لُوقا 1:2 - الكتاب المقدس بالعربي الدارجي هنا تشاد

² وَ قَمَّوْا يَكْتُبُوا الْكَلَامْ الْأَنِحْنَ لِقِينَاهْ مِنْ النَّاسْ الْهُمَّنْ شُهُودْ مِنْ الْبِدَايَةْ لِكَلَامْ اللّٰهْ وَ بِقَوْا خَدَّامِينَهْ.

لُوقا 1:2 Referenca të Kryqëzuara

يُوحَنَّا 15:27

وَ إِنْتُو كُلَ تَشْهَدَوْا لَيِّ أَشَانْ إِنْتُو قَاعِدِينْ مَعَايِ مِنْ الْبِدَايَةْ.»

أعمال الرُسُل 26:16

وَ هَسَّعْ قُمّ فَوْق وَ نِأَوْرِيكْ مَالَا أَنَا بَيَّنْت لَيْك نَفْسِي. أَنَا عَزَلْتَكْ أَشَانْ تَبْقَى لَيِّ خَدَّامْ وَ شَاهِدْ. تِحَجِّي لِلنَّاسْ بِالشَّيّءْ الْبَيَّنْتَهْ لَيْك وَ بِكُلَّ شَيّءْ النِّبَيِّنَهْ لَيْك بَعَدَيْن.

2 بُطْرُس 1:16

وَ الْكَلَامْ الْبَلَّغْنَاهْ لَيْكُو الْبُخُصّ قُدْرَةْ رَبِّنَا عِيسَى الْمَسِيحْ وَ جَيْتَهْ، دَا مَا حِجَيْ سَاكِتْ مِثِلْ الْحِجَيْ الطُّوَالْ الْيِحَجُّوهْ النَّاسْ. بِالْعَكْس، أَنِحْنَ شِفْنَا عَظَمَتَهْ بِعُيُونَّا وَ شَهَدْنَا لَيَّهْ.

عِبْرَانِيِّين 2:3

وَ كِكَّيْف أَنِحْنَ نَنْجَوْا كَنْ مَا نِتَابُعُوا عَدِيلْ كَلَامْ هَنَا النَّجَاةْ الْمُهِمَّةْ دِي؟ الْأَوَّلْ بَلَّغَاهَا، هُو رَبِّنَا. وَ الشُّهُودْ السِّمْعَوْا كَلَامَهْ أَكَّدَوْهَا لَيْنَا.

مَرْخُوس 1:1

دِي هِي بِشَارَةْ عِيسَى الْمَسِيحْ إِبْن اللّٰهْ. وَ الْبِشَارَةْ بَدَتْ

أعمال الرُسُل 1:3

بَعَدْ مَوْتَهْ، عِيسَى ثَبَّتْ لَيْهُمْ بِدَلَايِلْ كَتِيرِينْ كَدَرْ هُو حَيّ. وَ قَاعِدْ يِبِينْ لَيْهُمْ فِي مُدَّةْ أَرْبَعِينْ يَوْم وَ يِكَلِّمْ لَيْهُمْ بِمَمْلَكَةْ اللّٰهْ.

1 بُطْرُس 5:1

وَ نِدَوْر نِوَصِّي كُبَارَاتْ جَمَاعَةْ الْمُؤمِنِينْ الْمَعَاكُو. أَنَا كُلَ كَبِيرْ مِثِلْهُمْ. وَ أَنَا شَاهِدْ لِتَعَبْ الْمَسِيحْ وَ بَتَّانْ مُشَارِكْ فِي قُدْرَةْ الْمَسِيحْ الْمَجِيدَةْ التِّبِينْ قَرِيبْ.

أعمال الرُسُل 4:20

وَ أَنِحْنَ مَا نَقْدَرَوْا نَقْعُدُوا سَاكِتْ. وَاجِبْ نِحَجُّوا بِالشَّيّءْ الشِّفْنَاهْ وَ بِالْكَلَامْ السِّمِعْنَاهْ.»

لُوقا 24:48

وَ إِنْتُو شُهُودْ فِي كُلَّ الْكَلَامْ دَا.

1 كُرُنْتُس 4:1

وَ لَيِّ أَنَا وَ أَخْوَانِي، وَاجِبْ تَحْسُبُونَا خَدَّامِينْ الْمَسِيحْ مَسْؤُولِينْ مِنْ بَلِّغِينْ سِرّ اللّٰهْ الْأَوَّلْ النَّاسْ مَا عِرْفَوْه.

أعمال الرُسُل 1:8

وَ لَاكِنْ وَكِتْ الرُّوحْ الْقُدُّوسْ يَنْزِلْ فَوْقكُو، تَلْقَوْا قُدْرَةْ أَشَانْ تَشْهَدَوْا لَيِّ فِي مَدِينَةْ الْقُدُسْ وَ فِي كُلَّ دَارْ الْيَهُودِيَّةْ وَ فِي دَارْ السَّامِرَةْ وَ لَحَدِّي آخِرْ الْأَرْض.»

مَرْخُوس 4:14

فِي الْمَثَلْ دَا، الْحَرَّاتِي الْيِتَيْرِبْ، هُو النَّادُمْ الْيِبَلِّغْ كَلَامْ اللّٰهْ.

رَوْمَا 15:16

لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ.

مَرْخُوس 16:20

وَ تَلَامِيذَهْ مَشَوْا وَ بَلَّغَوْا الْبِشَارَةْ لِلنَّاسْ فِي أَيِّ بَكَانْ. وَ الرَّبّ عَاوَنَاهُمْ وَ أَنْطَاهُمْ عَجَايِبْ أَشَانْ يِثَبِّتْ الْبِشَارَةْ الْهُمَّنْ قَاعِدِينْ يِبَلُّغُوهَا. آمِينْ.

يُوحَنَّا 16:4

لَاكِنْ قُلْت لَيْكُو الْكَلَامْ دَا أَشَانْ وَكِتْ التَّعَبْ يَجِي فَوْقكُو، تِفَكُّرُوا وَ تَعَرْفُوا كَدَرْ أَنَا أَوْرَيْتكُو بَيَّهْ. وَ أَنَا مَا أَوْرَيْتكُو مِنْ الْبِدَايَةْ بِالتَّعَبْ الْيَجِيكُو أَشَانْ أَوَّلْ أَنَا قَاعِدْ مَعَاكُو.

أعمال الرُسُل 8:4

وَ الْمُؤمِنِينْ الشَّتَّوْا فِي أَيِّ بَكَانْ قَاعِدِينْ يِبَلُّغُوا الْبِشَارَةْ لِكُلَّ النَّاسْ.

أعمال الرُسُل 14:25

وَ بَلَّغَوْا الْبِشَارَةْ لِنَاسْ حِلَّةْ بَرْقَةْ وَ مَشَوْا قِدَّامْ لِحِلَّةْ أَتَّالِيَّةْ.

أعمال الرُسُل 16:6

وَ الرُّوحْ الْقُدُّوسْ مَا أَنْطَاهُمْ إِذِنْ يِبَلُّغُوا الْبِشَارَةْ فِي بَلَدْ آسِيَا. وَ خَطَرَوْا فِي فِرِقِيَّةْ وَ غَلَاطِيَةْ.

أعمال الرُسُل 17:11

وَ الْيَهُودْ الْفِي بِرِيَّةْ كَرِيمِينْ مِنْ الْيَهُودْ الْقَاعِدِينْ فِي تَسَلُونِيكِي. هُمَّنْ سِمْعَوْا كَلَامْ اللّٰهْ بِفَرْحَةْ وَ قَمَّوْا يَقْرُوا فِي الْكِتَابْ كُلَّ يَوْم أَشَانْ يَعَرْفُوا كَنْ تَعْلِيمْ هَنَا بُولُسْ صَحِيحْ وَلَّا مَا صَحِيحْ.