لاوِيِّين 7:9 - الكتاب المقدس بالعربي الدارجي هنا تشاد

⁹ وَ أَيِّ هَدِيَّةْ هَنَا دَقِيقْ النَّجَّضَوْهَا فِي فُرُنْ أَوْ فِي طَهْوَةْ أَوْ فِي سَاجَةْ تَبْقَى هِنْت رَاجِلْ الدِّينْ الْيِقَدِّمْهَا.

لاوِيِّين 7:9 Referenca të Kryqëzuara

غَلاطِية 6:6

كَنْ نَادُمْ قَاعِدْ يِعَلِّمْكُو كَلَامْ اللّٰهْ، وَاجِبْ تَنْطُوهْ مِنْ الْمَالْ الْعِنْدُكُو.

حِزْقِيال 44:29

وَ هُمَّنْ يَاكُلُوا الْهَدَايَا وَ الضَّحَايَا لِكَفَّارَةْ الذَّنِبْ وَ الضَّحَايَا لِكَفَّارَةْ الْخَطَا. وَ كُلَّ شَيّءْ الْيِخَصُّصُوهْ لَيِّ بَنِي إِسْرَائِيلْ، أَنَا نَنْطِيهْ لَيْهُمْ.

عَدد 18:9

وَ دَاهُو حَقَّكْ التَّلْقَاهْ مِنْ الْهَدَايَا الْمُقَدَّسِينْ الْمَا مُحَرَّقِينْ مِثِلْ كُلَّ الْهَدَايَا هَنَا الدَّقِيقْ وَ كُلَّ ضَحَايَا لِكَفَّارَةْ الذَّنِبْ وَ الضَّحَايَا لِكَفَّارَةْ الْخَطَا الْيِقَدُّمُوهُمْ لَيِّ أَنَا. كُلَّ الْهَدَايَا الْمُقَدَّسِينْ دَوْل، أَنَا نَنْطِيهُمْ لَيْك إِنْتَ وَ أَوْلَادَكْ.

لاوِيِّين 2:10

وَ الْيِفَضِّلْ مِنْ الْهَدِيَّةْ هَنَا الدَّقِيقْ يُكُونْ لِهَارُونْ وَ لِذُرِّيّتَهْ. وَ دَا حَقّ مُقَدَّسْ مَرَّةْ وَاحِدْ الْيِفَضِّلْ مِنْ الْهَدَايَا الْمُحَرَّقِينْ لِلّٰهْ.

1 كُرُنْتُس 9:13

أَكِيدْ، تَعَرْفُوا كَدَرْ النَّاسْ الْيَخْدُمُوا فِي بَيْت الْعِبَادَةْ يَلْقَوْا مَعَاشْهُمْ مِنْ بَيْت الْعِبَادَةْ وَ النَّاسْ الْيِقَدُّمُوا ضَحَايَا فِي الْمَدْبَحْ يَاكُلُوا مِنْ اللَّحَمْ.

1 كُرُنْتُس 9:7

وَيْن الْعَسْكَرِي الْيِكَفِّي نَفْسَهْ؟ وَيْن النَّادُمْ الْيِمَقِّنْ جِنَيْنَةْ هَنَا عِنَبْ وَ مَا يَاكُلْ مِنْ فَوَاكِهَّا؟ وَيْن الرَّاعِي الْيَسْرَحْ بِالْغَنَمْ وَ مَا يَشْرَبْ لَبَنْهُمْ؟

لاوِيِّين 5:13

وَ بِمِثِلْ دَا، رَاجِلْ الدِّينْ يِسَوِّي لِلرَّاجِلْ دَا كَفَّارَةْ لِلذَّنِبْ الْهُو سَوَّاهْ مِنْ الْحَالَاتْ دَوْل. وَ هُو يَلْقَى الْغُفْرَانْ. وَ الْفَضَّلْ يُكُونْ لِرَاجِلْ الدِّينْ مِثِلْ هَدِيَّةْ هَنَا دَقِيقْ.»

لاوِيِّين 7:8

وَ كَنْ رَاجِلْ دِينْ يِقَدِّمْ ضَحِيَّةْ مُحَرَّقَةْ هَنَا نَادُمْ آخَرْ، الْفَرْوَةْ هَنَا الضَّحِيَّةْ الْمُحَرَّقَةْ دِي تَبْقَى هِنْت رَاجِلْ الدِّينْ.

لاوِيِّين 7:10

وَ لَاكِنْ أَيِّ هَدِيَّةْ هَنَا دَقِيقْ مُخَلْبَطَةْ بِدِهِنْ أَوْ جَافَّةْ تَبْقَى هِنْت ذُرِّيَّةْ هَارُونْ بَلَا تَفْرِقَةْ.

2 مُلوك 12:17

وَ يَوْم وَاحِدْ، حَزَيِيلْ مَلِكْ بَلَدْ أَرَامْ جَاءْ هَجَمْ حِلَّةْ قَاتْ وَ شَالْهَا. وَ حَزَيِيلْ شَالْ نِيَّةْ لِيَمْشِي يَهْجِمْ مَدِينَةْ الْقُدُسْ كُلَ.