لُوقا 1:80 - الكتاب المقدس بالعربي الدارجي هنا تشاد

⁸⁰ وَ الْوِلَيْد كِبِرْ وَ بِقِي قَوِّي بِالرُّوحْ. وَ قَاعِدْ يِعِيشْ فِي الْكَدَادَةْ لَحَدِّي يَوْم بَانْ لِبَنِي إِسْرَائِيلْ.

لُوقا 1:80 Referenca të Kryqëzuara

لُوقا 2:40

وَ الْوِلَيْد كِبِرْ. وَ هُو بِقِي شَدِيدْ وَ مَلَانْ بِحِكْمَةْ وَ لِقِي رِضَى اللّٰهْ.

لُوقا 2:52

وَ عِيسَى قَاعِدْ يَكْبُرْ وَ حِكْمَتَهْ قَاعِدَةْ تِزِيدْ. وَ لِقِي رِضَى مِنْ اللّٰهْ وَ مِنْ النَّاسْ.

مَتَّى 3:1

فِي الزَّمَنْ دَاكْ، يَحْيَى الْمُغَطِّسْ جَاءْ يِبَشِّرْ النَّاسْ فِي كَدَادَةْ دَارْ الْيَهُودِيَّةْ.

يُوحَنَّا 1:31

أَوَّلْ أَنَا مَا عِرِفْتَهْ. لَاكِنْ أَنَا جِيتْ نِغَطِّسْ النَّاسْ أَشَانْ نِوَصِّفَهْ لِبَنِي إِسْرَائِيلْ.»

لُوقا 1:15

وَ هُو يَبْقَى نَادُمْ مُهِمّ قِدَّامْ اللّٰهْ وَ مَا وَاجِبْ يَشْرَبْ خَمَرْ وَ لَا أَيِّ شَرَابْ الْيِسَكِّرْ النَّاسْ. وَ هُو يَبْقَى مَلَانْ بِالرُّوحْ الْقُدُّوسْ مِنْ هُو لِسَّاعْ قَاعِدْ فِي بَطُنْ أَمَّهْ.

مَتَّى 11:7

وَ وَكِتْ تَلَامِيذ يَحْيَى قَمَّوْا مَاشِينْ، عِيسَى بَدَا يِحَجِّي فِي يَحْيَى لِلنَّاسْ الْقَاعِدِينْ مَعَايَهْ وَ قَالْ: «وَكِتْ يَحْيَى قَاعِدْ فِي الْكَدَادَةْ، مَشَيْتُوا لَيَّهْ أَشَانْ تِشِيفُوا شُنُو؟ عَقَيْقَايْ الرِّيحْ تِهِزَّهَا وَلَّا؟

1 صَمُوِيل 2:21

وَ اللّٰهْ رَزَقَاهَا لِحِنَّةْ وَ وِلْدَتْ جَابَتْ أَوْلَادْ تَلَاتَةْ وَ بَنَاتْ إِتْنَيْن. وَ الْوِلَيْد صَمُوِيلْ قَاعِدْ يَكْبُرْ قِدَّامْ اللّٰهْ.

أعمال الرُسُل 18:28

وَ أَبُلُوسْ قَاعِدْ يِخَالِفْ الْيَهُودْ قِدَّامْ نَاسْ الْحِلَّةْ بِكَلَامْ قَوِي. وَ فَسَّرْ لَيْهُمْ مِنْ الْكِتَابْ وَ أَكَّدْ كَدَرْ عِيسَى بَسْ الْمَسِيحْ.