لاوِيِّين 23:2 - الكتاب المقدس بالعربي الدارجي هنا تشاد

² حَجِّي لِبَنِي إِسْرَائِيلْ وَ قُولْ لَيْهُمْ: «الْأَعْيَادْ هِنَيّ أَنَا اللّٰهْ، هُمَّنْ الْأَعْيَادْ التِّلِمُّوا فَوْقهُمْ فِي مَلَمَّاتْ خَاصِّيْن. وَ دَوْل الْمَلَمَّاتْ الْمُحَدَّدِينْ لِلْعِبَادَةْ.

لاوِيِّين 23:2 Referenca të Kryqëzuara

لاوِيِّين 23:37

«وَ دَوْل الْأَعْيَادْ الْوَاجِبْ تِعَيُّدُوهُمْ لِلّٰهْ وَ الْمَلَمَّاتْ الْخَاصَّة التِّلِمُّوا فَوْقهُمْ لِتِقَدُّمُوا ضَحِيَّةْ مُحَرَّقَةْ وَ هَدِيَّةْ مُحَرَّقَةْ وَ هَدِيَّةْ هَنَا دَقِيقْ وَ ضَحَايَا آخَرِينْ وَ هَدِيَّةْ شَرَابْ حَسَبْ الْمُوَافِقْ لِأَيِّ يَوْم.

لاوِيِّين 23:4

«وَ دَاهُو أَيَّامْ أَعْيَادِي أَنَا اللّٰهْ وَ الْمَلَمَّاتْ الْخَاصِّيْن التِّلِمُّوا فَوْقهُمْ فِي وَكِتْ مُحَدَّدْ.

يُوِيل 2:15

أَضُرْبُوا الْبُوقْ فِي صَهْيُون وَ خَصُّصُوا يَوْم هَنَا صِيَامْ وَ قَرُّرُوا مَلَمَّةْ خَاصَّة.

هُوشَع 2:11

وَ نِوَقِّفْ فَرَحْهَا هَنَا أَيِّ عِيدْ وَ هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ هَنَا كُلِّ عَازُومَةْ.

زَبُور 81:3

أَضُرْبُوا الْبُوقْ فِي أَوَّلْ يَوْم فِي الشَّهَرْ وَ فِي أُسْط الشَّهَرْ فِي يَوْم عِيدْنَا.

عَدد 29:39

«‹وَ دَوْل بَسْ الْهَدَايَا الْوَاجِبْ تِقَدُّمُوهُمْ لِلّٰهْ فِي أَيَّامْ أَعْيَادْكُو. وَ الْهَدَايَا دَوْل، يِزِيدُوا فِي ضَحَايَا الْمُعَاهَدَةْ وَ الْهَدَايَا التِّقَدُّمُوهُمْ بِنِيِّتْكُو وَ الضَّحَايَا الْمُحَرَّقِينْ وَ الْهَدَايَا هَنَا الدَّقِيقْ وَ الْهَدَايَا هَنَا الشَّرَابْ وَ ضَحَايَا السَّلَامَةْ.›»

عَدد 10:10

أَضُرْبُوا الْبُرُنْجِي فِي فَرَحْكُو وَ عِيدْكُو وَ فِي الْيَوْم الْأَوَّلْ هَنَا كُلِّ شَهَرْ. وَ أَضُرْبُوا الْبُرُنْجِي وَكِتْ تِقَدُّمُوا ضَحَايَا مُحَرَّقِينْ وَ ضَحَايَا السَّلَامَةْ. وَ بَيْدَا، أَنَا إِلٰـهْكُو نِفَكِّرْ فَوْقكُو. وَ أَنَا اللّٰهْ إِلٰـهْكُو.»

يُوحَنَّا 5:1

وَ بَعَدْ دَا، عِيدْ آخَرْ هَنَا الْيَهُودْ قَرَّبْ وَ عِيسَى مَشَى فِي مَدِينَةْ الْقُدُسْ.

نَاحُوم 1:15

يَا شَعَبْ يَهُوذَا، دَاهُو فِي الْجِبَالْ نَادُمْ مَاشِي بِرِجِلَيْنَهْ وَ يِبَشِّرْ وَ يِبَلِّغْ السَّلَامْ. عَيُّدُوا وَ حَقِّقُوا نَذِرْكُو أَشَانْ عَدُوكُو الْمَا نَافِعْ مَا يُشُقّ بَلَدْكُو بَتَّانْ. وَ خَلَاصْ، كَلَامَهْ كَمَّلْ!

يُوِيل 1:14

خَصُّصُوا يَوْم هَنَا صِيَامْ وَ قَرُّرُوا مَلَمَّةْ خَاصَّة. لِمُّوا الشُّيُوخْ وَ كُلَّ سُكَّانْ الْبَلَدْ فِي بَيْت اللّٰهْ إِلٰـهْكُو وَ كَوْرُكُوا لَيَّهْ.

مَراثِي إرْمِيا 1:4

وَ شَوَارِعْ صَهْيُون حِزْنَوْا وَ مَا فِي نَاسْ مَاشِينْ لِلْعِيدْ وَ كُلَّ بِيبَانْ الْمَدِينَةْ دَفَّقَوْا. وَ رُجَالْ الدِّينْ هِنَيْهَا يَقُنْتُوا وَ بَنَاتْهَا الْعُدْرِيَّاتْ حَزْنَانَاتْ وَ مَدِينَةْ صَهْيُون قَاعِدَةْ فِي الْمُرّ.

إشَعْيا 33:20

شِيفْ صَهْيُون مَدِينَةْ فَرَحْنَا! وَ عُيُونَكْ يِشِيفُوا مَدِينَةْ الْقُدُسْ آمِنَةْ. هِي مِثِلْ خَيْمَةْ الْمَا تِلْحَوَّلْ وَ وُتَادْهَا أَبَداً مَا يَمُرْقُوا وَ حُبَالْهَا أَبَداً مَا يِلْفَرْتَقَوْا.

2 أخبار 30:5

وَ هُمَّنْ شَالَوْا نِيَّةْ يِخَبُّرُوا كُلَّ بَنِي إِسْرَائِيلْ مِنْ بِيرْ سَبْعَةْ فِي الْوَطِي لَحَدِّي دَانْ فِي الْمُنْشَاقْ لِيَجُوا فِي مَدِينَةْ الْقُدُسْ يِعَيُّدُوا عِيدْ الْفِصْحَ لِلّٰهْ إِلٰـهْ بَنِي إِسْرَائِيلْ. أَشَانْ شِيَّةْ مِنْهُمْ بَسْ قَاعِدِينْ يِعَيُّدُوا الْعِيدْ دَا حَسَبْ مَكْتُوبْ فِي التَّوْرَاةْ.

2 مُلوك 10:20

وَ يَاهُو أَمَرْ يِخَصُّصُوا عِيدْ لِبَعَلْ. وَ سَوَّوْا مِثِلْ كَيْ.

لاوِيِّين 23:44

وَ خَلَاصْ بِمِثِلْ دَا بَسْ، مُوسَى كَلَّمْ لِبَنِي إِسْرَائِيلْ بِأَعْيَادْ اللّٰهْ.

لاوِيِّين 23:21

وَ فِي الْيَوْم دَا بَسْ، تِلِمُّوا مَلَمَّةْ خَاصَّة وَ مَا تِسَوُّوا أَيِّ خِدْمَةْ قَاسِيَةْ. وَ دَا يَبْقَى شَرْط دَايِمْ لِذُرِّيِّتْكُو فِي أَيِّ بَكَانْ التَّسْكُنُوا فَوْقَهْ.

خُروج 32:5

وَ وَكِتْ هَارُونْ شَافْ الشَّيّءْ دَا، بَنَى مَدْبَحْ قِدَّامْ الْعِجِلْ. وَ حَجَّى لِلنَّاسْ وَ قَالْ: «أَمْبَاكِرْ عِيدْ لِإِلٰـهْنَا!»

كُلُوسِي 2:1

وَ نِدَوْر إِنْتُو تَعَرْفُوا كَدَرْ أَنَا قَاعِدْ نِجَاهِدْ بِلْحَيْن فِي شَانْكُو وَ فِي شَانْ الْأَخْوَانْ الْقَاعِدِينْ فِي حِلَّةْ لَاوْدِكِيَّةْ وَ كُلَّ الْأَخْوَانْ الْآخَرِينْ الْيَوْم وَاحِدْ مَا شَافَوْنِي.

كُلُوسِي 2:16

وَ أَشَانْ كُلَّ الْكَلَامْ دَا، مَا تِخَلُّوا أَيِّ نَادُمْ يُلُومْكُو فِي شَيّءْ التَّاكُلُوهْ وَلَّا تَشَرْبَوْه وَلَّا فِي أَيِّ عِيدْ التِّعَيُّدُوهْ وَ فِي أَوَّلْ يَوْم هَنَا كُلِّ شَهَرْ وَ فِي يَوْم السَّبْت.

لاوِيِّين 23:1

وَ اللّٰهْ حَجَّى لِمُوسَى وَ قَالْ:

1 أخبار 23:31

وَ يِقَدُّمُوا لِلّٰهْ كُلَّ الضَّحَايَا الْمُحَرَّقِينْ هَنَا كُلِّ يَوْم السَّبْت وَ أَوَّلْ يَوْم فِي كُلِّ شَهَرْ وَ كُلِّ عِيدْ. وَ دَا حَسَبْ الْعَدَدْ الْمُحَدَّدْ لَيْهُمْ فِي الشَّرِيعَةْ الْهُمَّنْ تَابْعِينْ لَيْهَا دَايْماً قِدَّامْ اللّٰهْ.

حِزْقِيال 44:24

وَ كَنْ فِي مُشْكِلَةْ، هُمَّنْ بَسْ يَبْقَوْا قُضْيَاءْ وَ يِشَارُعُوا حَسَبْ شَرِيعْتِي. وَ يِطَبُّقُوا شُرُوطِي الْفِي التَّوْرَاةْ وَ قَوَانِينِي وَ يَحْفَضَوْا كُلَّ أَعْيَادِي وَ يَوْمِي هَنَا السَّبْت، يَجْعَلَوْه مُقَدَّسْ.

2 أخبار 2:3

وَ سُلَيْمَانْ رَسَّلْ لِحِيرَامْ مَلِكْ بَلَدْ صُورْ وَ قَالْ لَيَّهْ: «مِنْ فَضْلَكْ، رَسِّلْ لَيِّ أَنَا كُلَ مِثِلْ إِنْتَ رَسَّلْت لِأَبُويِ دَاوُدْ حَطَبْ الْأَرْز لِيَبْنُوا لَيَّهْ بَيْت الْيَسْكُنْ فَوْقَهْ.

عَزْرا 3:5

وَ بَعَدْ الْعِيدْ، قَدَّمَوْا ضَحِيَّةْ مُحَرَّقَةْ دَايْمَةْ وَ ضَحِيَّةْ هَنَا أَوَّلْ يَوْم فِي كُلِّ شَهَرْ وَ ضَحِيَّةْ هَنَا كُلِّ يَوْم عِيدْ مُقَدَّسْ لِلّٰهْ وَ ضَحَايَا هَنَا النَّاسْ الْأَنْطَوْهُمْ بِنِيِّتْهُمْ.