النَّارْ.

لُوقا 3:9

شِيفُوا، الْفَاسْ جَاهِزَةْ لِتَقْطَعْ الشَّدَرَةْ مِنْ عِرِقْهَا. أَيِّ شَدَرَةْ الْمَا تَلْدَ عِيَالْ عَدِيلِينْ يَقْطَعَوْهَا وَ يَزْقُلُوهَا فِي النَّارْ!»

يُوحَنَّا 15:6

كَنْ نَادُمْ مَا قَاعِدْ ثَابِتْ فِيِي، هُو مِثِلْ فِرِعْ الْيَمُرْقُوهْ مِنْ الشَّدَرَةْ وَ يَزْقُلُوهْ وَ يَيْبَسْ. وَ الْفُرُوعْ دَوْل، يِلِمُّوهُمْ وَ يَزْقُلُوهُمْ فِي النَّارْ وَ يِحَرُّقُوهُمْ.

يُوحَنَّا 15:2

أَيِّ فِرِعْ الْمَا قَاعِدْ يَلْدَ، هُو يَمُرْقَهْ مِنِّي. وَ أَيِّ فِرِعْ الْقَاعِدْ يَلْدَ، هُو يِبَرْبِرَهْ أَشَانْ يَبْقَى نَضِيفْ وَ يَلْدَ زِيَادَةْ.

خُروج 32:10

وَ هَسَّعْ دَا، خَلِّي غَضَبِي يَنْزِلْ فَوْقهُمْ وَ نِدَمِّرْهُمْ مَرَّةْ وَاحِدْ. وَ لَاكِنْ مِنَّكْ إِنْتَ كَمَانْ، نَمْرُقْ أُمَّةْ كَبِيرَةْ.»

دَنْيال 4:14

وَ قَالْ بِحِسّ عَالِي: ”أَقْطَعَوْا الشَّدَرَةْ دِي وَ كَسُّرُوا فُرُوعْهَا وَ مَلُّطُوا وَرْشَالْهَا وَ شَتُّتُوا عِيَالْهَا. وَ خَلِّي الْحَيْوَانَاتْ يِعَرُّدُوا مِنْ تِحِتْهَا وَ الطُّيُورْ كُلَ يِعَرُّدُوا مِنْ فُرُوعْهَا.

لاوِيِّين 19:23

«وَ وَكِتْ تَدْخُلُوا فِي الْبَلَدْ وَ تِمَقُّنُوا أَيِّ شَدَرَةْ التَّلْدَ عِيَالْ، أَجْعَلَوْا عِيَالْهَا مُحَرَّمِينْ لَيْكُو لِمُدَّةْ تَلَاتَةْ سَنَةْ، مَا تَاكُلُوهُمْ.

لاوِيِّين 25:21

خَلَاصْ أَنَا نِنَزِّلْ رَحْمَتِي فَوْقكُو فِي السَّنَةْ السَّادْسَةْ وَ هِي تَنْطِيكُو إِنْتَاجْ الْوَاجِبْ لَيْكُو لِتَلَاتَةْ سَنَةْ.

لُوقا 13:8

وَ الْخَدَّامْ رَدَّ لَيَّهْ وَ قَالْ: ‹يَا سَيِّدِي! خَلِّيهَا تَقْعُدْ سَنَةْ وَاحِدَةْ بَتَّانْ. وَ أَنَا نَحْفِرْ التُّرَابْ الْجَايْ وَ جَايْ لَيْهَا وَ نِزِيدْ لَيْهَا بَعَرْ.