لُوقا 12:3 - الكتاب المقدس بالعربي الدارجي هنا تشاد

³ أَشَانْ دَا، أَيِّ كَلَامْ الْقُلْتُوهْ فِي اللَّيْل، يِنْسَمِعْ فِي النَّهَارْ. وَ الْكَلَامْ الْحَجَّيْتُوهْ بِعَشِيرْ دَاخَلْ فِي الْبَيْت، يِبَلُّغُوهْ بَرَّا فِي الشَّوَارِعْ.

لُوقا 12:3 Referenca të Kryqëzuara

مَتَّى 10:27

أَيِّ شَيّءْ النُّقُولَهْ لَيْكُو فِي اللَّيْل، قُولُوهْ فِي النَّهَارْ. وَ الْكَلَامْ الْكَلَّمْتَهْ لَيْكُو بِبِشَيْش فِي أَدَانْكُو، بَلُّغُوهْ بَرَّا فِي الشَّوَارِعْ.

مَتَّى 12:36

وَ خَلَاصْ نُقُولْ لَيْكُو، فِي يَوْم الْحِسَابْ، اللّٰهْ يِحَاسِبْ كُلَّ الْكَلَامْ الْمَا عِنْدَهْ فَايْدَةْ الْقَالَوْه النَّاسْ.

جامِعة 10:20

مَا تَلْعَنْ الْمَلِكْ حَتَّى فِي دَاخَلْ قَلْبَكْ كُلَ وَ فِي بَيْتَكْ وِحَيْدَكْ، مَا تَلْعَنْ الْغَنِيْ. أَشَانْ الطَّيْرَايْ تِوَدِّي الْخَبَرْ وَ تِحَجِّي بِالشَّيّءْ الْإِنْتَ قُلْتَهْ.

مَتَّى 24:17

وَ أَيِّ نَادُمْ الْقَاعِدْ يِنْجَمَّ فِي رَاسْ بَيْتَهْ، خَلِّي يَجْرِي وَ مَا يِدَلِّي يِشِيلْ خُمَامَهْ مِنْ الْبَيْت.