لاوِيِّين 26:5 - الكتاب المقدس بالعربي الدارجي هنا تشاد

⁵ وَ فِي بَكَانْكُو، وَكْت الدَّقِّينْ يَمْشِي لَحَدِّي الْقَطِعْ وَ الْقَطِعْ لَحَدِّي التَّيْرَابْ. وَ تَاكُلُوا مِنْ مَعَاشْكُو لَحَدِّي تَشْبَعَوْا وَ تَسْكُنُوا فِي بَلَدْكُو بِأَمَانْ.

لاوِيِّين 26:5 Referenca të Kryqëzuara

عَمُوس 9:13

«وَ دَاهُو يَجِي يَوْم وَاحِدْ الْفَوْقَهْ الْحَرَّاتِي يَجِي وَرَاءْ الْيَقْطَعْ وَ الْيَقْطَعْ الْعِنَبْ يَجِي وَرَاءْ الْيِتَيْرِبَهْ. وَ الْخَمَرْ يِسِيلْ بِكَتَرَةْ مِثِلْ أَلْمِي الْيَنْزِلْ مِنْ الْحَجَرْ. وَ دَا كَلَامْ اللّٰهْ.

يُوِيل 2:26

وَ إِنْتُو تَاكُلُوا وَ تَشْبَعَوْا وَ تَحْمُدُوا أُسْمِي أَنَا اللّٰهْ إِلٰـهْكُو. أَنَا سَوَّيْت لَيْكُو عَجَايِبْ وَ شَعَبِي أَبَداً مَا يَلْقَوْا عَيْب.

يُوِيل 2:19

وَ اللّٰهْ يُرُدّ لِشَعَبَهْ وَ يُقُولْ: «دَاهُو أَنَا نِرَسِّلْ لَيْكُو قَمَحْ وَ خَمَرْ وَ دِهِنْ. إِنْتُو تَشْبَعَوْا مِنْهُمْ وَ بَتَّانْ مَا نِعَيِّبْكُو قِدَّامْ الْأُمَمْ.

أمْثال 1:33

وَ لَاكِنْ الْيَسْمَعْنِي يَسْكُنْ بِأَمَانْ وَ يِعِيشْ بَلَا خَوْف مِنْ أَيِّ مَصِيبَةْ.»

تَثْنِية 11:15

وَ هُو يِقَوِّمْ قَشّ فِي زِرَاعِتْكُو لِبَهَايِمْكُو وَ إِنْتُو تَاكُلُوا وَ تَشْبَعَوْا.

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

1 بُطْرُس 1:5

وَ قُدْرَةْ اللّٰهْ تَحْفَضْكُو بِإِيمَانْكُو أَشَانْ تَلْقَوْا النَّجَاةْ الْاللّٰهْ جَهَّزَاهَا وَ يِبَيِّنْهَا فِي الْيَوْم الْأَخِيرْ.

أعمال الرُسُل 14:17

وَ لَاكِنْ فِي الْوَكِتْ دَا كُلَ، اللّٰهْ أَنْطَى شَهَادَةْ أَشَانْ يَعَرْفُوهْ هُو مَوْجُودْ. هُو سَوَّى لَيْكُو الْخَيْر وَ رَزَقَاكُو بِأَلْمِي مِنْ السَّمَاءْ وَ غَلَّةْ فِي الْخَرِيفْ وَ شَبَّعَاكُو بِأَكِلْ وَ أَنْطَاكُو فَرَحْ فِي قُلُوبْكُو.»

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

إرْمِيا 23:6

وَ فِي وَكِتْ حُكْمَهْ، بَنِي يَهُوذَا يَلْقَوْا النَّجَاةْ وَ بَنِي إِسْرَائِيلْ يَسْكُنُوا بِأَمَانْ. وَ دَاهُو الْأُسُمْ الْيِسَمُّوهْ بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

أمْثال 18:10

أُسُمْ اللّٰهْ هُو مِثِلْ بَيْت طَوِيلْ وَ قَوِي. الصَّالِحْ يَطْلَعْ فَوْقَهْ وَ شَيّءْ مَا يَلْحَقَهْ.

زَبُور 90:1

يَا رَبّ، مِنْ ذُرِّيَّةْ لِذُرِّيَّةْ، إِنْتَ بِقِيتْ مَلْجَئْنَا.

خُروج 16:8

وَ مُوسَى قَالْ بَتَّانْ: «اللّٰهْ هُو بَسْ الْيَنْطِيكُو بِعَشِيَّةْ لَحَمْ تَاكُلُوهْ. وَ بِفَجُرْ، تَشْبَعَوْا بِأَكِلْ مِنْ السَّمَاءْ أَشَانْ هُو سِمِعْ لُوَامِتْكُو. وَ كَنْ تُلُومُونَا أَنِحْنَ دَا، إِنْتُو لُمْتُوا اللّٰهْ.»

هُوشَع 2:18

فِي الْيَوْم دَا، نِسَوِّي لِشَعَبِي بَنِي إِسْرَائِيلْ عَلَاقَةْ مَعَ حَيْوَانَاتْ الْكَدَادَةْ وَ طُيُورْ السَّمَاءْ وَ زَوَاحِفْ الْأَرْض. وَ فِي الْبَلَدْ، نِكَسِّرْ النُّبَّالْ وَ السَّيْف وَ نِوَقِّفْ الْحَرِبْ أَشَانْ شَعَبِي يُنُومُوا بِأَمَانْ.

زَبُور 144:13

خَلِّي دَبَنْقَاتْنَا يَمْلَوْا مَرَّةْ وَاحِدْ بِكُلَّ شَيّءْ وَ غَنَمْنَا يِزِيدُوا بِآلَافْ أَيْوَى، يِزِيدُوا فِي كَدَادِتْنَا بِعَشَرَاتْ الْآلَافْ!

إشَعْيا 1:19

وَ كَنْ قَصَّدْتُوا وَ سِمِعْتُوا كَلَامِي، تَاكُلُوا مِنْ أَحْسَنْ إِنْتَاجْ الْأَرْض.

إشَعْيا 30:23

وَ هُو يِنَزِّلْ مَطَرَةْ فِي الْحَبّ الْإِنْتُو تِتَيْرُبُوهْ. وَ الْمَعَاشْ التَّنْتِجَهْ الْأَرْض يَبْقَى كَتِيرْ وَ حَلُو. وَ فِي الْيَوْم دَا، بَهَايِمْكُو يَسْرَحَوْا فِي مَرْعَى وَسِيعْ.

هُوشَع 2:20

وَ نَكْرُبْ رَاسْكِ بِصِدِقْ وَ إِنْتِ تَعَرْفِي كَدَرْ أَنَا بَسْ اللّٰهْ.

يُوِيل 2:22

يَا حَيْوَانَاتْ الْكَدَادَةْ، مَا تَخَافَوْا أَشَانْ قَشّ الْكَدَادَةْ يِخَضِّرْ. الشَّدَرْ يِسَوُّوا عِيَالْ وَ الْعِنَبْ وَ التِّينْ يَنْطُوا إِنْتَاجْهُمْ.