لاوِيِّين 8:7 - الكتاب المقدس بالعربي الدارجي هنا تشاد

⁷ وَ لَبَّسْ الْخَلَقْ لِهَارُونْ وَ حَزَّمَهْ بِالْحِزَامْ وَ لَبَّسَهْ الْجَلَّابِيَّةْ وَ الْفَرْمَلَةْ وَ هُو شَالْ حِزَامْ الْفَرْمَلَةْ وَ حَزَّمَهْ بَيَّهْ.

لاوِيِّين 8:7 Referenca të Kryqëzuara

خُروج 28:4

الْخُلْقَانْ الْيِسَوُّوهُمْ هُمَّنْ الصِّدَيْرِيَّةْ وَ الْفَرْمَلَةْ وَ الْجَلَّابِيَّةْ وَ الْجَوَّانِيَّةْ وَ الْكَدْمُولْ وَ الْحِزَامْ. يِسَوُّوا خُلْقَانْ خَاصِّينْ لِهَارُونْ أَخُوكْ وَ لِعِيَالَهْ لِيَبْقَوْا لَيِّ رُجَالْ دِينْ.

غَلاطِية 3:27

كُلُّكُو أَشْتَرَكْتُوا مَعَ الْمَسِيحْ وَ بِالْغَطِّسِينْ، إِنْتُو أَنْرَبَطْتُوا مَعَايَهْ.

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

رَوْمَا 3:22

اللّٰهْ يَجْعَلْ النَّاسْ صَالِحِينْ قِدَّامَهْ بِالْإِيمَانْ بِعِيسَى الْمَسِيحْ. وَ يِسَوِّي نَفْس الشَّيّءْ لِكُلَّ النَّاسْ الْيِآمُنُوا. كُلَّ النَّاسْ سَوَا سَوَا

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

خُروج 29:5

وَ شِيلْ الْخُلْقَانْ وَ لَبِّسْ هَارُونْ الْجَوَّانِيَّةْ وَ الْجَلَّابِيَّةْ وَ الْفَرْمَلَةْ وَ الصِّدَيْرِيَّةْ. وَ أَرْبُطْ الْفَرْمَلَةْ بِالْحِزَامْ.

خُروج 28:2

وَ عَدِّلْ لِأَخُوكْ هَارُونْ خُلْقَانْ خَاصِّينْ الْيَنْطُوهْ شَرَفْ وَ إِحْتِرَامْ.

خُروج 28:6

«‹الْفَرْمَلَةْ يِسَوُّوهَا بِقُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلَةْ بِدَهَبْ. وَ دَا بِخِيَاطَةْ خَيَّاطِي مَعْرُوفْ.

1 صَمُوِيل 2:28

وَ أَنَا عَزَلْتُهُمْ مِنْ كُلَّ قَبَايِلْ بَنِي إِسْرَائِيلْ أَشَانْ يَبْقَوْا رُجَالْ الدِّينْ. وَ يِحَرُّقُوا الْبَخُورْ فِي مَدْبَحِي وَ يَلْبَسَوْا قِدَّامِي خَلَقْ هَنَا رُجَالْ الدِّينْ. وَ بَتَّانْ أَنَا أَنْطَيْتهُمْ عَايِلَةْ هَارُونْ قِسِمْ مِنْ كُلَّ الضَّحَايَا مُحَرَّقِينْ الْيِحَرُّقُوهُمْ بَنِي إِسْرَائِيلْ.

حِزْقِيال 42:14

وَ وَكِتْ رُجَالْ الدِّينْ يَمُرْقُوا مِنْ الْبَكَانْ الْمُقَدَّسْ، مَا يَمُرْقُوا طَوَّالِي عَلَيْ الْفَضَايْ الْبَرَّانِيَّةْ. وَاجِبْ هُمَّنْ يَمْشُوا فِي الْغُرَفْ دَوْل وَ يِسِلُّوا خُلْقَانْهُمْ هَنَا الْخِدْمَةْ وَ يُضُمُّوهُمْ هِنَاكْ أَشَانْ الْخُلْقَانْ دَوْل مُخَصَّصِينْ. وَ هُمَّنْ يَلْبَسَوْا خُلْقَانْ الْعَادِيِّينْ وَ بَعَدْ دَا، يَقْدَرَوْا يِقَرُّبُوا لِلْبَكَانَاتْ الْقَاعِدِينْ فَوْقهُمْ الشَّعَبْ.»