لاوِيِّين 7:11 - الكتاب المقدس بالعربي الدارجي هنا تشاد

¹¹ دَاهُو الْقَانُونْ الْبُخُصّ ضَحِيَّةْ السَّلَامَةْ الْيِقَدُّمُوهَا لِلّٰهْ.

لاوِيِّين 7:11 Referenca të Kryqëzuara

حِزْقِيال 45:15

وَ مِنْ الْمَرْعَى الْجَمِيلْ هَنَا بَلَدْ إِسْرَائِيلْ، تَنْطُوا خَرُوفْ وَاحِدْ مِنْ أَيِّ دَوْر هَنَا 200 غَنَمْ. «وَ الزَّكَاةْ دِي تَبْقَى هَدَايَا وَ ضَحَايَا مُحَرَّقِينْ وَ ضَحَايَا سَلَامَةْ الْيَبْقَوْا كَفَّارَةْ لِلشَّعَبْ. وَ دَا كَلَامْ اللّٰهْ الرَّبّ.

لاوِيِّين 7:10

وَ لَاكِنْ أَيِّ هَدِيَّةْ هَنَا دَقِيقْ مُخَلْبَطَةْ بِدِهِنْ أَوْ جَافَّةْ تَبْقَى هِنْت ذُرِّيَّةْ هَارُونْ بَلَا تَفْرِقَةْ.

عَدد 7:23

وَ لِضَحِيَّةْ السَّلَامَةْ كَمَانْ فِي تِيرَانْ إِتْنَيْن وَ خَمْسَةْ كَبِشْ وَ خَمْسَةْ تَيْس وَ خَمْسَةْ خَرُوفْ أَيِّ وَاحِدْ وَلْد سَنَةْ. وَ دِي الْهَدِيَّةْ الْقَدَّمَاهَا نَتَنِيلْ وِلَيْد صُوعَرْ.

2 أخبار 33:16

وَ هُو عَدَّلْ مَدْبَحْ اللّٰهْ وَ قَدَّمْ فَوْقَهْ ضَحَايَا سَلَامَةْ وَ ضَحَايَا شُكُرْ. وَ أَمَرْ نَاسْ بَلَدْ يَهُوذَا خَلِّي يَعَبُدُوا اللّٰهْ إِلٰـهْ بَنِي إِسْرَائِيلْ.

أمْثال 7:14

«تَعَالْ، عِنْدِي لَحَمْ فِي الْبَيْت أَشَانْ الْيَوْم، دَبَحْت ضَحِيَّةْ السَّلَامَةْ الْعَاهَدْت بَيْهَا اللّٰهْ.

عَمُوس 5:22

حَتَّى كَانْ قَدَّمْتُوا لَيِّ ضَحَايَا مُحَرَّقِينْ وَ هَدَايَا هَنَا دَقِيقْ كُلَ، مَا نَقْبَلْهُمْ. وَ كَنْ قَدَّمْتُوا لَيِّ ضَحَايَا سَلَامَةْ مِنْ عَجَّالْكُو السُّمَانْ كُلَ، مَا نَجْعَلْهُمْ.

لاوِيِّين 7:29

حَجِّي لِبَنِي إِسْرَائِيلْ وَ قُولْ لَيْهُمْ: «كَنْ نَادُمْ يِقَدِّمْ ضَحِيَّةْ سَلَامَةْ لِلّٰهْ، وَاجِبْ يِجِيبْ لِلّٰهْ قِسِمْ مِنْ ضَحِيّتَهْ هَنَا السَّلَامَةْ.

لاوِيِّين 19:6

الضَّحِيَّةْ دِي تَاكُلُوهَا فِي الْيَوْم الْقَدَّمْتُوهَا فَوْقَهْ أَوْ أَمْبَاكِرْ. وَ الْيِفَضِّلْ مِنْهَا لَحَدِّي الْيَوْم التَّالِتْ، يِحَرُّقُوهْ فِي النَّارْ.

لاوِيِّين 22:29

وَ كَنْ تَدْبَحَوْا ضَحِيَّةْ شُكُرْ لِلّٰهْ، أَدْبَحَوْهَا بِطَرِيقَةْ الْيَرْضَى بَيْهَا.

2 أخبار 29:31

وَ حِزْقِيَّا حَجَّى بَتَّانْ وَ قَالْ: «هَسَّعْ دَا، إِنْتُو الْجِبْتُوا ضَحَايَا لِلّٰهْ، قَرُّبُوا وَ جِيبُوا ضَحَايَاكُو هَنَا الشُّكُرْ وَ ضَحَايَاكُو الْآخَرِينْ وَ قَدُّمُوهُمْ فِي بَيْت اللّٰهْ.» وَ خَلَاصْ، كُلَّ الشَّعَبْ جَابَوْا ضَحَايَاهُمْ هَنَا الشُّكُرْ وَ ضَحَايَاهُمْ الْآخَرِينْ. وَ كُلَّ النَّاسْ الْقُلُوبْهُمْ كَرِيمِينْ قَدَّمَوْا ضَحَايَاهُمْ الْمُحَرَّقِينْ كُلَ.