لاوِيِّين 7:12 - الكتاب المقدس بالعربي الدارجي هنا تشاد

¹² وَ كَنْ نَادُمْ يِقَدِّمْ ضَحِيَّةْ شُكُرْ، خَلِّي يِقَدِّمْ مَعَاهَا كَعَكْ بَلَا تَوَّارَةْ مُخَلْبَطْ بِدِهِنْ وَ كِسَارْ بَلَا تَوَّارَةْ مَمْسُوحْ بِدِهِنْ وَ كَعَكْ هَنَا دَقِيقْ الْمُعَجَّنْ بِدِهِنْ.

لاوِيِّين 7:12 Referenca të Kryqëzuara

عَدد 6:15

وَ قُفَّةْ الْعِنْدَهَا كَعَكْ السَّوَّوْه بِدَقِيقْ بَلَا تَوَّارَةْ مُخَلْبَطْ بِدِهِنْ وَ كِسَارْ مَمْسُوحْ بِدِهِنْ وَ هَدَايَا آخَرِينْ الْوَاحِدْ هَنَا دَقِيقْ وَ الْآخَرْ هَنَا شَرَابْ.

لاوِيِّين 2:4

وَ كَنْ نَادُمْ يِقَدِّمْ هَدِيَّةْ هَنَا دَقِيقْ وَ كَنْ الْهَدِيَّةْ دِي نَجَّضَوْهَا فِي فُرُنْ، خَلِّي تُكُونْ مِنْ أَحْسَنْ دَقِيقْ وَ تُكُونْ كَعَكْ بَلَا تَوَّارَةْ مُخَلْبَطْ بِدِهِنْ أَوْ كِسَارْ بَلَا تَوَّارَةْ مَمْسُوحْ بِدِهِنْ.

1 بُطْرُس 2:5

وَ إِنْتُو كُلَ مِثِلْ حُجَارْ الْحَيِّينْ الْاللّٰهْ قَاعِدْ يَبْنِي بَيْكُو بَيْت هَنَا رُوحَهْ. وَ إِنْتُو رُجَالْ دِينْ خَاصِّيْن وَ قَاعِدِينْ تِقَدُّمُوا لِلّٰهْ ضَحَايَا بِإِذِنْ الرُّوحْ الْقُدُّوسْ الْاللّٰهْ يَرْضَى بَيْهُمْ بِوَاسِطَةْ عِيسَى الْمَسِيحْ.

عِبْرَانِيِّين 13:15

فِي بَدَلْ الضَّحِيَّةْ هَنَا الْبَهَايِمْ، خَلِّي نَعَبُدُوا اللّٰهْ بِدَرِبْ عِيسَى وَ نِقَدُّمُوا لِلّٰهْ دَايْماً ضَحِيَّةْ شُكُرْ. وَ دَا مَعَنَاتَهْ الشُّكُرْ الْجَايِ مِنْ النَّاسْ الْيَعَرْفُوا أُسُمْ اللّٰهْ.

أفَسُس 5:20

أَشْكُرُوا اللّٰهْ أَبُونَا فِي كُلَّ وَكِتْ وَ فِي كُلَّ شَيّءْ بِأُسُمْ رَبِّنَا عِيسَى الْمَسِيحْ.

رَوْمَا 1:21

هُمَّنْ عِرْفَوْا اللّٰهْ قَاعِدْ وَ لَاكِنْ مَا مَجَّدَوْه وَ مَا شَكَرَوْه مِثِلْ وَاجِبْ لَيَّهْ. بِالْعَكْس، فِكِرْهُمْ وَدَّرْ مَرَّةْ وَاحِدْ وَ خَلَّوْا الضَّلَامْ دَخَلْ فِي قُلُوبْهُمْ الْمَا عِنْدُهُمْ فِهِمْ.

لُوقا 17:18

مَا فِي نَادُمْ آخَرْ الْيِدَوْر يَشْكُرْ اللّٰهْ، إِلَّا الْأَجْنَبِي دَا وَلَّا؟»

لُوقا 17:16

وَ سَجَدْ قِدَّامْ عِيسَى وَ شَكَرَهْ. وَ النَّادُمْ الْقَبَّلْ دَا، هُو سَامِرِي.

هُوشَع 14:2

جَهُّزُوا كَلَامْكُو وَ قَبُّلُوا لِلّٰهْ قُولُوا: «أَغْفِرْ كُلَّ خَطَانَا وَ فِي بَدَلْ ضَحَايَا التِّيرَانْ، أَقْبَلْ كَلَامْ خُشُومْنَا.

زَبُور 116:17

أَنَا نَدْبَحْ لَيْك ضَحِيَّةْ شُكُرْ وَ نِنَادِي بِأُسْمَكْ، يَا اللّٰهْ.

زَبُور 107:8

خَلِّي يَشْكُرُوا اللّٰهْ فِي شَانْ رَحْمَتَهْ وَ عَجَايْبَهْ السَّوَّاهُمْ لِلْإِنْسَانْ.

إرْمِيا 33:11

الزَّغْرَاطْ وَ الرَّقْرَاقْ وَ غِنَيْ الْعُرْسَانْ وَ غِنَيْ الشُّكُرْ. وَ يِقَدُّمُوا ضَحَايَا شُكُرْ فِي بَيْت اللّٰهْ وَ يُقُولُوا: ‹أَشْكُرُوا اللّٰهْ الْقَادِرْ أَشَانْ هُو عَدِيلْ وَ رَحْمَتَهْ دَايْمَةْ إِلَى الْأَبَدْ.› أَشَانْ أَنَا نِقَبِّلْ النَّاسْ الْوَدَّوْهُمْ فِي الْغُرْبَةْ وَ نِثَبِّتْهُمْ فِي أَرْضُهُمْ مِثِلْ زَمَانْ.» وَ دَا، اللّٰهْ بَسْ قَالَهْ.

زَبُور 50:23

الْيِقَدِّمْ ضَحِيَّةْ الشُّكُرْ يِمَجِّدْنِي وَ الْيِفَكِّرْ فِي دَرْبَهْ، نِشَوِّفَهْ نَجَاتِي أَنَا الرَّبّ.

نَحَمْيا 12:43

فِي الْيَوْم دَا، دَبَحَوْا ضَحَايَا كَتِيرِينْ وَ فِرْحَوْا أَشَانْ الرَّبّ فَرَّحَاهُمْ زِيَادَةْ. وَ الْعَوِينْ وَ الْعِيَالْ كُلَ فِرْحَوْا وَ النَّاسْ قَاعِدِينْ يَسْمَعَوْا فَرْحَةْ مَدِينَةْ الْقُدُسْ مِنْ بَعِيدْ.

2 أخبار 33:16

وَ هُو عَدَّلْ مَدْبَحْ اللّٰهْ وَ قَدَّمْ فَوْقَهْ ضَحَايَا سَلَامَةْ وَ ضَحَايَا شُكُرْ. وَ أَمَرْ نَاسْ بَلَدْ يَهُوذَا خَلِّي يَعَبُدُوا اللّٰهْ إِلٰـهْ بَنِي إِسْرَائِيلْ.

2 أخبار 29:31

وَ حِزْقِيَّا حَجَّى بَتَّانْ وَ قَالْ: «هَسَّعْ دَا، إِنْتُو الْجِبْتُوا ضَحَايَا لِلّٰهْ، قَرُّبُوا وَ جِيبُوا ضَحَايَاكُو هَنَا الشُّكُرْ وَ ضَحَايَاكُو الْآخَرِينْ وَ قَدُّمُوهُمْ فِي بَيْت اللّٰهْ.» وَ خَلَاصْ، كُلَّ الشَّعَبْ جَابَوْا ضَحَايَاهُمْ هَنَا الشُّكُرْ وَ ضَحَايَاهُمْ الْآخَرِينْ. وَ كُلَّ النَّاسْ الْقُلُوبْهُمْ كَرِيمِينْ قَدَّمَوْا ضَحَايَاهُمْ الْمُحَرَّقِينْ كُلَ.

لاوِيِّين 22:29

وَ كَنْ تَدْبَحَوْا ضَحِيَّةْ شُكُرْ لِلّٰهْ، أَدْبَحَوْهَا بِطَرِيقَةْ الْيَرْضَى بَيْهَا.

لاوِيِّين 7:15

وَ كَنْ لِلَحَمْ ضَحِيَّةْ السَّلَامَةْ وَ ضَحِيَّةْ الشُّكُرْ، يَاكُلُوهْ فِي نَفْس الْيَوْم الْيِقَدُّمُوهْ فَوْقَهْ وَ مَا يِفَضُّلُوا مِنَّهْ شَيّءْ لِأَمْبَاكِرْ.

لاوِيِّين 6:16

وَ هَارُونْ وَ ذُرِّيّتَهْ يَاكُلُوا الْفَضَّلْ مِنْ الْهَدِيَّةْ. وَ هُمَّنْ يَاكُلُوهْ بَلَا تَوَّارَةْ فِي بَكَانْ مُقَدَّسْ. وَ يَاكُلُوهْ فِي الْفَضَايْ هَنَا خَيْمَةْ الْإِجْتِمَاعْ.

لاوِيِّين 2:5

وَ كَنْ هَدِيّتَهْ دِي مُنَجَّضَةْ فِي سَاجَةْ، خَلِّي تُكُونْ مِنْ دَقِيقْ مُخَلْبَطْ بِدِهِنْ وَ بَلَا تَوَّارَةْ.

عَمُوس 4:5

وَ حَرُّقُوا خُبْزَةْ بَلَا تَوَّارَةْ هَدِيَّةْ شُكُرْ وَ فَاشُرُوا بِالْهَدَايَا التِّقَدُّمُوهُمْ لِلّٰهْ بِنِيِّتْكُو. وَ دَا بَسْ الشَّيّءْ الْيَعَجِبْكُو إِنْتُو، يَا بَنِي إِسْرَائِيلْ.» وَ دَا كَلَامْ اللّٰهْ الرَّبّ.