لاوِيِّين 23:6 - الكتاب المقدس بالعربي الدارجي هنا تشاد

⁶ وَ فِي يَوْم 15 هَنَا نَفْس الشَّهَرْ، يُكُونْ عِيدْ الْخُبْزَةْ بَلَا تَوَّارَةْ لِلّٰهْ. وَ فِي مُدَّةْ سَبْعَةْ يَوْم، تَاكُلُوا خُبْزَةْ بَلَا تَوَّارَةْ.

لاوِيِّين 23:6 Referenca të Kryqëzuara

تَثْنِية 16:8

وَ فِي مُدَّةْ سِتَّةْ يَوْم، آكُلُوا خُبْزَةْ بَلَا تَوَّارَةْ. وَ فِي الْيَوْم السَّابِعْ، خَلَاصْ تِسَوُّوا حَفْلَةْ هَنَا كُمَالَةْ الْعِيدْ لِلّٰهْ إِلٰـهْكُو وَ فِي الْيَوْم دَا، مَا تِسَوُّوا أَيِّ خِدْمَةْ.

خُروج 34:18

«عَيُّدُوا عِيدْ الْخُبْزَةْ بَلَا تَوَّارَةْ. فِي سَبْعَةْ يَوْم، آكُلُوا خُبْزَةْ بَلَا تَوَّارَةْ مِثِلْ أَنَا أَمَرْتُكُو بَيَّهْ. وَ دَا فِي الْوَكِتْ الْمُحَدَّدْ فِي شَهَرْ الْقَنَادِيلْ. وَ دَا بَسْ الشَّهَرْ الْإِنْتُو مَرَقْتُوا بَيَّهْ مِنْ بَلَدْ مَصِرْ.

خُروج 12:14

«وَ الْيَوْم دَا، يَبْقَى لَيْكُو يَوْم التِّذَّكَّرَوْا فَوْقَهْ. وَ تِعَيُّدُوا دَايْماً الْعِيدْ دَا لِلّٰهْ وَ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ.»

خُروج 23:15

عَيُّدُوا عِيدْ الْخُبْزَةْ بَلَا تَوَّارَةْ. فِي سَبْعَةْ يَوْم، تَاكُلُوا خُبْزَةْ بَلَا تَوَّارَةْ مِثِلْ أَنَا أَمَرْتُكُو. وَ دَا فِي وَكِتْ الْمُحَدَّدْ فِي شَهَرْ الْقَنَادِيلْ الشَّهَرْ الْإِنْتُو مَرَقْتُوا بَيَّهْ مِنْ بَلَدْ مَصِرْ. مَا تَجُوا قِدَّامِي إِيدَيْكُو يَابْسِينْ.

تَثْنِية 16:3

وَ مَعَ أَكِلْ الْعِيدْ، مَا تَاكُلُوا خُبْزَةْ الْعِنْدَهَا تَوَّارَةْ. وَ لَاكِنْ سَبْعَةْ يَوْم، آكُلُوا خُبْزَةْ بَلَا تَوَّارَةْ وَ دِي خُبْزَةْ التَّعَبْ. أَشَانْ إِنْتُو مَرَقْتُوا مِنْ بَلَدْ مَصِرْ مُسَّعْجِلِينْ وَ بَيْدَا، فِي كُلَّ مُدَّةْ حَيَاتْكُو تِذَّكَّرَوْا الْيَوْم الْمَرَقْتُوا بَيَّهْ مِنْ بَلَدْ مَصِرْ.