لاوِيِّين 5:12 - الكتاب المقدس بالعربي الدارجي هنا تشاد

¹² وَ هُو يِوَدِّي هَدِيّتَهْ دِي لِرَاجِلْ الدِّينْ. وَ رَاجِلْ الدِّينْ يِشِيلْ مَلْيَةْ إِيدْ مِنْ هَدِيَّةْ الذِّكْرَةْ وَ يِحَرِّقْهَا فِي الْمَدْبَحْ مِنْ فَوْق لِلضَّحِيَّةْ الْمُحَرَّقَةْ لِلّٰهْ. وَ دِي ضَحِيَّةْ لِكَفَّارَةْ الذَّنِبْ.

لاوِيِّين 5:12 Referenca të Kryqëzuara

لاوِيِّين 4:35

وَ رَاجِلْ الدِّينْ يِشِيلْ كُلَّ الشَّحَمْ مِثِلْ قَاعِدِينْ يِشِيلُوهْ مِنْ الْكَبِشْ هَنَا ضَحِيَّةْ السَّلَامَةْ وَ يِحَرِّقَهْ فِي الْمَدْبَحْ مِنْ فَوْق لِلضَّحَايَا الْمُحَرَّقِينْ الْقَاعِدِينْ فِي النَّارْ قِدَّامْ اللّٰهْ. وَ رَاجِلْ الدِّينْ يِسَوِّي لَيَّهْ كَفَّارَةْ لِلذَّنِبْ الْهُو سَوَّاهْ وَ هُو يَلْقَى الْغُفْرَانْ.»

لاوِيِّين 2:9

وَ رَاجِلْ الدِّينْ يَرْفَعْ هَدِيَّةْ الذِّكْرَةْ هَنَا الدَّقِيقْ وَ يِحَرِّقْهَا فِي الْمَدْبَحْ. وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

لاوِيِّين 2:2

وَ هُو يِوَدِّي هَدِيّتَهْ دِي لِرُجَالْ الدِّينْ مِنْ ذُرِّيَّةْ هَارُونْ. وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ الْمُخَلْبَطْ بِدِهِنْ وَ كُلَّ اللُّبَانْ. وَ يِحَرِّقْهُمْ فِي الْمَدْبَحْ. وَ دِي هَدِيَّةْ ذِكْرَةْ وَ هِي هَدِيَّةْ مُحَرَّقَةْ الْاللّٰهْ يَرْضَى بِرِيحِتْهَا.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

أعمال الرُسُل 10:4

وَ وَكِتْ شَافْ الْمَلَكْ، هُو خَافْ بِلْحَيْن وَ سَأَلَهْ وَ قَالْ: «شُنُو، يَا سَيِّدْنَا؟» وَ الْمَلَكْ رَدَّ لَيَّهْ وَ قَالْ: «اللّٰهْ قِبِلْ صَلَاوَاتَكْ وَ الصَّدَقَةْ الْأَنْطَيْتهَا. وَ هُو جَاهِزْ لِيُرُدّ لَيْك.

عَدد 5:26

وَ يَمْلَا إِيدَهْ مِنْ دَقِيقْ الْهَدِيَّةْ وَ دَا يِمَثِّلْ كُلَّ الْهَدِيَّةْ دِي. وَ هُو يِحَرِّقَهْ فِي الْمَدْبَحْ. وَ بَيْدَا، اللّٰهْ يَذْكُرَهْ. وَ بَعَدْ دَا، يَزْقِي الْمَرَةْ الْأَلْمِي دَا.

لاوِيِّين 6:15

وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ وَ الدِّهِنْ وَ كُلَّ اللُّبَانْ الْقَاعِدْ فِي الْهَدِيَّةْ وَ يِحَرِّقْهُمْ فِي النَّارْ وَ دِي هَدِيَّةْ ذِكْرَةْ هَنَا دَقِيقْ الرِّيحِتْهَا اللّٰهْ يَرْضَى بَيْهَا.

لاوِيِّين 3:11

وَ رَاجِلْ الدِّينْ يِحَرِّقَهْ فِي الْمَدْبَحْ وَ دَا مِثِلْ أَكِلْ مُحَرَّقْ لِلّٰهْ.

لاوِيِّين 3:4

وَ الْكِلَاوَةْ بِشَحَمْهُمْ وَ شَحَمْ النَّوَايِطْ وَ نُصّ الْكِبْدَةْ الْمَرَقَهْ مَعَ الْكِلَاوَةْ.

لاوِيِّين 2:16

وَ رَاجِلْ الدِّينْ يِحَرِّقْهُمْ مِثِلْ هَدِيَّةْ ذِكْرَةْ، نُصّ مِنْ الْقَمَحْ الْمَدْرُوشْ وَ الدِّهِنْ مَعَ كُلَّ اللُّبَانْ. وَ دِي هَدِيَّةْ مُحَرَّقَةْ لِلّٰهْ.

لاوِيِّين 1:17

وَ يُشُقّ الطَّيْرَايْ مِنْ بَيْن جَنَاحَيْهَا وَ لَاكِنْ مَا يَقْطَعْهَا إِتْنَيْن. وَ رَاجِلْ الدِّينْ يِحَرِّقْ الطَّيْرَايْ دِي فِي الْحَطَبْ الْمُقَبَّضْ نَارْ فِي الْمَدْبَحْ. وَ دِي ضَحِيَّةْ مُحَرَّقَةْ وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

لاوِيِّين 1:13

وَ النَّادُمْ دَا يِغَسِّلْ الْبُطُونْ وَ الضَّلَافَيْ بِأَلْمِي وَ رَاجِلْ الدِّينْ يِقَدِّمْهُمْ كُلُّهُمْ وَ يِحَرِّقْهُمْ فِي الْمَدْبَحْ. وَ دِي ضَحِيَّةْ مُحَرَّقَةْ وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

لاوِيِّين 1:9

وَ النَّادُمْ دَا يِغَسِّلْ الْبُطُونْ وَ الضَّلَافَيْ بِأَلْمِي وَ رَاجِلْ الدِّينْ يِحَرِّقْهُمْ كُلُّهُمْ فِي الْمَدْبَحْ. وَ دِي ضَحِيَّةْ مُحَرَّقَةْ وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

لاوِيِّين 5:11

«وَ كَنْ نَادُمْ مَا يَقْدَرْ يَلْقَى إِتْنَيْن قِمْرِيْ أَوْ إِتْنَيْن حَمَامْ، خَلَاصْ هُو يَقْدَرْ يِقَدِّمْ هَدِيَّةْ لِلذَّنِبْ الْهُو سَوَّاهْ كَوْرَوْ هَنَا دَقِيقْ هَدِيَّةْ لِكَفَّارَةْ ذَنْبَهْ. وَ مَا يِزِيدْ فَوْقهَا دِهِنْ وَ لَا لُبَانْ أَشَانْ دِي هَدِيَّةْ لِكَفَّارَةْ الذَّنِبْ.

لاوِيِّين 5:13

وَ بِمِثِلْ دَا، رَاجِلْ الدِّينْ يِسَوِّي لِلرَّاجِلْ دَا كَفَّارَةْ لِلذَّنِبْ الْهُو سَوَّاهْ مِنْ الْحَالَاتْ دَوْل. وَ هُو يَلْقَى الْغُفْرَانْ. وَ الْفَضَّلْ يُكُونْ لِرَاجِلْ الدِّينْ مِثِلْ هَدِيَّةْ هَنَا دَقِيقْ.»