لُوقا 1:13 - الكتاب المقدس بالعربي الدارجي هنا تشاد

¹³ وَ الْمَلَكْ قَالْ لَيَّهْ: «يَا زَكَرِيَّا، مَا تَخَافْ. اللّٰهْ سِمِعْ دُعَاكْ. مَرْتَكْ أَلِصَابَاتْ تَلْدَ لَيْك وِلَيْد وَ سَمِّيهْ يَحْيَى.

لُوقا 1:13 Referenca të Kryqëzuara

أعمال الرُسُل 10:31

وَ قَالْ لَيِّ: ‹يَا كَرْنِيلِي، اللّٰهْ سِمِعْ صَلَاوَاتَكْ وَ فَكَّرْ فِي الصَّدَقَةْ الْإِنْتَ أَنْطَيْتهَا.

1 صَمُوِيل 2:21

وَ اللّٰهْ رَزَقَاهَا لِحِنَّةْ وَ وِلْدَتْ جَابَتْ أَوْلَادْ تَلَاتَةْ وَ بَنَاتْ إِتْنَيْن. وَ الْوِلَيْد صَمُوِيلْ قَاعِدْ يَكْبُرْ قِدَّامْ اللّٰهْ.

زَبُور 113:9

وَ يَنْطِي عِيَالْ لِلْعَاقْرَةْ وَ يِقَعِّدْهَا فِي أُسُطْ عِيَالْهَا بِفَرَحْ. الْحَمْدُ للّٰهْ!

تكوين 25:21

وَ إِسْحَاقْ شَحَدْ اللّٰهْ أَشَانْ مَرْتَهْ رِفْقَةْ عَاقْرَةْ وَ اللّٰهْ قِبِلْ سُؤَالَهْ وَ هِي بِقَتْ غَلْبَانَةْ.

لُوقا 2:21

وَ الصَّغِيرْ طَهَّرَوْه وَكِتْ عُمْرَهْ تَمَّ تَمَانَةْ يَوْم. وَ سَمَّوْه عِيسَى أَشَانْ دَا بَسْ الْأُسُمْ الْمَلَكْ أَنْطَاهْ لِأَمَّهْ قُبَّالْ مَا تَغْلَبْ بَيَّهْ.

زَبُور 118:21

يَا اللّٰهْ، أَنَا نَشْكُرَكْ أَشَانْ إِنْتَ رَدَّيْت لَيِّ وَ أَنْطَيْتنِي النَّجَاةْ.

تكوين 18:14

فِي شَيّءْ قَاسِي لَيِّ أَنَا اللّٰهْ وَلَّا؟ فِي السَّنَةْ الْجَايَةْ، فِي الْوَكِتْ الْمُحَدَّدْ، أَنَا نَجِي وَ نَلْقَى مَرْتَكْ سَارَةْ وِلْدَتْ لَيْك وِلَيْد.»

مَتَّى 14:27

وَ طَوَّالِي عِيسَى حَجَّى لَيْهُمْ وَ قَالْ: «شِدُّوا حَيْلكُو، دَا أَنَا بَسْ. مَا تَخَافَوْا!»

تكوين 17:19

لَاكِنْ الرَّبّ قَالْ لَيَّهْ: «لَا، مَا مِثِلْ كَيْ! مَرْتَكْ سَارَةْ تَلْدَ لَيْك وِلَيْد وَ تِسَمِّيهْ إِسْحَاقْ. وَ أَنَا نِثَبِّتْ مُعَاهَدَتِي الدَّايْمَةْ مَعَايَهْ وَ مَعَ ذُرِّيّتَهْ.

مَتَّى 28:5

وَ الْمَلَكْ كَلَّمْ لِلْعَوِينْ وَ قَالْ: «مَا تَخَافَنْ. أَنَا نَعَرِفْ إِنْتَنْ تِفَتِّشَنْ عِيسَى الْكَتَلَوْه فِي الصَّلِيبْ.

دَنْيال 10:12

وَ قَالْ لَيِّ: «يَا دَنْيَالْ، مَا تَخَافْ أَشَانْ مِنْ أَوَّلْ يَوْم إِنْتَ شِلْت نِيَّةْ لِتَفْهَمْ وَ مَسْكَنْت نَفْسَكْ قِدَّامْ إِلٰـهَكْ، هُو سِمِعْ كَلَامَكْ. وَ فِي سَبَبْ كَلَامَكْ دَا بَسْ أَنَا جِيتْ.

قُضياء 6:23

وَ اللّٰهْ قَالْ لَيَّهْ: «السَّلَامْ مَعَاكْ! مَا تَخَافْ، إِنْتَ مَا تُمُوتْ.»

تكوين 17:10

دِي هِي مُعَاهَدَتِي التِّطَبُّقُوهَا إِنْتَ وَ ذُرِّيّتَكْ. وَاجِبْ تِطَهُّرُوا كُلَّ دَكَرْ مِنْكُو.

لُوقا 1:30

وَ الْمَلَكْ جِبْرِيلْ قَالْ لَيْهَا: «يَا مَرْيَمْ، مَا تَخَافَيْ. اللّٰهْ أَنْطَاكِ نِعْمَةْ.

إشَعْيا 8:3

وَ أَنَا قَرَّبْت لِمَرْتِي النَّبِيَّةْ وَ هِي بِقَتْ غَلْبَانَةْ وَ وِلْدَتْ وِلَيْد. وَ اللّٰهْ قَالْ لَيِّ: «سَمِّي وِلَيْدَكْ مَهِيرْ شَلَالْ حَاشْ بَزْ (مَعَنَاتَهْ أَجْرِي لِلْغَنِيمَةْ وَ أَمْشِي عَجَلَةْ لِلنَّهِبْ).

هُوشَع 1:6

وَ مَرِةْ هُوشَعْ بَتَّانْ بِقَتْ غَلْبَانَةْ وَ وِلْدَتْ بِنَيَّةْ. وَ اللّٰهْ قَالْ لِهُوشَعْ: «سَمِّي بِنَيِّتَكْ مَا نَرْحَمْهَا أَشَانْ بَتَّانْ أَنَا مَا نَرْحَمْ بَنِي إِسْرَائِيلْ وَ مَا نَغْفِرْ لَيْهُمْ أَبَداً.

هُوشَع 1:4

وَ اللّٰهْ قَالْ لِهُوشَعْ: «سَمِّي وِلَيْدَكْ يَزْرَعِيلْ أَشَانْ بَعَدْ وَكِتْ شِيَّةْ، أَنَا نَطْلُبْ مِنْ ذُرِّيَّةْ يَاهُو الدَّمّ الْجِدُّهُمْ يَاهُو دَفَّقَهْ فِي وَادِي يَزْرَعِيلْ. وَ نُقُشّ مَمْلَكَةْ إِسْرَائِيلْ.

مَرْخُوس 16:6

وَ هُو قَالْ لَيْهِنْ: «مَا تِبَرْجِلَنْ. إِنْتَنْ قَاعِدَاتْ تِفَتِّشَنْ عِيسَى الْمِنْ النَّاصِرَةْ، الْكَتَلَوْه فِي الصَّلِيبْ. هُو بَعَثْ خَلَاصْ! هُو مَا فِيهْ هِنِي! شِيفَنْ الْبَكَانْ الْأَوَّلْ رَقَّدَوْه فَوْقَهْ.

مَتَّى 1:21

وَ هِي تَلْدَ وِلَيْد وَ إِنْتَ تِسَمِّيهْ عِيسَى أَشَانْ هُو بَسْ النَّادُمْ الْيِنَجِّي شَعَبَهْ مِنْ ذُنُوبْهُمْ.»

لُوقا 1:14

وَ فِي شَانْ الْوِلَيْد دَا، إِنْتَ تَبْقَى فَرْحَانْ وَ مَبْسُوطْ بِلْحَيْن وَ نَاسْ كَتِيرِينْ يَفْرَحَوْا بِوَالُودْتَهْ.