لاوِيِّين 5:11 - الكتاب المقدس بالعربي الدارجي هنا تشاد

¹¹ «وَ كَنْ نَادُمْ مَا يَقْدَرْ يَلْقَى إِتْنَيْن قِمْرِيْ أَوْ إِتْنَيْن حَمَامْ، خَلَاصْ هُو يَقْدَرْ يِقَدِّمْ هَدِيَّةْ لِلذَّنِبْ الْهُو سَوَّاهْ كَوْرَوْ هَنَا دَقِيقْ هَدِيَّةْ لِكَفَّارَةْ ذَنْبَهْ. وَ مَا يِزِيدْ فَوْقهَا دِهِنْ وَ لَا لُبَانْ أَشَانْ دِي هَدِيَّةْ لِكَفَّارَةْ الذَّنِبْ.

لاوِيِّين 5:11 Referenca të Kryqëzuara

عَدد 5:15

خَلِّي رَاجِلْهَا يِوَدِّيهَا قِدَّامْ رَاجِلْ الدِّينْ. وَ يِوَدِّي مَعَايَهْ هَدِيَّةْ كَوْرَوْ هَنَا دَقِيقْ قَمَحْ أَبْيَضْ. وَ الْهَدِيَّةْ دِي، مَا يُصُبّ فَوْقهَا دِهِنْ وَلَّا يُصُبّ فَوْقهَا رِيحَةْ أَشَانْ دِي هَدِيَّةْ هِنْت غِيرَةْ وَ هَدِيَّةْ هِنْت ذِكْرَةْ الْيِذَّكَّرَوْا بَيْهَا الْخَطَا.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

عَدد 7:13

وَ فِي الْهَدِيَّةْ دِي، فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

لاوِيِّين 5:12

وَ هُو يِوَدِّي هَدِيّتَهْ دِي لِرَاجِلْ الدِّينْ. وَ رَاجِلْ الدِّينْ يِشِيلْ مَلْيَةْ إِيدْ مِنْ هَدِيَّةْ الذِّكْرَةْ وَ يِحَرِّقْهَا فِي الْمَدْبَحْ مِنْ فَوْق لِلضَّحِيَّةْ الْمُحَرَّقَةْ لِلّٰهْ. وَ دِي ضَحِيَّةْ لِكَفَّارَةْ الذَّنِبْ.

لاوِيِّين 5:9

وَ بِدَمّ الضَّحِيَّةْ، رَاجِلْ الدِّينْ يُرُشّ الدُّرْدُرْ هَنَا نَوَايِطْ الْمَدْبَحْ. وَ الْفَضَّلْ مِنْ الدَّمّ دَا، يِدَفِّقَهْ فِي قَعَرْ الْمَدْبَحْ. وَ دِي ضَحِيَّةْ لِكَفَّارَةْ الذَّنِبْ.

لاوِيِّين 5:6

وَ فِي شَانْ الذَّنِبْ الْهُو سَوَّاهْ، يِقَدِّمْ ضَحِيَّةْ لِلّٰهْ مِنْ الْغَنَمْ عَنْزَايْ أَوْ غَنَمَايْ ضَحِيَّةْ لِكَفَّارَةْ الْخَطَا. وَ رَاجِلْ الدِّينْ يِسَوِّي لَيَّهْ كَفَّارَةْ لِذَنْبَهْ.

خُروج 16:36

الْوَزِنْ هَنَا الْيَوْم دَاكْ أُسْمَهْ عُمَرْ وَ هُو يِسَاوِي عُشُرْ الْأَيْفَةْ.

خُروج 16:18

لَاكِنْ وَكِتْ مَشَوْا قَاوَسَوْه، اللَّقَّطَوْا كَتِيرْ مَا فَضَّلْ لَيْهُمْ وَ اللَّقَّطَوْا شِيَّةْ كُلَ مَا قَصَّرْ لَيْهُمْ. وَ بَيْدَا، أَيِّ وَاحِدْ لَقَّطْ حَسَبْ الْيِتِمّ لَيَّهْ.

لُوقا 2:24

وَ قَدَّمَوْا لِلّٰهْ ضَحِيَّةْ مِثِلْ مَكْتُوبْ فِي تَوْرَاةْ اللّٰهْ. مَكْتُوبْ: <قَدِّمْ قِمْرِيْ إِتْنَيْن أَوْ حَمَامْ إِتْنَيْن.>

عِبْرَانِيِّين 9:22

أَيْوَى، حَسَبْ شُرُوطْ التَّوْرَاةْ، كَتِيرْ مِنْ الْأَشْيَاءْ يِطَهُّرُوهُمْ بِدَمّ. وَ كَنْ دَمّ مَا دَفَّقَوْه، مَا فِي غُفْرَانْ.

لاوِيِّين 1:14

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الطُّيُورْ الْيِقَدِّمْهُمْ لِلّٰهْ، وَاجِبْ يِقَدِّمْ قِمْرِيْ أَوْ حَمَامْ.

لاوِيِّين 6:20

وَ دَاهُو الْهَدِيَّةْ الْيِقَدُّمُوهَا هَارُونْ وَ ذُرِّيّتَهْ، فِي يَوْم يَمْسَحَوْا وَ يِدَرُّجُوا وَاحِدْ مِنْهُمْ. هُو يِقَدِّمْ لِلّٰهْ هَدِيَّةْ كُلَّ يَوْم كَوْرَوْ هَنَا دَقِيقْ، نُصَّهَا بِفَجُرْ وَ نُصَّهَا بِعَشِيَّةْ.

لاوِيِّين 14:21

وَ كَنْ النَّادُمْ دَا فَقْرِي، مَا يَقْدَرْ يَلْقَى كُلَّ الْأَشْيَاءْ دَوْل، خَلِّي يِشِيلْ خَرُوفْ وَاحِدْ بَسْ لِضَحِيَّةْ كَفَّارَةْ الْخَطَا وَ دَا يِقَدُّمُوهْ هَدِيَّةْ مَرْفُوعَةْ لِيِسَوُّوا لَيَّهْ كَفَّارَةْ. وَ يِشِيلْ كَوْرَوْ هَنَا دَقِيقْ مُخَلْبَطْ بِدِهِنْ لِلْهَدِيَّةْ هَنَا الدَّقِيقْ وَ تِلِتْ لِيتِرْ هَنَا دِهِنْ.

لاوِيِّين 27:8

«وَ كَنْ الرَّاجِلْ السَّوَّى النَّذِرْ دَا فَقْرِي مَا يَقْدَرْ يِكَفِّي التَّمَنْ، يِوَدِّي النَّادُمْ الْمُخَصَّصْ بَكَانْ رَاجِلْ الدِّينْ. وَ رَاجِلْ الدِّينْ يَقْطَعْ لَيَّهْ التَّمَنْ حَسَبْ قُدُرْتَهْ.

لاوِيِّين 12:8

«وَ كَنْ هِي مَا تَقْدَرْ تَلْقَى خَرُوفْ، هِي تِشِيلْ قِمْرِيْ إِتْنَيْن أَوْ حَمَامْ إِتْنَيْن. وَاحِدْ تِقَدِّمَهْ لِلضَّحِيَّةْ الْمُحَرَّقَةْ وَ الْآخَرْ لِلضَّحِيَّةْ هَنَا كَفَّارَةْ الذَّنِبْ. وَ رَاجِلْ الدِّينْ يِسَوِّي لَيْهَا كَفَّارَةْ وَ هِي تَبْقَى طَاهِرَةْ.»