لاوِيِّين 26:4 - الكتاب المقدس بالعربي الدارجي هنا تشاد

⁴ أَنَا نِنَزِّلْ لَيْكُو الْمَطَرْ فِي وَكْتَهْ وَ الْأَرْض تَنْطِي إِنْتَاجْهَا وَ شَدَرْ الْكَدَادَةْ كُلَ يَنْطِي فَوَاكِهَّا.

لاوِيِّين 26:4 Referenca të Kryqëzuara

زَكَرِيَّا 8:12

هَسَّعْ نَزْرَعْ السَّلَامْ وَ جِنَيْنَةْ الْعِنَبْ تَلْدَ وَ الْأَرْض تَنْطِي إِنْتَاجْهَا وَ السَّمَاءْ تِنَزِّلْ مَطَرْ. وَ نَنْطِي كُلَّ الشَّيّءْ دَا مِثِلْ وَرَثَةْ لِلْفَضَّلَوْا مِنْ الشَّعَبْ.

زَبُور 67:6

وَ بَيْدَا، الْأَرْض تَنْطِي نَتِيجِتْهَا وَ اللّٰهْ إِلٰـهْنَا يِبَارِكْنَا.

حِزْقِيال 36:30

وَ نِكَتِّرْ فَوَاكِهْ الشَّدَرْ وَ إِنْتَاجْ الزِّرَاعَةْ أَشَانْ بَتَّانْ مَا تَلْقَوْا عَيْب بَيْن الْأُمَمْ فِي شَانْ الْجُوعْ.

إشَعْيا 30:23

وَ هُو يِنَزِّلْ مَطَرَةْ فِي الْحَبّ الْإِنْتُو تِتَيْرُبُوهْ. وَ الْمَعَاشْ التَّنْتِجَهْ الْأَرْض يَبْقَى كَتِيرْ وَ حَلُو. وَ فِي الْيَوْم دَا، بَهَايِمْكُو يَسْرَحَوْا فِي مَرْعَى وَسِيعْ.

أيُّوب 5:10

هُو بَسْ الْيِنَزِّلْ مَطَرَةْ فِي وِجْه الْأَرْض وَ يَزْقِي بَيْهَا الزِّرَاعَةْ.

تَثْنِية 28:12

وَ اللّٰهْ يَفْتَحْ لَيْكُو خَزَّانْ السَّمَاءْ. وَ دَا الْخَزَّانْ الْعَدِيلْ الْيُصُبّ أَلْمِي فِي بَلَدْكُو فِي وَكْتَهْ وَ يِبَارِكْ خِدْمَةْ إِيدَيْكُو. وَ إِنْتُو تِدَيُّنُوا أُمَمْ كَتِيرِينْ وَ لَاكِنْ إِنْتُو مَا تِدَّيَّنَوْا مِنْهُمْ.

تَثْنِية 11:14

خَلَاصْ هُو يِنَزِّلْ مَطَرْ فِي الْوَكِتْ الْمُوَافِقْ فِي بِدَايَةْ الْخَرِيفْ وَ الرِّشَاشْ. وَ بَعَدَهْ، يَجِي الدَّرَتْ الْفَوْقَهْ تِلِمُّوا قَمَحْكُو وَ خَمَرْكُو وَ دِهِنْكُو.

لاوِيِّين 25:21

خَلَاصْ أَنَا نِنَزِّلْ رَحْمَتِي فَوْقكُو فِي السَّنَةْ السَّادْسَةْ وَ هِي تَنْطِيكُو إِنْتَاجْ الْوَاجِبْ لَيْكُو لِتَلَاتَةْ سَنَةْ.

أعمال الرُسُل 14:17

وَ لَاكِنْ فِي الْوَكِتْ دَا كُلَ، اللّٰهْ أَنْطَى شَهَادَةْ أَشَانْ يَعَرْفُوهْ هُو مَوْجُودْ. هُو سَوَّى لَيْكُو الْخَيْر وَ رَزَقَاكُو بِأَلْمِي مِنْ السَّمَاءْ وَ غَلَّةْ فِي الْخَرِيفْ وَ شَبَّعَاكُو بِأَكِلْ وَ أَنْطَاكُو فَرَحْ فِي قُلُوبْكُو.»

مَتَّى 5:45

وَ كَنْ تِسَوُّوا مِثِلْ دَا، إِنْتُو تَبْقَوْا عِيَالْ أَبُوكُو اللّٰهْ. أَشَانْ هُو يَمْرُقْ الْحَرَّايْ لِلنَّاسْ الْفَسْلِينْ وَ لِلنَّاسْ الصَّالِحِينْ كُلَ. وَ يِخَلِّي الْمَطَرْ يُصُبّ لِلنَّاسْ الْعَدِيلِينْ وَ لِلنَّاسْ الْمَا عَدِيلِينْ كُلَ.

زَبُور 85:12

اللّٰهْ هُو ذَاتَهْ يَنْطِي الْخَيْر وَ أَرْضِنَا تَنْطِي إِنْتَاجْهَا.

زَبُور 68:9

يَا رَبّ! إِنْتَ نَزَّلْت مَطَرَةْ شَدِيدَةْ وَ ثَبَّتّْ شَعَبَكْ الْمِثِلْ وَرَثَتَكْ الْمَا عِنْدُهُمْ قُدْرَةْ.

رُؤية 11:6

وَ عِنْدُهُمْ قُدْرَةْ يَدْحَرَوْا الْمَطَرَةْ مَا تُصُبّ وَكِتْ هُمَّنْ قَاعِدِينْ يِبَلُّغُوا كَلَامْ اللّٰهْ. وَ عِنْدُهُمْ قُدْرَةْ يِشَقْلُبُوا الْأَلْمِي دَمّ وَ فِي أَيِّ وَكِتْ يَقْدَرَوْا يِنَزُّلُوا فِي الْأَرْض أَيِّ نَفَرْ هَنَا وَبَاءْ.

يَعْقُوب 5:7

يَا أَخْوَانِي، أَصْبُرُوا لَحَدِّي رَبِّنَا عِيسَى يَجِي. فَكُّرُوا فِي الْحَرَّاتِينْ. هُمَّنْ يَرْجَوْا الْخَرِيفْ لِيِتَيْرُبُوا الْغَلَّةْ الْمُهِمَّةْ لِحَيَاتْهُمْ. مِنْ تَيْرَبَوْهَا، يَرْجَوْا أَلْمِي يُصُبّ لِلْغَلَّةْ تُقُمّ وَ يَصْبُرُوا لَحَدِّي تَنْجَضْ.

إرْمِيا 14:22

هَلْ مِنْ الْإِلٰـهَاتْ الزَّايْلِينْ هَنَا الْأُمَمْ دَوْل فِي وَاحِدْ الْيَقْدَرْ يِنَزِّلْ الْأَلْمِي وَلَّا؟ هَلْ السَّمَاءْ ذَاتْهَا تِنَزِّلْ الْمَطَرْ وَلَّا؟ لَا! إِلَّا بَيْك إِنْتَ اللّٰهْ إِلٰـهْنَا. وَ أَنِحْنَ نَرْجَوْك بِعَشَمْ أَشَانْ إِنْتَ بَسْ التِّسَوِّي كُلَّ شَيّءْ.»

إشَعْيا 5:6

الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

زَبُور 104:13

مِنْ السَّمَاءْ فَوْق، إِنْتَ تَزْقِي الْجِبَالْ وَ الْأَرْض تِنْمَلِي بِنَتِيجَةْ خِدِمْتَكْ.

1 مُلوك 17:1

وَ فِيَّهْ رَاجِلْ وَاحِدْ أُسْمَهْ إِلِيَاسْ سَاكِنْ فِي حِلَّةْ تِشْبِي فِي تُرَابْ قِلْعَادْ. وَ هُو قَالْ لِلْمَلِكْ أَخَابْ: «نَحْلِفْ بِاللّٰهْ الْحَيّ، إِلٰـهْ بَنِي إِسْرَائِيلْ الْأَنَا قَاعِدْ نَعَبُدَهْ، فِي السِّنِينْ الْجَايِينْ مَا فِي كَرَنْج وَ لَا مَطَرَةْ إِلَّا كَنْ أَنَا شَحَدْتَهْ.»

لاوِيِّين 25:19

وَ الْبَلَدْ تَنْطِي إِنْتَاجْهَا وَ إِنْتُو تَاكُلُوا وَ تَشْبَعَوْا وَ تَسْكُنُوا بِأَمَانْ،

تَثْنِية 11:13

وَ كَنْ تَسْمَعَوْا وَصِيَّاتِي النَّنْطِيهُمْ لَيْكُو الْيَوْم وَ تِحِبُّوا اللّٰهْ إِلٰـهْكُو وَ تَخْدُمُوا لَيَّهْ بِكُلَّ قُلُوبْكُو وَ كُلَّ فِكِرْكُو،

زَبُور 67:7

أَيْوَى، الرَّبّ يِبَارِكْنَا وَ بَيْدَا، كُلَّ الْعَالَمْ يَخَافَوْا مِنَّهْ.

زَبُور 85:13

الْعَدَالَةْ مَاشَةْ قِدَّامَهْ وَ تِجَهِّزْ لَيَّهْ الدَّرِبْ.

يُوِيل 2:22

يَا حَيْوَانَاتْ الْكَدَادَةْ، مَا تَخَافَوْا أَشَانْ قَشّ الْكَدَادَةْ يِخَضِّرْ. الشَّدَرْ يِسَوُّوا عِيَالْ وَ الْعِنَبْ وَ التِّينْ يَنْطُوا إِنْتَاجْهُمْ.