لاوِيِّين 2:2 - الكتاب المقدس بالعربي الدارجي هنا تشاد

² وَ هُو يِوَدِّي هَدِيّتَهْ دِي لِرُجَالْ الدِّينْ مِنْ ذُرِّيَّةْ هَارُونْ. وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ الْمُخَلْبَطْ بِدِهِنْ وَ كُلَّ اللُّبَانْ. وَ يِحَرِّقْهُمْ فِي الْمَدْبَحْ. وَ دِي هَدِيَّةْ ذِكْرَةْ وَ هِي هَدِيَّةْ مُحَرَّقَةْ الْاللّٰهْ يَرْضَى بِرِيحِتْهَا.

لاوِيِّين 2:2 Referenca të Kryqëzuara

لاوِيِّين 6:15

وَ رَاجِلْ الدِّينْ يِشِيلْ مَلْيَةْ إِيدْ مِنْ الدَّقِيقْ وَ الدِّهِنْ وَ كُلَّ اللُّبَانْ الْقَاعِدْ فِي الْهَدِيَّةْ وَ يِحَرِّقْهُمْ فِي النَّارْ وَ دِي هَدِيَّةْ ذِكْرَةْ هَنَا دَقِيقْ الرِّيحِتْهَا اللّٰهْ يَرْضَى بَيْهَا.

لاوِيِّين 5:12

وَ هُو يِوَدِّي هَدِيّتَهْ دِي لِرَاجِلْ الدِّينْ. وَ رَاجِلْ الدِّينْ يِشِيلْ مَلْيَةْ إِيدْ مِنْ هَدِيَّةْ الذِّكْرَةْ وَ يِحَرِّقْهَا فِي الْمَدْبَحْ مِنْ فَوْق لِلضَّحِيَّةْ الْمُحَرَّقَةْ لِلّٰهْ. وَ دِي ضَحِيَّةْ لِكَفَّارَةْ الذَّنِبْ.

أعمال الرُسُل 10:4

وَ وَكِتْ شَافْ الْمَلَكْ، هُو خَافْ بِلْحَيْن وَ سَأَلَهْ وَ قَالْ: «شُنُو، يَا سَيِّدْنَا؟» وَ الْمَلَكْ رَدَّ لَيَّهْ وَ قَالْ: «اللّٰهْ قِبِلْ صَلَاوَاتَكْ وَ الصَّدَقَةْ الْأَنْطَيْتهَا. وَ هُو جَاهِزْ لِيُرُدّ لَيْك.

لاوِيِّين 24:7

وَ أَيِّ رَوْق تُخُطّ فَوْقَهْ لُبَانْ صَافِي وَ تِحَرِّقَهْ فِي بَدَلْ الْخُبْزَةْ مِثِلْ ذِكْرَةْ لِلّٰهْ. وَ دِي هَدِيَّةْ مُحَرَّقَةْ.

لاوِيِّين 2:9

وَ رَاجِلْ الدِّينْ يَرْفَعْ هَدِيَّةْ الذِّكْرَةْ هَنَا الدَّقِيقْ وَ يِحَرِّقْهَا فِي الْمَدْبَحْ. وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

لاوِيِّين 2:16

وَ رَاجِلْ الدِّينْ يِحَرِّقْهُمْ مِثِلْ هَدِيَّةْ ذِكْرَةْ، نُصّ مِنْ الْقَمَحْ الْمَدْرُوشْ وَ الدِّهِنْ مَعَ كُلَّ اللُّبَانْ. وَ دِي هَدِيَّةْ مُحَرَّقَةْ لِلّٰهْ.

نَحَمْيا 13:22

وَ أَنَا قُلْت لِلَّاوِيِّينْ يَبْقَوْا طَاهِرِينْ وَ يَجُوا يَحَرْسُوا بِيبَانْ الْمَدِينَةْ أَشَانْ يَوْم السَّبْت يُكُونْ مُقَدَّسْ. يَا إِلٰـهِي، فَكِّرْ فَوْقِي! مَا تَنْسَى الْعَمَلْ الْأَنَا سَوَّيْتَهْ دَا وَ حِنّ فَوْقِي بِرَحْمَتَكْ الْكَبِيرَةْ.

نَحَمْيا 13:14

يَا إِلٰـهِي، فَكِّرْ فَوْقِي! مَا تَنْسَى الْعَمَلْ الْأَنَا سَوَّيْتَهْ بِأَمَانْ لِبَيْتَكْ وَ لِخِدِمْتَهْ.

عَدد 5:18

وَ بَعَدْ وَقَّفَاهَا قِدَّامْ اللّٰهْ، هُو يَكْشِفْ رَاسْهَا وَ يَنْطِيهَا فِي إِيدَيْنهَا هَدِيَّةْ الذِّكْرَةْ يَعْنِي هَدِيَّةْ الْغِيرَةْ. وَ رَاجِلْ الدِّينْ كَمَانْ يِشِيلْ فِي إِيدَهْ الْأَلْمِي الْمُرّ الْيِجِيبْ اللَّعَنَةْ الْهُو جَهَّزَهْ.

خُروج 30:16

شِيلْ الْفُضَّةْ هَنَا الْكَفَّارَةْ دِي مِنْ بَنِي إِسْرَائِيلْ وَ أَسْتَعْمَلْهَا لِخِدْمَةْ خَيْمَةْ الْإِجْتِمَاعْ. وَ تَبْقَى كَفَّارَةْ لِبَنِي إِسْرَائِيلْ وَ ذِكْرَةْ قِدَّامْ اللّٰهْ.»

لاوِيِّين 4:31

وَ يِشِيلْ كُلَّ الشَّحَمْ مِثِلْ قَاعِدِينْ يِشِيلُوهْ مِنْ ضَحِيَّةْ السَّلَامَةْ وَ رَاجِلْ الدِّينْ يِحَرِّقَهْ فِي الْمَدْبَحْ وَ رِيحْتَهْ اللّٰهْ يَرْضَى بَيْهَا. وَ رَاجِلْ الدِّينْ يِسَوِّي لَيَّهْ كَفَّارَةْ وَ هُو يَلْقَى الْغُفْرَانْ.

لاوِيِّين 5:11

«وَ كَنْ نَادُمْ مَا يَقْدَرْ يَلْقَى إِتْنَيْن قِمْرِيْ أَوْ إِتْنَيْن حَمَامْ، خَلَاصْ هُو يَقْدَرْ يِقَدِّمْ هَدِيَّةْ لِلذَّنِبْ الْهُو سَوَّاهْ كَوْرَوْ هَنَا دَقِيقْ هَدِيَّةْ لِكَفَّارَةْ ذَنْبَهْ. وَ مَا يِزِيدْ فَوْقهَا دِهِنْ وَ لَا لُبَانْ أَشَانْ دِي هَدِيَّةْ لِكَفَّارَةْ الذَّنِبْ.

عَدد 5:26

وَ يَمْلَا إِيدَهْ مِنْ دَقِيقْ الْهَدِيَّةْ وَ دَا يِمَثِّلْ كُلَّ الْهَدِيَّةْ دِي. وَ هُو يِحَرِّقَهْ فِي الْمَدْبَحْ. وَ بَيْدَا، اللّٰهْ يَذْكُرَهْ. وَ بَعَدْ دَا، يَزْقِي الْمَرَةْ الْأَلْمِي دَا.

لاوِيِّين 1:9

وَ النَّادُمْ دَا يِغَسِّلْ الْبُطُونْ وَ الضَّلَافَيْ بِأَلْمِي وَ رَاجِلْ الدِّينْ يِحَرِّقْهُمْ كُلُّهُمْ فِي الْمَدْبَحْ. وَ دِي ضَحِيَّةْ مُحَرَّقَةْ وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

لاوِيِّين 1:13

وَ النَّادُمْ دَا يِغَسِّلْ الْبُطُونْ وَ الضَّلَافَيْ بِأَلْمِي وَ رَاجِلْ الدِّينْ يِقَدِّمْهُمْ كُلُّهُمْ وَ يِحَرِّقْهُمْ فِي الْمَدْبَحْ. وَ دِي ضَحِيَّةْ مُحَرَّقَةْ وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.

لاوِيِّين 1:17

وَ يُشُقّ الطَّيْرَايْ مِنْ بَيْن جَنَاحَيْهَا وَ لَاكِنْ مَا يَقْطَعْهَا إِتْنَيْن. وَ رَاجِلْ الدِّينْ يِحَرِّقْ الطَّيْرَايْ دِي فِي الْحَطَبْ الْمُقَبَّضْ نَارْ فِي الْمَدْبَحْ. وَ دِي ضَحِيَّةْ مُحَرَّقَةْ وَ هِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا.