لُوقا 11:8 - الكتاب المقدس بالعربي الدارجي هنا تشاد

⁸ وَ نُقُولْ لَيْكُو كَنْ أَخُوكْ دَا مَا يِدَوْر يُقُمّ يَنْطِيكْ شَيّءْ فِي شَانْ إِنْتَ رَفِيقَهْ كُلَ، أَكِيدْ هُو يُقُمّ يَنْطِيكْ كُلَّ شَيّءْ التِّدَوْرَهْ فِي شَانْ إِنْتَ بَشْتَنْتَهْ.

لُوقا 11:8 Referenca të Kryqëzuara

تكوين 32:26

وَ الرَّاجِلْ قَالْ لِيَعْقُوبْ: «خَلِّينِي نَمْشِي أَشَانْ الْوَطَاةْ قَرِيبْ تَصْبِحْ.» وَ يَعْقُوبْ قَالْ لَيَّهْ: «أَنَا مَا نِخَلِّيكْ تَمْشِي كَنْ مَا بَارَكْتِنِي!»

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

رَوْمَا 15:30

وَ هَسَّعْ يَا أَخْوَانِي، نَطْلُبْ مِنْكُو بِأُسُمْ رَبِّنَا عِيسَى الْمَسِيحْ وَ بِمَحَبَّةْ الرُّوحْ الْقُدُّوسْ أَشَانْ إِنْتُو تَسْأَلَوْا اللّٰهْ مَعَايِ بِشِدَّةْ.

كُلُوسِي 2:1

وَ نِدَوْر إِنْتُو تَعَرْفُوا كَدَرْ أَنَا قَاعِدْ نِجَاهِدْ بِلْحَيْن فِي شَانْكُو وَ فِي شَانْ الْأَخْوَانْ الْقَاعِدِينْ فِي حِلَّةْ لَاوْدِكِيَّةْ وَ كُلَّ الْأَخْوَانْ الْآخَرِينْ الْيَوْم وَاحِدْ مَا شَافَوْنِي.

2 كُرُنْتُس 12:8

وَ تَلَاتَةْ مَرَّاتْ، أَنَا دَعَيْت رَبِّنَا عِيسَى وَ شَحَدْتَهْ أَشَانْ يَرْفَعَهْ مِنِّي.

لُوقا 11:7

هَلْ أَخُوكْ السَّأَلْتَهْ دَا يُرُدّ لَيْك مِنْ دَاخَلْ وَ يُقُولْ: ‹خَلِّينِي نُنُومْ! الْبَابْ مَسْدُودْ وَ عِيَالِي مَعَايِ نَايْمِينْ. مَا نَقْدَرْ نُقُمّ لَيْك وَ لَا نَنْطِيكْ شَيّءْ.› دَا يَبْقَى وَلَّا؟

قُضياء 14:17

وَ فِي مُدَّةْ سَبْعَةْ يَوْم هَنَا الْعَازُومَةْ، هِي دَايْماً تَبْكِي. وَ فِي الْيَوْم السَّابِعْ، هُو قَالْ لَيْهَا الْمَعَنَى أَشَانْ هِي تَعَّبَتَهْ. وَ خَلَاصْ، هِي مَشَتْ كَلَّمَتْ مَعَنَى الْحِجَّيَّة دِي لِصُبْيَانْ شَعَبْهَا.

1 صَمُوِيل 1:12

وَ وَكِتْ حِنَّةْ قَاعِدَةْ تَسْأَلْ اللّٰهْ مُدَّةْ طَوِيلَةْ، عَالِي قَاعِدْ يِشِيفْ خَشُمْهَا.