لُوقا 1:18 - الكتاب المقدس بالعربي الدارجي هنا تشاد

¹⁸ وَ زَكَرِيَّا حَجَّى لِلْمَلَكْ وَ قَالْ: «كِكَّيْف نَعَرِفْ دَا يَبْقَى؟ أَنَا شَايِبْ وَ مَرْتِي كُلَ عَجُوزْ.»

لُوقا 1:18 Referenca të Kryqëzuara

تكوين 17:17

وَ بَعَدْ دَا، إِبْرَاهِيمْ سَجَدْ قِدَّامْ اللّٰهْ وَ ضِحِكْ وَ قَالْ فِي قَلْبَهْ: «كِكَّيْف نَقْدَرْ نَلْدَ، أَنَا الْعِنْدِي 100 سَنَةْ؟ وَ كِكَّيْف سَارَةْ الْعِنْدَهَا 90 سَنَةْ تَقْدَرْ تَلْدَ؟»

لُوقا 1:34

وَ مَرْيَمْ قَالَتْ لِلْمَلَكْ جِبْرِيلْ: «كِكَّيْف دَا يَبْقَى؟ أَشَانْ أَنَا مَا شِفْت رَاجِلْ.»

2 مُلوك 7:2

وَ الْقَايِدْ الْمُرَافِقْ الْمَلِكْ حَجَّى لِنَبِي اللّٰهْ وَ قَالْ: «كَنْ اللّٰهْ يَفْتَحْ بِيبَانْ السَّمَاءْ كُلَ، هَلْ كَلَامَكْ الْقُلْتَهْ دَا يِلْحَقَّقْ؟» وَ أَلْيَسَعْ رَدَّ لَيَّهْ وَ قَالْ: «تِشِيفَهْ بِعَيْنَكْ وَ لَاكِنْ مَا تَاكُلْ مِنَّهْ!»

تكوين 15:8

وَ أَبْرَامْ قَالْ: «يَا اللّٰهْ رَبِّي، كِكَّيْف نَعَرِفْ كَدَرْ الْبَلَدْ دِي تَبْقَى لَيِّ وَرَثَةْ؟»

لُوقا 1:7

وَ لَاكِنْ مَا عِنْدُهُمْ عِيَالْ أَشَانْ أَلِصَابَاتْ عَاقْرَةْ وَ بَتَّانْ عَجَّزَتْ وَ رَاجِلْهَا كُلَ شَيَّبْ.

إشَعْيا 38:22

وَ فِي الْوَكِتْ دَا، حِزْقِيَّا قَالْ: «شُنُو الْعَلَامَةْ التِّوَصِّفْ لَيِّ كَدَرْ أَنَا نَمْشِي بَتَّانْ لِبَيْت اللّٰهْ؟»

تكوين 18:12

وَ مِنْ سِمْعَتْ الْكَلَامْ دَا، قَمَّتْ ضِحْكَتْ وَ قَالَتْ فِي قَلِبْهَا: «أَنَا بِقِيتْ عَجُوزْ وَ سِيدِي كُلَ بِقِي شَايِبْ، هَلْ بَتَّانْ عِنْدِي شَهْوَةْ وَلَّا؟»

رَوْمَا 4:19

إِبْرَاهِيمْ عِرِفْ فِي نَفْسَهْ كَدَرْ هُو بِقِي شَايِبْ وَ مَا عِنْدَهْ قُدْرَةْ لِلْوَالُودَةْ أَشَانْ عُمْرَهْ مِثِلْ مِيَةْ سَنَةْ. وَ مَرْتَهْ سَارَةْ كُلَ عَجُوزْ مَا عِنْدَهَا عَشَمْ فِي الْوَالُودَةْ. وَ لَاكِنْ إِيمَانْ إِبْرَاهِيمْ مَا نَقَصْ.