لاوِيِّين 4:2 - الكتاب المقدس بالعربي الدارجي هنا تشاد

² حَجِّي لِبَنِي إِسْرَائِيلْ وَ قُولْ لَيْهُمْ: «أَيِّ وَاحِدْ مِنْكُو الْيِسَوِّي ذَنِبْ بَلَا رَايْه وَ يِخَالِفْ وَاحِدَةْ مِنْ كُلَّ وَصَايَا اللّٰهْ بِسَوِّيِّنْ عَمَلْ مُحَرَّمْ، دَاهُو الشَّيّءْ الْوَاجِبْ يِسَوِّيهْ.

لاوِيِّين 4:2 Referenca të Kryqëzuara

عِبْرَانِيِّين 9:7

لَاكِنْ كَبِيرْ رُجَالْ الدِّينْ بَسْ يَدْخُلْ فِي نُصَّهَا الدَّخْلَانِي. وَ هُو مَا يَدْخُلْ إِلَّا مَرَّةْ وَاحِدَةْ بَسْ فِي السَّنَةْ. وَ هُو مَا يَدْخُلْ إِلَّا هُو شَايِلْ الدَّمّ الْيِقَدِّمَهْ لِلّٰهْ كَفَّارَةْ لِنَفْسَهْ هُو وَ لِخَطَايَا الشَّعَبْ السَّوَّوْهُمْ بَلَا رَايْهُمْ.

زَبُور 19:12

يَاتُو يَقْدَرْ يَعَرِفْ خَطَايَهْ السَّوَّاهْ بَلَا رَايْه؟ بَرِّينِي مِنْ الذَّنِبْ الْمُلَبَّدْ لَيِّ.

لاوِيِّين 4:27

«وَ كَنْ نَادُمْ مِنْ بَنِي إِسْرَائِيلْ سَوَّى ذَنِبْ بَلَا رَايْه، دَا عَمَلْ مُحَرَّمْ فِي وَصَايَا اللّٰهْ، خَلَاصْ بَيْدَا هُو يَبْقَى خَاطِي.

يَعْقُوب 3:10

بِخَشُمْ الْوَاحِدْ بَسْ نَشْكُرُوا وَ نَلْعَنَوْا بَيَّهْ. يَا أَخْوَانِي، خَلِّي مَا يَبْقَى مِثِلْ دَا.

عِبْرَانِيِّين 5:2

وَ هُو يَعَرِفْ كِكَّيْف يِحَجِّي بِنَفَسْ بَارِدْ لِلنَّاسْ الْجُهَّالْ وَ لِلنَّاسْ الْمُوَدِّرِينْ أَشَانْ هُو كُلَ إِنْسَانْ مُعَرَّضْ لِلضُّعُفْ.

1 تِمُوتَاوُس 1:13

وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

1 صَمُوِيل 14:27

وَ يُونَتَانْ مَا سِمِعْ كَدَرْ أَبُوهْ حَلَّفْ الْعَسْكَرْ وَ قَمَّ مَدَّ عَصَاتَهْ الْفِي إِيدَهْ وَ شَكَّ رَاسْهَا فِي الْعَسَلْ وَ أَكَلَهْ. وَ طَوَّالِي كَيْ، جِلْدَهْ بِقِي نَشِيطْ.

تَثْنِية 19:4

وَ دِي هِي الْحَالَةْ الْيَقْدَرْ يَجْرِي فَوْقهَا الْكَاتِلْ لِيِنَجِّي نَفْسَهْ وَكِتْ يَكْتُلْ أَخُوهْ. وَ دَا كَنْ يَكْتُلَهْ بَلَا رَايْه، هُو أَوَّلْ مَا عِنْدَهْ لَيَّهْ أَيِّ كَرَاهِيَّةْ.

لاوِيِّين 4:22

«وَ كَنْ شَيْخ سَوَّى ذَنِبْ بَلَا رَايْه، دَا عَمَلْ مُحَرَّمْ فِي وَصَايَا اللّٰهْ إِلٰـهَهْ وَ خَلَاصْ، هُو يَبْقَى خَاطِي.

لاوِيِّين 4:13

«وَ كَنْ كُلَّ مُجْتَمَعْ بَنِي إِسْرَائِيلْ يِسَوُّوا خَطَا بَلَا رَايْهُمْ وَ مَا يَعَرْفُوهْ، دَا عَمَلْ مُحَرَّمْ فِي وَصَايَا اللّٰهْ. وَ خَلَاصْ، بَيْدَا يَبْقَوْا خَاطِيِّينْ.

تكوين 20:9

وَ خَلَاصْ، أَبِيمَلِكْ نَادَى إِبْرَاهِيمْ وَ قَالْ لَيَّهْ: «دَا شُنُو السَّوَّيْتَهْ لَيْنَا دَا؟ وَ شُنُو الذَّنِبْ الْأَنَا سَوَّيْتَهْ لَيْك لَحَدِّي تِجِيبْ لَيْنَا مَصِيبَةْ كَبِيرَةْ مِثِلْ دِي، لَيِّ أَنَا وَ لِمَمْلَكَتِي؟ فِعِلَكْ السَّوَّيْتَهْ لَيْنَا دَا، مَا عَدِيلْ.»

لاوِيِّين 4:1

وَ اللّٰهْ حَجَّى لِمُوسَى وَ قَالْ:

لاوِيِّين 22:14

وَ كَنْ نَادُمْ أَكَلْ مِنْ الشَّيّءْ الْمُقَدَّسْ قَبُلْ مَا يَعَرْفَهْ، هُو يَنْطِي تَمَنَهْ لِرَاجِلْ الدِّينْ وَ يِزِيدْ فَوْقَهْ خُمْسَهْ.

عَدد 35:11

أَعَزُلُوا لَيْكُو مُدُنْ هَنَا لُجُوءْ أَشَانْ كَنْ نَادُمْ كَتَلْ نَادُمْ بَلَا رَايْه يَقْدَرْ يَجْرِي يَقْعُدْ فَوْقهُمْ.

جامِعة 5:6

مَا تِخَلِّي كَلَامَكْ يِسَوِّيكْ مُذْنِبْ وَ تُقُولْ لِرَاجِلْ الدِّينْ: «مَا نَقْدَرْ نِتِمّ نَذْرِي. أَنَا سَوَّيْت خَطَا!» بِمِثِلْ دَا، الرَّبّ يَغْضَبْ مِنْ كَلَامَكْ وَ يِدَمِّرْ خِدْمَةْ إِيدَيْنَكْ.

زَبُور 19:13

بَعِّدْنِي أَنَا عَبْدَكْ مِنْ الْمُسْتَكْبِرِينْ وَ مَا تِخَلِّيهُمْ يَمُلْكُوا فَوْقِي. وَ خَلَاصْ، نُكُونْ عَدِيلْ وَ بَرِي مِنْ الْخَطَا الْكَبِيرْ.