لُوقا 1:19 - الكتاب المقدس بالعربي الدارجي هنا تشاد

¹⁹ وَ الْمَلَكْ رَدَّ لَيَّهْ وَ قَالْ: «أَنَا جِبْرِيلْ الْوَاقِفْ قِدَّامْ اللّٰهْ لِنِسَوِّي الْهُو يِدَوْرَهْ. هُو رَسَّلَانِي أَشَانْ نِكَلِّمْ لَيْك وَ نِبَلِّغْ لَيْك الْبِشَارَةْ دِي.

لُوقا 1:19 Referenca të Kryqëzuara

لُوقا 1:26

وَ بَعَدْ سِتَّةْ شَهَرْ، اللّٰهْ رَسَّلْ الْمَلَكْ جِبْرِيلْ لِحِلَّةْ وَاحِدَةْ فِي دَارْ الْجَلِيلْ أُسُمْهَا النَّاصِرَةْ.

مَتَّى 18:10

«أَنْقَرْعُوا مَا تَحْقُرُوا أَيِّ وَاحِدْ مِنْ الصُّغَارْ دَوْل أَشَانْ نُقُولْ لَيْكُو مَلَائِكَتْهُمْ فِي السَّمَاءْ دَايْماً حَاضْرِينْ مَعَ أَبُويِ اللّٰهْ.

دَنْيال 8:16

وَ سِمِعْت حِسّ إِنْسَانْ يِنَادِي مِنْ عَلَيْ الْبَحَرْ أُولَايْ وَ قَالْ لِلنَّادُمْ الْوَاقِفْ قِدَّامِي دَا: «يَا جِبْرِيلْ، فَسِّرْ الرُّؤْيَةْ دِي لِلرَّاجِلْ دَا.»

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

لُوقا 2:10

وَ الْمَلَكْ حَجَّى لَيْهُمْ وَ قَالْ: «مَا تَخَافَوْا. أَسْمَعَوْا، نَنْطِيكُو خَبَرْ حَلُو هَنَا فَرْحَةْ كَبِيرَةْ التَّبْقَى لِكُلَّ النَّاسْ.

لُوقا 1:20

وَ هَسَّعْ، إِنْتَ تَبْقَى أَبْكَمْ وَ مَا تِحَجِّي لَحَدِّي كُلَّ شَيّءْ الْقُلْتَهْ لَيْك يِتِمّ. أَشَانْ إِنْتَ مَا صَدَّقْت بِكَلَامِي الْأَكِيدْ يَبْقَى فِي وَكْتَهْ.»

لُوقا 21:36

أَبْقَوْا دَايْماً وَاعِيِّينْ وَ أَسْأَلَوْا قُدْرَةْ مِنْ اللّٰهْ أَشَانْ تَنْجَوْا مِنْ كُلَّ الْأَشْيَاءْ الْيَبْقَوْا دَوْل وَ فِي الأَخِيرْ تَقِيفُوا قِدَّامْ إِبْن الْإِنْسَانْ.»