لاوِيِّين 9:2 - الكتاب المقدس بالعربي الدارجي هنا تشاد

² وَ قَالْ لِهَارُونْ: «شِيلْ عِجِلْ لِلضَّحِيَّةْ هَنَا كَفَّارَةْ الذَّنِبْ وَ كَبِشْ لِلضَّحِيَّةْ الْمُحَرَّقَةْ وَ هُمَّنْ الْإِتْنَيْن يُكُونُوا مَا عِنْدُهُمْ أَيِّ عَيْب. وَ قَدِّمْهُمْ قِدَّامْ اللّٰهْ.

لاوِيِّين 9:2 Referenca të Kryqëzuara

لاوِيِّين 4:3

«وَ كَنْ رَاجِلْ الدِّينْ الْمَسَحَوْه وَ دَرَّجَوْه سَوَّى ذَنِبْ وَ جَابَهْ لِكُلَّ الشَّعَبْ، هُو يِقَدِّمْ لِلّٰهْ تَوْر الْمَا عِنْدَهْ أَيِّ عَيْب فِي شَانْ الذَّنِبْ دَا. وَ دَا يَبْقَى ضَحِيَّةْ لِكَفَّارَةْ الذَّنِبْ.

عِبْرَانِيِّين 7:27

عِيسَى هُو مَا مِثِلْ كُبَارَاتْ رُجَالْ الدِّينْ الْآخَرِينْ دَوْل. مَا وَاجِبْ لَيَّهْ كُلَّ يَوْم يِقَدِّمْ ضَحِيَّةْ أَوَّلْ فِي شَانْ ذُنُوبَهْ هُو وَ بَعَدْ دَا، يِقَدِّمْ ضَحِيَّةْ فِي شَانْ ذُنُوبْ الشَّعَبْ. لَا. هُو قَدَّمْ ضَحِيَّةْ وَاحِدَةْ بَسْ وَ نِهَائِيَّةْ وَ دَا وَكِتْ قَدَّمْ نَفْسَهْ فِي الصَّلِيبْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

لاوِيِّين 8:18

وَ مُوسَى جَابْ الْكَبِشْ هَنَا الضَّحِيَّةْ الْمُحَرَّقَةْ وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ الْكَبِشْ دَا.

لاوِيِّين 8:14

وَ جَابْ تَوْر لِضَحِيَّةْ كَفَّارَةْ الذَّنِبْ وَ هَارُونْ وَ أَوْلَادَهْ خَطَّوْا إِيدَيْهُمْ فِي رَاسْ التَّوْر دَا.

خُروج 29:1

«‹دَاهُو كِكَّيْف تِسَوِّي لِتِخَصِّصْ هَارُونْ وَ أَوْلَادَهْ لِيَبْقَوْا لَيِّ رُجَالْ دِينْ. شِيلْ تَوْر وَ كُبْشَانْ إِتْنَيْن الْمَا عِنْدُهُمْ أَيِّ عَيْب.

عِبْرَانِيِّين 5:3

أَشَانْ دَا، لَابُدَّ هُو يِقَدِّمْ لِلّٰهْ ضَحِيَّةْ لِذُنُوبَهْ هُو وَ لِذُنُوبْ الشَّعَبْ كُلَ.

لاوِيِّين 9:3

وَ بَعَدْ دَا، قُولْ الْكَلَامْ دَا لِبَنِي إِسْرَائِيلْ: ‹شِيلُوا تَيْس لِلضَّحِيَّةْ هَنَا كَفَّارَةْ الذَّنِبْ وَ عِجِلْ وَ خَرُوفْ أَوْلَادْ سَنَةْ وَ هُمَّنْ الْإِتْنَيْن يُكُونُوا مَا عِنْدُهُمْ أَيِّ عَيْب. وَ قَدُّمُوهُمْ ضَحِيَّةْ مُحَرَّقَةْ.

حِزْقِيال 29:1

وَ فِي يَوْم 12 هَنَا الشَّهَرْ الْعَاشِرْ فِي السَّنَةْ الْعَاشِرْ مِنْ وَدَّوْنَا فِي الْغُرْبَةْ، اللّٰهْ حَجَّى لَيِّ وَ قَالْ:

لاوِيِّين 1:3

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْبَقَرْ، وَاجِبْ يِقَدِّمْ تَوْر الْمَا عِنْدَهْ أَيِّ عَيْب. جِيبَهْ فِي مَدَخَلْ خَيْمَةْ الْإِجْتِمَاعْ أَشَانْ اللّٰهْ يَرْضَى بِالتَّوْر دَا.

لاوِيِّين 1:10

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْغَنَمْ أَوْ الْعِنْزَيْ، هُو يِقَدِّمْ تَيْس أَوْ كَبِشْ الْمَا عِنْدَهْ أَيِّ عَيْب.

لاوِيِّين 16:3

وَ دَاهُو الْوَاجِبْ لِهَارُونْ وَكِتْ يَدْخُلْ فِي الْبَكَانْ الْمُقَدَّسْ مَرَّةْ وَاحِدْ. هُو يِشِيلْ تَوْر ضَحِيَّةْ لِكَفَّارَةْ الذَّنِبْ وَ كَبِشْ لِلضَّحِيَّةْ الْمُحَرَّقَةْ.

لاوِيِّين 16:5

وَ هُو يَلْقَى مِنْ مُجْتَمَعْ بَنِي إِسْرَائِيلْ إِتْنَيْن تُيُوسْ ضَحِيَّةْ لِكَفَّارَةْ الذَّنِبْ وَ وَاحِدْ كَبِشْ لِلضَّحِيَّةْ الْمُحَرَّقَةْ.