لُوقا 12:1 - الكتاب المقدس بالعربي الدارجي هنا تشاد

¹ وَ عَدَدْ النَّاسْ الْجَايِينْ لِعِيسَى زَادْ بِلْحَيْن وَ بِقَوْا عَشَرَاتْ الْآلَافْ لَحَدِّي قَاعِدِينْ يِلْعَاصَرَوْا. وَ عِيسَى حَجَّى لِتَلَامِيذَهْ أَوَّلْ وَ قَالْ: «أَنْقَرْعُوا مِنْ تَوَّارَةْ الْفَرِيزِيِّينْ أَشَانْ مَا تَبْقَوْا مِثِلْهُمْ. النِّفَاقْ قَاعِدْ فَوْقهُمْ مِثِلْ التَّوَّارَةْ قَاعِدَةْ فِي الْخُبْزَةْ.

لُوقا 12:1 Referenca të Kryqëzuara

1 بُطْرُس 2:1

أَشَانْ دَا، خَلُّوا مِنْكُو كُلَّ الْفَسَالَةْ وَ كُلَّ النَّجَاضَةْ وَ النِّفَاقْ وَ الْحُسُدْ وَ الْقَطِيعَةْ.

يَعْقُوب 3:17

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.

لُوقا 12:56

يَا مُنَافِقِينْ! تَعَرْفُوا كِكَّيْف تَفْهَمَوْا عَلَامَاتْ هَنَا الْأَرْض وَ السَّمَاءْ. وَ كِكَّيْف مَا تَقْدَرَوْا تَفْهَمَوْا عَلَامَاتْ الزَّمَنْ الْحَاضِرْ؟

أيُّوب 36:13

الْكُفَّارْ قُلُوبْهُمْ مَلَانِينْ بِزَعَلْ وَ مَا يِكَوْرُكُوا لِلْفَزَعْ وَكِتْ يِجَنْزِرْهُمْ.

أيُّوب 27:8

أَشَانْ إِنْتُو تُقُولُوا: «الْكَافِرْ مَا عِنْدَهْ عَشَمْ بَعَدْ يُمُوتْ وَكِتْ الرَّبّ يِشِيلْ رُوحَهْ.

أيُّوب 20:5

فَرَحْ الْعَاصِي مَا يِطَوِّلْ وَ سُرُورْ الْكَافِرْ كُلَ لِوَكِتْ شِيَّةْ بَسْ.

2 مُلوك 7:17

وَ الْمَلِكْ كَلَّفْ الْقَايِدْ الْمُرَافْقَهْ لِيِرَاقِبْ خَشُمْ بَابْ الْمَدِينَةْ. وَ لَاكِنْ الشَّعَبْ فَجَّقَوْه وَ هُو مَاتْ مِثِلْ نَبِي اللّٰهْ قَالَهْ وَكِتْ الْمَلِكْ مَشَى لَيَّهْ.

1 كُرُنْتُس 15:3

وَ دَاهُو الْكَلَامْ الْمُهِمّ قُبَّالْ كُلَّ شَيّءْ الْأَنَا عَلَّمْتَهْ لَيْكُو وَ أَنَا كُلَ عَلَّمَوْنِي لَيَّهْ. الْمَسِيحْ مَاتْ فِي شَانْ ذُنُوبْنَا مِثِلْ مَكْتُوبْ فِي الْكِتَابْ.

أعمال الرُسُل 21:20

وَ وَكِتْ سِمْعَوْا كَلَامَهْ، مَجَّدَوْا اللّٰهْ. وَ لَاكِنْ قَالَوْا لَيَّهْ: «شِيفْ، يَا أَخُونَا. هِنِي آلَافْ مِنْ النَّاسْ الْآمَنَوْا بِرَبِّنَا عِيسَى هُمَّنْ يَهُودْ وَ كُلُّهُمْ يِتَابُعُوا تَوْرَاةْ مُوسَى بِقَلِبْ وَاحِدْ.

لُوقا 11:44

الْعَذَابْ يَرْجَاكُو أَشَانْ إِنْتُو مِثِلْ الْقُبُورْ الْمَا عِنْدُهُمْ وَسِمْ وَ النَّاسْ رَايْغِينْ فَوْقهُمْ وَ مَا يَعَرْفُوا كَدَرْ هُمَّنْ قُبُورْ. النَّجَاسَةْ الْقَاعِدَةْ فِيكُو دَاخَلْ النَّاسْ مَا يَعَرْفُوهَا.»

لُوقا 6:17

وَ هُو نَزَلْ مَعَاهُمْ مِنْ الْحَجَرْ وَ وَقَفْ فِي بَكَانْ وَسِيعْ. وَ تَلَامِيذ كَتِيرِينْ قَاعِدِينْ مَعَايَهْ. وَ نَاسْ كَتِيرِينْ مَرَّةْ وَاحِدْ جَوْا مِنْ كُلَّ دَارْ الْيَهُودِيَّةْ وَ مِنْ مَدِينَةْ الْقُدُسْ وَ مِنْ الْحِلَّالْ الْجَنْب الْبَحَرْ قَرِيبْ لِصُورْ وَ صَيْدَا.

لُوقا 5:15

لَاكِنْ بَيْدَا، خَبَرَهْ شَتَّتْ بِزِيَادَةْ فِي النَّاسْ. وَ نَاسْ كَتِيرِينْ مَرَّةْ وَاحِدْ لَامِّينْ فَوْقَهْ أَشَانْ يِدَوْرُوا يَسْمَعَوْا كَلَامَهْ وَ هُو يَشْفِي أَمْرَاضْهُمْ.

لُوقا 5:1

وَ يَوْم وَاحِدْ، عِيسَى قَاعِدْ جَنْب بَحَرْ الْجَلِيلْ. وَ النَّاسْ الْيِدَوْرُوا يَسْمَعَوْا كَلَامْ اللّٰهْ بِقَوْا كَتِيرِينْ مَرَّةْ وَاحِدْ لَحَدِّي قَاعِدِينْ يَعَصُرُوهْ.

إشَعْيا 33:14

وَ فِي صَهْيُون الْمُذْنِبِينْ رَجَفَوْا وَ الْكُفَّارْ أَنْبَهَتَوْا وَ يُقُولُوا: «يَاتُو مِنِّنَا يَقْدَرْ يَقْعُدْ فِي النَّارْ التَّحْرِقْ؟ وَ يَاتُو يَقْدَرْ يَقْعُدْ فِي الْجَمُرْ الدَّايِمْ؟»

عِبْرَانِيِّين 12:22

لَاكِنْ الْحَجَرْ الْإِنْتُو جِيتُوا قِدَّامَهْ، هُو جَبَلْ صَهْيُون الْقَاعِدَةْ فَوْقَهْ مَدِينَةْ اللّٰهْ الْحَيّ. وَ هِي مَدِينَةْ الْقُدُسْ السَّمَاوِيَّةْ. جِيتُوا قِدَّامْ الْمَلَائِكَةْ الْمَا يِنْحَسْبُوا مِنْ الْكَتَرَةْ اللَّامِّينْ لِلْإِحْتِفَالْ.