لاوِيِّين 5:7 - الكتاب المقدس بالعربي الدارجي هنا تشاد

⁷ «وَ كَنْ نَادُمْ مَا يَقْدَرْ يَلْقَى خَرُوفْ، هُو يَقْدَرْ يِقَدِّمْ ضَحِيَّةْ لِلّٰهْ لِلذَّنِبْ الْهُو سَوَّاهْ إِتْنَيْن قِمْرِيْ أَوْ إِتْنَيْن حَمَامْ، وَاحِدَةْ لِضَحِيَّةْ كَفَّارَةْ الْخَطَا وَ الْآخَرَةْ لِلضَّحِيَّةْ الْمُحَرَّقَةْ.

لاوِيِّين 5:7 Referenca të Kryqëzuara

لاوِيِّين 12:8

«وَ كَنْ هِي مَا تَقْدَرْ تَلْقَى خَرُوفْ، هِي تِشِيلْ قِمْرِيْ إِتْنَيْن أَوْ حَمَامْ إِتْنَيْن. وَاحِدْ تِقَدِّمَهْ لِلضَّحِيَّةْ الْمُحَرَّقَةْ وَ الْآخَرْ لِلضَّحِيَّةْ هَنَا كَفَّارَةْ الذَّنِبْ. وَ رَاجِلْ الدِّينْ يِسَوِّي لَيْهَا كَفَّارَةْ وَ هِي تَبْقَى طَاهِرَةْ.»

مَتَّى 10:16

«أَسْمَعَوْا! نِرَسِّلْكُو فِي أُسْط النَّاسْ وَ تَبْقَوْا مِثِلْ غَنَمْ فِي أُسْط الْمَرَافْعِينْ. أَشَانْ دَا، وَاجِبْ تَبْقَوْا حَضِيرِينْ مِثِلْ الدَّابِي وَ بَرِيِّينْ مِثِلْ الْحَمَامَةْ.

2 كُرُنْتُس 8:12

كَنْ نِيِّتْكُو عَدِيلَةْ، اللّٰهْ يَرْضَى بِالشَّيّءْ التَّنْطُوهْ. الْمَا فِي مَا بِنْلَقِي. هُو يِدَوْر إِنْتُو تَنْطُوا مِنْ الْمَالْ الْعِنْدُكُو بَسْ.

مَتَّى 3:16

وَ وَكِتْ غَطَّسَهْ خَلَاصْ، عِيسَى قَمَّ مِنْ الْأَلْمِي وَ طَوَّالِي السَّمَاوَاتْ أَنْفَتَحَوْا وَ شَافْ رُوحْ اللّٰهْ جَايِ مِنْ السَّمَاءْ وَ نَزَلْ فَوْقَهْ مِثِلْ حَمَامَةْ.

لاوِيِّين 14:31

وَ مِنْ الشَّيّءْ الْقِدِرْ لِقِيهْ، هُو يِقَدِّمَهْ، وَاحِدَةْ لِلضَّحِيَّةْ لِكَفَّارَةْ الذَّنِبْ وَ الْآخَرَةْ لِلضَّحِيَّةْ الْمُحَرَّقَةْ وَ مَعَاهُمْ الْهَدِيَّةْ هَنَا الدَّقِيقْ. وَ رَاجِلْ الدِّينْ يِسَوِّي لِلنَّادُمْ الْيِطَّهَّرْ كَفَّارَةْ قِدَّامْ اللّٰهْ.

لُوقا 2:24

وَ قَدَّمَوْا لِلّٰهْ ضَحِيَّةْ مِثِلْ مَكْتُوبْ فِي تَوْرَاةْ اللّٰهْ. مَكْتُوبْ: <قَدِّمْ قِمْرِيْ إِتْنَيْن أَوْ حَمَامْ إِتْنَيْن.>

لاوِيِّين 16:5

وَ هُو يَلْقَى مِنْ مُجْتَمَعْ بَنِي إِسْرَائِيلْ إِتْنَيْن تُيُوسْ ضَحِيَّةْ لِكَفَّارَةْ الذَّنِبْ وَ وَاحِدْ كَبِشْ لِلضَّحِيَّةْ الْمُحَرَّقَةْ.

لاوِيِّين 15:30

وَ رَاجِلْ الدِّينْ يِقَدِّمْ الْوَاحِدَةْ ضَحِيَّةْ لِكَفَّارَةْ الذَّنِبْ وَ الْآخَرَةْ ضَحِيَّةْ مُحَرَّقَةْ. وَ هُو يِسَوِّي لَيْهَا كَفَّارَةْ قِدَّامْ اللّٰهْ فِي شَانْ دِمِّيِّتْهَا النَّجَّسَتْهَا.»

لاوِيِّين 9:3

وَ بَعَدْ دَا، قُولْ الْكَلَامْ دَا لِبَنِي إِسْرَائِيلْ: ‹شِيلُوا تَيْس لِلضَّحِيَّةْ هَنَا كَفَّارَةْ الذَّنِبْ وَ عِجِلْ وَ خَرُوفْ أَوْلَادْ سَنَةْ وَ هُمَّنْ الْإِتْنَيْن يُكُونُوا مَا عِنْدُهُمْ أَيِّ عَيْب. وَ قَدُّمُوهُمْ ضَحِيَّةْ مُحَرَّقَةْ.

لاوِيِّين 5:11

«وَ كَنْ نَادُمْ مَا يَقْدَرْ يَلْقَى إِتْنَيْن قِمْرِيْ أَوْ إِتْنَيْن حَمَامْ، خَلَاصْ هُو يَقْدَرْ يِقَدِّمْ هَدِيَّةْ لِلذَّنِبْ الْهُو سَوَّاهْ كَوْرَوْ هَنَا دَقِيقْ هَدِيَّةْ لِكَفَّارَةْ ذَنْبَهْ. وَ مَا يِزِيدْ فَوْقهَا دِهِنْ وَ لَا لُبَانْ أَشَانْ دِي هَدِيَّةْ لِكَفَّارَةْ الذَّنِبْ.

مَتَّى 21:12

وَ عِيسَى دَخَلْ فِي بَيْت اللّٰهْ وَ طَرَدَاهُمْ لِكُلَّ النَّاسْ الْقَاعِدِينْ يِسَاوُقُوا فِي الْفَضَايْ. وَ شَقْلَبْ كُلَّ طَرَابِيزْ النَّاسْ الْيِبَدُّلُوا قُرُسْ وَ كُلَّ بَنَابِرْ النَّاسْ الْيِسَاوُقُوا حَمَامْ.

لاوِيِّين 7:1

وَ دَاهُو قَانُونْ ضَحِيَّةْ كَفَّارَةْ الْخَطَا وَ دَا شَيّءْ مُقَدَّسْ مَرَّةْ وَاحِدْ.

لاوِيِّين 12:6

«وَ وَكِتْ أَيَّامْ طِهَارِتْهَا هَنَا النُّفَاسْ بِالْوِلَيْد أَوْ الْبِنَيَّةْ يِكَمُّلُوا، هِي تِجِيبْ لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ خَرُوفْ وَلْد سَنَةْ لِلضَّحِيَّةْ الْمُحَرَّقَةْ. وَ بَتَّانْ كُلَ تِجِيبْ فَرْخ حَمَامْ أَوْ قِمْرِيَّةْ لِلضَّحِيَّةْ هَنَا كَفَّارَةْ الذَّنِبْ.

لاوِيِّين 14:30

وَ هُو يِقَدِّمْ وَاحِدَةْ مِنْ الْقِمْرِيْ أَوْ وَاحِدَةْ مِنْ الْحَمَامْ حَسَبْ قُدُرْتَهْ.

عَدد 5:6

«قُولْ لِبَنِي إِسْرَائِيلْ أَيِّ رَاجِلْ وَلَّا مَرَةْ كَنْ سَوَّى ذَنِبْ مِنْ كُلَّ الذُّنُوبْ الْيِسَوِّيهُمْ بَنِي آدَم، هُو عِصِي اللّٰهْ. وَ بَيْدَا، هُو يَبْقَى خَاطِي.

عَدد 6:10

وَ فِي الْيَوْم التَّامِنْ، يِجِيبْ قِمْرِيْ إِتْنَيْن أَوْ فُرُوخْ حَمَامْ إِتْنَيْن لِرَاجِلْ الدِّينْ فِي مَدَخَلْ خَيْمَةْ الْإِجْتِمَاعْ.

عَدد 6:11

وَ رَاجِلْ الدِّينْ يِقَدِّمْ الْوَاحِدْ ضَحِيَّةْ لِكَفَّارَةْ الذَّنِبْ وَ الْآخَرْ ضَحِيَّةْ مُحَرَّقَةْ. وَ دَا يَبْقَى كَفَّارَةْ لِلذَّنِبْ الْهُو سَوَّاهْ بِسَبَبْ الْمَيِّتْ وَ فِي نَفْس الْيَوْم هُو بَتَّانْ يِخَصِّصْ رَاسَهْ.

لاوِيِّين 27:8

«وَ كَنْ الرَّاجِلْ السَّوَّى النَّذِرْ دَا فَقْرِي مَا يَقْدَرْ يِكَفِّي التَّمَنْ، يِوَدِّي النَّادُمْ الْمُخَصَّصْ بَكَانْ رَاجِلْ الدِّينْ. وَ رَاجِلْ الدِّينْ يَقْطَعْ لَيَّهْ التَّمَنْ حَسَبْ قُدُرْتَهْ.