لُوقا 1:6 - الكتاب المقدس بالعربي الدارجي هنا تشاد

⁶ وَ هُمَّنْ صَالِحِينْ قِدَّامْ اللّٰهْ وَ قَاعِدِينْ يِطَبُّقُوا عَدِيلْ كُلَّ وَصِيَّاتَهْ وَ شُرُوطَهْ.

لُوقا 1:6 Referenca të Kryqëzuara

تكوين 7:1

وَ اللّٰهْ قَالْ لِنُوحْ: «أَدْخُلْ فِي السَّفِينَةْ، إِنْتَ وَ أَهَلْ بَيْتَكْ أَشَانْ أَنَا شِفْت إِنْتَ وِحَيْدَكْ بَسْ صَالِحْ قِدَّامِي فِي لُبّ كُلَّ النَّاسْ الْعَايْشِينْ فِي زَمَنَكْ دَا.

تكوين 17:1

وَكِتْ أَبْرَامْ عِنْدَهْ 99 سَنَةْ، اللّٰهْ بَانْ لَيَّهْ وَ قَالْ: «أَنَا اللّٰهْ الْقَادِرْ. تَابِعْ كَلَامِي وَ أَبْقَى دَايْماً صَالِحْ.

فِلِبِّي 2:15

أَشَانْ تَبْقَوْا نَاسْ بَلَا خَطَا وَ بَرِيِّينْ وَ تِعِيشُوا مِثِلْ عِيَالْ اللّٰهْ بَلَا عَيْب فِي أُسُطْ النَّاسْ الْفَسْلِينْ وَ عُوُجْ هَنَا الدُّنْيَا دِي. وَ تَبْقَوْا فِي أُسُطْهُمْ نُورْ مِثِلْ النُّجُومْ فِي الْعَالَمْ الْأَضْلَمْ

أعمال الرُسُل 24:16

وَ أَشَانْ دَا، أَنَا نَعَصِرْ قَلْبِي أَشَانْ نِعِيشْ دَايْماً بِنِيَّةْ مُخْلِصَةْ قِدَّامْ اللّٰهْ وَ قِدَّامْ النَّاسْ.

1 مُلوك 9:4

وَ إِنْتَ، يَا سُلَيْمَانْ، كَنْ تِشِيلْ دَرْبِي مِثِلْ دَاوُدْ أَبُوكْ شَالَهْ بِنِيَّةْ مُخْلِصَةْ وَ التَّقْوَى وَ كَنْ تِسَوِّي كُلَّ شَيّءْ الْأَنَا أَمَرْتَكْ بَيَّهْ وَ تَحْفَضْ قَوَانِينِي وَ شُرُوطِي،

1 تَسَلونِيكِي 3:13

وَ خَلِّي الرَّبّ يِثَبِّتْ قُلُوبْكُو أَشَانْ تُكُونُوا صَالِحِينْ وَ بَلَا عَيْب قِدَّامْ أَبُونَا اللّٰهْ فِي الْيَوْم الرَّبِّنَا عِيسَى يَجِي فَوْقَهْ مَعَ جَمَاعْتَهْ الصَّالِحِينْ.

أيُّوب 1:1

فِيَّهْ رَاجِلْ وَاحِدْ أُسْمَهْ أَيُّوبْ الْقَاعِدْ فِي بَلَدْ عُوصْ. وَ الرَّاجِلْ دَا عَدِيلْ وَ صَالِحْ وَ خَايِفْ مِنْ اللّٰهْ وَ مُبَعِّدْ مِنْ الْفَسَالَةْ.

1 يُوحَنَّا 2:3

دَاهُو كِكَّيْف نِأَكُّدُوا كَدَرْ أَنِحْنَ نَعَرْفُوا اللّٰهْ. النَّادُمْ الْيِتَابِعْ وَصَايَا اللّٰهْ، هُو بَسْ يَعَرِفْ اللّٰهْ.

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

أيُّوب 1:8

وَ اللّٰهْ سَأَلَهْ لِإِبْلِيسْ وَ قَالْ لَيَّهْ: «إِنْتَ مَا شِفْت عَبْدِي أَيُّوبْ وَلَّا؟ مَا فِي نَادُمْ مِثْلَهْ فِي الْأَرْض. هُو نَادُمْ كَامِلْ وَ عَدِيلْ وَ خَايِفْ مِنِّي أَنَا الرَّبّ وَ مُبَعِّدْ مِنْ الْفَسَالَةْ.»

1 يُوحَنَّا 3:7

يَا عِيَالِي، مَا تِخَلُّوا نَادُمْ وَاحِدْ يُغُشُّكُو. النَّاسْ الْيِسَوُّوا عَمَلْ صَالِحْ، هُمَّنْ صَالِحِينْ مِثِلْ إِبْن اللّٰهْ هُو صَالِحْ.

1 يُوحَنَّا 2:29

عِرِفْتُوا إِبْن اللّٰهْ هُو صَالِحْ وَ أَشَانْ دَا، تَعَرْفُوا كَدَرْ كُلَّ النَّاسْ الْيِتَابُعُوا الْحَالْ الصَّالْحَةْ مِثْلَهْ، هُمَّنْ عِيَالْ اللّٰهْ.

كُلُوسِي 1:22

وَ لَاكِنْ هَسَّعْ، اللّٰهْ سَوَّى صُلُحْ مَعَاكُو بِوَاسِطَةْ إِبْنَهْ الْجَاءْ بِجِسِمْ إِنْسَانِي. وَ إِبْنَهْ مَاتْ لِيِسَوِّيكُو نَاسْ خَاصِّينْ وَ يِقَدِّمْكُو لِلّٰهْ بَلَا خَطَا وَ بَلَا عَيْب.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

1 كُرُنْتُس 11:2

وَ أَنَا فَرْحَانْ مِنْكُو أَشَانْ إِنْتُو قَاعِدِينْ تِفَكُّرُوا فَوْقِي وَ تِتَابُعُوا عَدِيلْ الْعَادَاتْ الْعَلَّمْتُهُمْ لَيْكُو.

أعمال الرُسُل 23:1

وَ بُولُسْ قَاعِدْ يِشِيفْ نَاسْ الْمَجْلَسْ عَدِيلْ فِي عُيُونْهُمْ وَ قَالْ: «يَا الْأَخْوَانْ، كُلَّ حَيَاتِي أَنَا عِشْتَهَا بِنِيَّةْ مُخْلِصَةْ قِدَّامْ اللّٰهْ.»

زَبُور 119:6

وَ بَيْدَا، عَيْب مَا يِسَوِّينِي وَكِتْ نِفَكِّرْ فِي قَوَانِينَكْ.

أيُّوب 9:2

أَكِيدْ، أَنَا نَعَرِفْ كَدَرْ دَا صَحِيحْ. كِكَّيْف بَنِي آدَم يُكُونْ صَالِحْ قِدَّامْ الرَّبّ؟

2 مُلوك 20:3

«يَا اللّٰهْ، فَكِّرْ فَوْقِي أَنَا التَّابَعْت دَرْبَكْ بِصِدِقْ وَ بِقَلِبْ مُخْلِصْ وَ سَوَّيْت كُلَّ شَيّءْ عَدِيلْ قِدَّامَكْ!» وَ حِزْقِيَّا بَكَى بَكِي شَدِيدْ.

تكوين 6:9

دَاهُو تَارِيخْ نُوحْ. نُوحْ هُو رَاجِلْ عَدِيلْ وَ صَالِحْ فِي أُسُطْ نَاسْ زَمَنَهْ. وَ قَاعِدْ يِتَابِعْ دَرِبْ الرَّبّ.

لُوقا 16:15

وَ هُو رَدَّ لَيْهُمْ وَ قَالْ: «إِنْتُو تِسَوُّوا نُفُوسْكُو صَالِحِينْ قِدَّامْ النَّاسْ وَ لَاكِنْ مَا تَقْدَرَوْا تُغُشُّوا اللّٰهْ وَ هُو يَعَرِفْ قُلُوبْكُو. أَيْوَى، الشَّيّءْ النَّاسْ يَشْكُرُوكُو فَوْقَهْ دَا، اللّٰهْ يَجْعَلَهْ حَرَامْ.

تَثْنِية 5:33

شِيلُوا دَايْماً دَرِبْ اللّٰهْ إِلٰـهْكُو الْأَمَرَاكُو بَيَّهْ. وَ بَيْدَا، تَحْيَوْا وَ عُمُرْكُو يَبْقَى طَوِيلْ وَ تِعِيشُوا عَدِيلْ فِي الْبَلَدْ التِّشِيلُوهَا وَرَثَةْ.

1 مُلوك 15:5

وَ أَشَانْ دَاوُدْ سَوَّى الْعَدِيلْ قِدَّامْ اللّٰهْ. وَ فِي كُلَّ مُدَّةْ حَيَاتَهْ، هُو مَا خَالَفْ أَمُرْ اللّٰهْ إِلَّا فِي مُشْكِلَةْ أُرِيَّا الْحِتِّي.

لُوقا 1:7

وَ لَاكِنْ مَا عِنْدُهُمْ عِيَالْ أَشَانْ أَلِصَابَاتْ عَاقْرَةْ وَ بَتَّانْ عَجَّزَتْ وَ رَاجِلْهَا كُلَ شَيَّبْ.

لُوقا 2:25

وَ فِيَّهْ رَاجِلْ وَاحِدْ فِي مَدِينَةْ الْقُدُسْ أُسْمَهْ سَمْعَانْ وَ هُو نَادُمْ صَالِحْ وَ تَقِي. وَ هُو قَاعِدْ يَرْجَى بِعَشَمْ السَّلَامْ الْيِرَسِّلَهْ اللّٰهْ لِبَنِي إِسْرَائِيلْ. وَ الرُّوحْ الْقُدُّوسْ قَاعِدْ فَوْقَهْ.

أعمال الرُسُل 2:25

وَ النَّبِي دَاوُدْ حَجَّى بَيَّهْ فِي الْكِتَابْ وَ قَالْ: <شِفْت اللّٰهْ دَايْماً قِدَّامِي. أَشَانْ هُو قَاعِدْ بِزَيْنَايْتِي، أَنَا مَا نِتَّرْتَعْ.

أعمال الرُسُل 8:21

إِنْتَ مَا تَقْدَرْ تِشَارِكْ فِي الْخِدْمَةْ دِي وَ لَا عِنْدَكْ حَقّ أَشَانْ قَلْبَكْ مَا مُخْلِصْ قِدَّامْ اللّٰهْ.

رَوْمَا 8:4

وَ اللّٰهْ سَوَّى مِثِلْ دَا أَشَانْ الْمَسِيحْ يِتِمّ شُرُوطْ التَّوْرَاةْ الْعَادِلِينْ فِينَا أَنِحْنَ الْعَايْشِينْ بِقُدْرَةْ الرُّوحْ الْقُدُّوسْ وَ مَا بِقُدْرَةْ الْإِنْسَانْ.

2 أخبار 17:4

وَ لَاكِنْ هُو تَابَعْ دَرِبْ اللّٰهْ رَبّ جُدُودَهْ وَ طَبَّقْ وَصِيَّاتَهْ وَ مَا سَوَّى مِثِلْ بَنِي إِسْرَائِيلْ سَوَّوْه.