لاوِيِّين 5:1 - الكتاب المقدس بالعربي الدارجي هنا تشاد

¹ «وَكِتْ إِنْسَانْ حِضِرْ فِي مُشْكِلَةْ أَوْ يَعَرِفْ الْمُشْكِلَةْ دِي وَ حَلَّفَوْه لِيَشْهَدْ، كَنْ هُو لَبَّدْ نَفْسَهْ وَ أَبَى مَا يَشْهَدْ، النَّادُمْ دَا يُكُونْ مُذْنِبْ وَ يِلْحَمَّلْ نَتِيجَةْ خَطَايَهْ.

لاوِيِّين 5:1 Referenca të Kryqëzuara

لاوِيِّين 5:17

وَ كَنْ نَادُمْ يِسَوِّي ذَنِبْ بَلَا رَايْه ضِدّ وَاحِدَةْ مِنْ وَصَايَا اللّٰهْ، النَّادُمْ دَا يَبْقَى خَاطِي وَ يِلْحَمَّلْ نَتِيجَةْ خَطَايَهْ.

أمْثال 29:24

رَفِيقْ السَّرَّاقْ عَدُو نَفْسَهْ. يَعَرِفْ الْعِقَابْ وَ بَيْدَا كُلَ، يِلَبِّدْ الْجَرِيمَةْ.

مَتَّى 26:63

وَ عِيسَى قَاعِدْ سَاكِتْ بَسْ. وَ كَبِيرْ رُجَالْ الدِّينْ سَأَلَهْ بَتَّانْ وَ قَالْ: «نَحَلِّفَكْ بِأُسُمْ اللّٰهْ الْحَيّ. قُولْ لَيْنَا! إِنْتَ الْمَسِيحْ إِبْن اللّٰهْ وَلَّا؟»

لاوِيِّين 19:8

وَ الْيَاكُلَهْ يِلْحَمَّلْ نَتِيجَةْ خَطَايَهْ أَشَانْ هُو مَا أَحْتَرَمْ الْمُخَصَّصْ لِلّٰهْ. وَ النَّادُمْ دَا، وَاجِبْ يَفْصُلُوهْ مِنْ شَعَبَهْ.

لاوِيِّين 7:18

وَ كَنْ نَادُمْ أَكَلْ مِنْ لَحَمْ ضَحِيَّةْ السَّلَامَةْ فِي الْيَوْم التَّالِتْ، النَّادُمْ الْقَدَّمْ الضَّحِيَّةْ دِي، اللّٰهْ مَا يَقْبَلَهْ وَ ضَحِيّتَهْ كُلَ مَا تِنْحَسِبْ لَيَّهْ. وَ اللَّحَمْ دَا يُكُونْ حَرَامْ. وَ الْيَاكُلَهْ يِلْحَمَّلْ نَتِيجَةْ خَطَايَهْ.

حِزْقِيال 18:4

أَيْوَى، حَيَاةْ الْإِنْسَانْ هِنْتِي أَنَا. وَ مِثِلْ دَا، حَيَاةْ الْأَبُو وَ حَيَاةْ الْوِلَيْد، هُمَّنْ الْإِتْنَيْن كُلَ هِنَيّ أَنَا. وَ الْيِسَوِّي ذَنِبْ، هُو بَسْ الْيُمُوتْ.

1 مُلوك 8:31

«وَ كَنْ يُلُومُوا نَادُمْ وَ يُقُولُوا هُو سَوَّى خَطَا ضِدّ نَادُمْ آخَرْ وَ يَجْبُرُوهْ لِيَحْلِفْ بِحَلِيفَةْ التِّجِيبْ فَوْقَهْ اللَّعَنَةْ، خَلِّي النَّادُمْ دَا يَجِي يَحْلِفْ قِدَّامْ مَدْبَحَكْ الْقَاعِدْ فِي لُبّ الْبَيْت دَا.

عَدد 9:13

«وَ لَاكِنْ كَنْ نَادُمْ طَاهِرْ وَ مَا مُسَافِرْ وَ أَبَى مَا يِعَيِّدْ عِيدْ الْفِصْحَ، النَّادُمْ دَا وَاجِبْ يَفْصُلُوهْ مِنْ أَهَلَهْ بِسَبَبْ هُو مَا قَدَّمْ هَدِيَّةْ لِلّٰهْ فِي الْيَوْم الْمُحَدَّدْ. وَ النَّادُمْ دَا وَاجِبْ يِلْحَمَّلْ مَسْؤُولِيَّةْ الذَّنِبْ الْهُو سَوَّاهْ.

لاوِيِّين 20:17

«وَ كَنْ رَاجِلْ يَاخُدْ أَخْتَهْ بِنْت أَمَّهْ أَوْ بِنْت أَبُوهْ وَ كَنْ يَرْقُدْ مَعَاهَا وَ هِي تَرْقُدْ مَعَايَهْ، دَا عَيْب. وَ وَاجِبْ يَفْصُلُوهُمْ مِنْ شَعَبْهُمْ قِدَّامْ كُلَّ الشَّعَبْ. وَ بِسَبَبْ هُو رَقَدْ مَعَ أَخْتَهْ، يِلْحَمَّلْ نَتِيجَةْ خَطَايَهْ.

لاوِيِّين 17:16

وَ كَنْ مَا غَسَّلْ خُلْقَانَهْ وَ مَا أَلْبَرَّدْ، هُو يِلْحَمَّلْ نَتِيجَةْ خَطَايَهْ.»

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

حِزْقِيال 18:20

وَ الْإِنْسَانْ الْيَذْنِبْ، هُو بَسْ الْيُمُوتْ. الْوِلَيْد مَا يِلْحَمَّلْ خَطَا أَبُوهْ وَ الْأَبُو مَا يِلْحَمَّلْ خَطَا وِلَيْدَهْ. وَ الْعَادِلْ يَلْقَى نَتِيجَةْ عَدَالْتَهْ وَ الْعَاصِي يَلْقَى نَتِيجَةْ عِصْيَانَهْ.

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

أمْثال 30:9

أَشَانْ كَنْ غِنِيتْ وَ شِبِعْت، أَكُونْ نَكْفُرْ وَ نُقُولْ: «اللّٰهْ دَا يَاتُو؟» أَوْ كَنْ فِقِرْت وَ تِعِبْت، أَكُونْ نَسْرِقْ وَ نِتَلِّفْ أُسْمَكْ، يَا إِلٰـهِي.

زَبُور 38:4

أَشَانْ خَطَايِ فَاتْ رَاسِي وَ غَطَّانِي مِثِلْ حِمِلْ تَقِيلْ النَّزَلْ فَوْقِي.

2 أخبار 18:15

وَ لَاكِنْ الْمَلِكْ قَالْ لَيَّهْ: «نَحَلِّفَكْ كَمْ مَرَّةْ لِتِأَوْرِينِي إِلَّا الْحَقّ بِأُسُمْ اللّٰهْ؟»

1 مُلوك 22:16

وَ لَاكِنْ الْمَلِكْ قَالْ لَيَّهْ: «نَحَلِّفَكْ كَمْ مَرَّةْ لِتِأَوْرِينِي إِلَّا الْحَقّ بِأُسُمْ اللّٰهْ؟»

قُضياء 17:2

وَ الرَّاجِلْ دَا قَالْ لِأَمَّهْ: «أَنَا سِمِعْتِكِ تَلْعَنَيْ النَّادُمْ السِّرِقْ مِنْكِ 1 100 حَجَرْ فُضَّةْ. الْفُضَّةْ دِي فِي بَكَانِي. أَنَا بَسْ شِلْتَهَا.» وَ أَمَّهْ قَالَتْ لَيَّهْ: «اللّٰهْ يِبَارِكَكْ، يَا وِلَيْدِي.»

لاوِيِّين 5:15

وَ كَنْ نَادُمْ سَوَّى ذَنِبْ بَلَا رَايْه ضِدّ مُقَدَّسَاتْ اللّٰهْ، وَاجِبْ هُو يِقَدِّمْ لِلّٰهْ ضَحِيَّةْ لِكَفَّارَةْ الْخَطَا. وَ دَا، وَاحِدْ كَبِشْ الْمَا عِنْدَهْ أَيِّ عَيْب الْيِشِيلَهْ مِنْ الْغَنَمْ وَ تَمَنَهْ يِسَاوِي حَجَرْ فُضَّةْ حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ.

لاوِيِّين 4:2

حَجِّي لِبَنِي إِسْرَائِيلْ وَ قُولْ لَيْهُمْ: «أَيِّ وَاحِدْ مِنْكُو الْيِسَوِّي ذَنِبْ بَلَا رَايْه وَ يِخَالِفْ وَاحِدَةْ مِنْ كُلَّ وَصَايَا اللّٰهْ بِسَوِّيِّنْ عَمَلْ مُحَرَّمْ، دَاهُو الشَّيّءْ الْوَاجِبْ يِسَوِّيهْ.

خُروج 22:11

خَلَاصْ النَّادُمْ الْخَطَّوْا فِي بَكَانَهْ الْبَهِيمَةْ يَحْلِفْ بِأُسُمْ اللّٰهْ كَدَرْ هُو مَا سَبَّبْ الْخَسَارَةْ الْبِقَتْ فِي الْبَهِيمَةْ دِي. فِي الْحَالَةْ دِي، هُو مَا يِكَفِّي شَيّءْ لِسِيدْ الْبَهِيمَةْ. وَ سِيدْ الْبَهِيمَةْ وَاجِبْ يِقَصِّدْ بِالْحَلِيفَةْ دِي.

إرْمِيا 23:10

أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»