لُوقا 1:10 - الكتاب المقدس بالعربي الدارجي هنا تشاد

¹⁰ وَ نَاسْ كَتِيرِينْ لَامِّينْ بَرَّا وَ كُلُّهُمْ قَاعِدِينْ يِصَلُّوا فِي وَكِتْ هَنَا قَدِّمِينْ الْبَخُورْ.

لُوقا 1:10 Referenca të Kryqëzuara

لاوِيِّين 16:17

وَ نَادُمْ وَاحِدْ كُلَ مَا يُكُونْ فِي خَيْمَةْ الْإِجْتِمَاعْ وَكِتْ هَارُونْ يَدْخُلْ فِي الْبَكَانْ الْمُقَدَّسْ مَرَّةْ وَاحِدْ لِيِسَوِّي كَفَّارَةْ وَ لَحَدِّي يَمْرُقْ. وَ هُو يِسَوِّي كَفَّارَةْ لَيَّهْ هُو وَ لِعَايِلْتَهْ وَ لِكُلَّ مُجْتَمَعْ بَنِي إِسْرَائِيلْ.

رُؤية 8:3

وَ مَلَكْ آخَرْ جَاءْ وَ وَقَفْ قِدَّامْ الْمَدْبَحْ وَ شَايِلْ فِي إِيدَهْ مُخْبَرْ هَنَا دَهَبْ. وَ أَنْطَوْه بَخُورْ كَتِيرْ أَشَانْ يِقَدِّمَهْ لِلّٰهْ مَعَ صَلَاوَاتْ كُلَّ الصَّالِحِينْ وَ قَدَّمَهْ فِي الْمُخْبَرْ الدَّهْبِي الْقَاعِدْ قِدَّامْ الْعَرْش.

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

عَدد 7:50

وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.

زَبُور 141:2

خَلِّي صَلَاتِي تَبْقَى مِثِلْ بَخُورْ الْيِقَدُّمُوهْ لَيْك وَ إِيدَيْنِي الْمَرْفُوعِينْ لَيْك يَبْقَوْا مِثِلْ هَدِيَّةْ الْعَشِيَّةْ.

حِزْقِيال 46:3

وَ شَعَبْ الْبَلَدْ يَسْجُدُوا لِلّٰهْ فِي خَشُمْ الْبَابْ دَا فِي كُلِّ يَوْم سَبْت وَ أَوَّلْ يَوْم فِي كُلِّ شَهَرْ.