لاوِيِّين 5:16 - الكتاب المقدس بالعربي الدارجي هنا تشاد

¹⁶ وَ يِكَفِّي تَمَنْ الذَّنِبْ السَّوَّاهْ ضِدّ الْبَكَانْ الْمُقَدَّسْ وَ يِزِيدْ فَوْقَهْ خُمْسَهْ وَ يَنْطِيهْ لِرَاجِلْ الدِّينْ. وَ رَاجِلْ الدِّينْ يِسَوِّي لَيَّهْ كَفَّارَةْ بِالْكَبِشْ هَنَا ضَحِيَّةْ لِكَفَّارَةْ الْخَطَا وَ هُو يَلْقَى الْغُفْرَانْ.

لاوِيِّين 5:16 Referenca të Kryqëzuara

عَدد 5:7

خَلِّي يِعْتَرِفْ بِذَنْبَهْ الْهُو سَوَّاهْ وَ يِقَبِّلْ الشَّيّءْ الْهُو سَرَقَهْ وَ يِزِيدْ فَوْقَهْ الْخُمُسْ هَنَا تَمَنَهْ وَ يَنْطِيهْ لِلنَّادُمْ الْهُو خِطِي فَوْقَهْ.

لاوِيِّين 22:14

وَ كَنْ نَادُمْ أَكَلْ مِنْ الشَّيّءْ الْمُقَدَّسْ قَبُلْ مَا يَعَرْفَهْ، هُو يَنْطِي تَمَنَهْ لِرَاجِلْ الدِّينْ وَ يِزِيدْ فَوْقَهْ خُمْسَهْ.

لاوِيِّين 27:31

وَ كَنْ نَادُمْ يِدَوْر يَفْدَى شَيّءْ مِنْ الْعُشُرْ الْهُو يَنْطِيهْ، وَاجِبْ يِكَفِّي تَمَنَهْ وَ يِزِيدْ فَوْقَهْ خُمْسَهْ.

لاوِيِّين 27:27

وَ كَنْ لِلْبَهِيمَةْ النِّجْسَةْ، يَقْدَرَوْا يَفْدَوْهَا وَ يِزِيدُوا فِي تَمَنْهَا خُمُسْهَا. وَ كَنْ مَا فَدَوْهَا كَمَانْ، يِبِيعُوهَا حَسَبْ التَّمَنْ الْمَقْطُوعْ لَيْهَا.

لاوِيِّين 27:15

وَ كَنْ الرَّاجِلْ الْخَصَّصْ بَيْتَهْ دَوَّرْ يَفْدَاهْ هُو يِزِيدْ فَوْقَهْ خُمُسْ تَمَنَهْ وَ خَلَاصْ يَبْقَى هَنَايَهْ.

لاوِيِّين 27:13

وَ كَنْ يِدَوْرُوا يَفْدَوْهَا كَمَانْ، يِزِيدُوا فَوْقهَا خُمُسْهَا.

لاوِيِّين 5:10

وَ الطَّيْرَايْ الْآخَرَةْ، يِقَدِّمْهَا ضَحِيَّةْ مُحَرَّقَةْ حَسَبْ الْقَوَانِينْ. وَ بِمِثِلْ دَا، رَاجِلْ الدِّينْ يِسَوِّي لِلرَّاجِلْ دَا كَفَّارَةْ لِلذَّنِبْ الْهُو سَوَّاهْ. وَ خَلَاصْ، هُو يَلْقَى الْغُفْرَانْ.

أعمال الرُسُل 26:20

وَ أَوَّلْ شَيّءْ، أَنَا قَمَّيْت نِكَلِّمْ لِلنَّاسْ الْفِي دِمَشْق وَ بَعَدَيْن لِلنَّاسْ الْفِي مَدِينَةْ الْقُدُسْ وَ الْفِي كُلَّ دَارْ الْيَهُودِيَّةْ. وَ بَعَدْ دَا، قَمَّيْت نِكَلِّمْ لِلْأُمَمْ الْآخَرِينْ. وَ قُلْت لَيْهُمْ وَاجِبْ يِخَلُّوا ذُنُوبْهُمْ وَ يُتُوبُوا لِلّٰهْ وَ يِسَوُّوا الْعَمَلْ الْوَاجِبْ لِلنَّاسْ التَّابَوْا بِالصَّحِيحْ.

لُوقا 19:8

وَ زَكَّا قَمَّ فَوْق وَ قَالْ لِلرَّبّ عِيسَى: «يَا سَيِّدْنَا، نَنْطِي نُصّ مَالِي لِلْمَسَاكِينْ. وَ كَنْ شِلْت شَيّءْ مِنْ أَيِّ نَادُمْ بِظُلُمْ، نِقَبِّلَهْ لَيَّهْ أَرْبَعَةْ مَرَّاتْ.»

زَبُور 69:4

الْيَكْرَهَوْنِي بَلَا سَبَبْ، هُمَّنْ أَكْتَرْ مِنْ صُوفْ رَاسِي. وَ الْيِدَوْرُوا يِدَمُّرُونِي، هُمَّنْ شُدَادْ. وَ بَلَا سَبَبْ بِقَوْا عُدْوَانِي. وَ الشَّيّءْ الْأَنَا مَا سِرِقْتَهْ، نَقْدَرْ نِقَبِّلَهْ وَلَّا؟

لاوِيِّين 5:13

وَ بِمِثِلْ دَا، رَاجِلْ الدِّينْ يِسَوِّي لِلرَّاجِلْ دَا كَفَّارَةْ لِلذَّنِبْ الْهُو سَوَّاهْ مِنْ الْحَالَاتْ دَوْل. وَ هُو يَلْقَى الْغُفْرَانْ. وَ الْفَضَّلْ يُكُونْ لِرَاجِلْ الدِّينْ مِثِلْ هَدِيَّةْ هَنَا دَقِيقْ.»

لاوِيِّين 5:6

وَ فِي شَانْ الذَّنِبْ الْهُو سَوَّاهْ، يِقَدِّمْ ضَحِيَّةْ لِلّٰهْ مِنْ الْغَنَمْ عَنْزَايْ أَوْ غَنَمَايْ ضَحِيَّةْ لِكَفَّارَةْ الْخَطَا. وَ رَاجِلْ الدِّينْ يِسَوِّي لَيَّهْ كَفَّارَةْ لِذَنْبَهْ.

لاوِيِّين 4:26

وَ يِحَرِّقْ كُلَّ الشَّحَمْ فِي الْمَدْبَحْ مِثِلْ هُو سَوَّاهْ بِالشَّحَمْ هَنَا ضَحِيَّةْ السَّلَامَةْ. وَ بِمِثِلْ دَا، رَاجِلْ الدِّينْ يِسَوِّي كَفَّارَةْ الذَّنِبْ لِلشَّيْخ وَ هُو يَلْقَى الْغُفْرَانْ.

خُروج 22:1

«وَ كَنْ نَادُمْ سَرَقْ تَوْر أَوْ خَرُوفْ وَ دَبَحَهْ أَوْ بَاعَهْ، هُو يِكَفِّي التَّوْر خَمْسَةْ تِيرَانْ وَ الْخَرُوفْ أَرْبَعَةْ خُرْفَانْ.

لاوِيِّين 7:2

وَ فِي الْبَكَانْ الْيَدْبَحَوْا فَوْقَهْ الضَّحِيَّةْ الْمُحَرَّقَةْ بَسْ يَدْبَحَوْا فَوْقَهْ ضَحِيَّةْ كَفَّارَةْ الْخَطَا وَ دَمَّهَا يُرُشُّوا بَيَّهْ نَوَايِطْ الْمَدْبَحْ.

عَدد 5:8

وَ كَنْ النَّادُمْ دَا مَاتْ وَ مَا عِنْدَهْ وَرِيثْ لِيِقَبُّلُوا لَيَّهْ الشَّيّءْ السِّرْقَوْه، خَلَاصْ الشَّيّءْ دَا يَنْطُوهْ لِلّٰهْ يَعْنِي يَنْطُوهْ لِرَاجِلْ الدِّينْ. وَ دَا بَلَا كَبِشْ الْكَفَّارَةْ الْوَاجِبْ هُو يِجِيبَهْ لِيِكَفِّرْ بَيَّهْ ذَنْبَهْ.

1 صَمُوِيل 6:3

وَ هُمَّنْ قَالَوْا: «كَنْ تِقَبُّلُوا صَنْدُوقْ إِلٰـهْ بَنِي إِسْرَائِيلْ فِي بَلَدَهْ، مَا تِقَبُّلُوهْ سَاكِتْ. لَاكِنْ قَدُّمُوا لَيَّهْ هَدِيَّةْ لِكَفَّارَةْ الْخَطَا. وَ بَيْدَا، إِنْتُو تَشْفَوْا مِنْ الْمَرَضْ وَ تَعَرْفُوا مَالَا اللّٰهْ مَا رَفَعْ مِنْكُو الْوَبَاءْ دَا.»

لاوِيِّين 4:20

وَ يِسَوِّي بِالتَّوْر دَا مِثِلْ هُو سَوَّاهْ بِالتَّوْر هَنَا ضَحِيَّةْ كَفَّارَةْ الذَّنِبْ. وَ بِمِثِلْ دَا، رَاجِلْ الدِّينْ يِسَوِّي لَيْهُمْ كَفَّارَةْ وَ هُمَّنْ يَلْقَوْا الْغُفْرَانْ.